2 TIMOHTI 2:24 - Jinghpaw Common Language Bible 2009

²⁴ Dai Madu a shangun ma chyawm gaw ga law ga la n mai nga ai; shi gaw masha yawng hpe matsan dum chye ai kaja ai hte myit galu nna sharin achyin chye ai sara rai ra ai.

Jinghpaw Hanson Version Bible

²⁴ Dai Madu a shangun ma chyawm gaw, ga law ga la n mai nga ai sha, yawng mayawng a man e shingdi ai, sharin shaga chye ai hte myit galu kaba rawng nna,

2 TIMOHTI 2:24 ပူးပေါင်းရင်းမြစ်များ

2 HKAWHKAM LABAU 24:6

Shi gaw shanhte a ningbaw rai nga ai Yehoiada hpe shaga la nhtawm, “Dai Madu a hpung shingkang shanu nga ai Sum hpe madi shadaw karum jaw na matu dai Madu a shangun ma Mawshe gaw amyu masha ni kaw hpyi ai ahkun hkanse, Yuda hte Yerusalem masha ni kaw na Lewi masha ni lahkawn shinggyin la na lam nang hpa majaw n shadut wu ni?,” ngu nna lajin wu ai.

ESAIA 40:11

Shi gaw sagu rem ai wa zawn shi a sagu hpung hpe lanu lahku na ra ai; shi gaw sagu kasha ni hpe shinggyin la nna dai ni hpe shi a lata lahpum hta pawn da na ra ai; shi gaw dai ni a kanu ni hpe angwi sha woi sa na ra ai.

Daniela 6:20

Shi gaw dai shara de du jang, myit tsang ai hte, “Ja e, ahkrung nga ai Karai Kasang a shangun ma Daniela e! Nang sadi grai dung let daw jau ai Karai Kasang gaw hkanghkyi ni kaw na hkye hkrang la lu nga a ni?,” ngu nna jahtau tsun wu ai.

MAHTE 12:19

Shi gaw tsun dangrang ai lam, shing n rai, jahtau ai lam galaw na ra ai n rai. Shi a nsen hpe lam hkan e kadai mung na lu na mu ai n rai.

YAWHAN 6:52

Dai shaloi Yuda masha ni gaw, “Ndai wa kaning di nna anhte hpe shi a ashan jaw sha lu na a ta?,” nga nna shanhte kata e pawt let tsun dangrang, san hkat nga ma ai.

KASA 15:2

De a majaw bra na lam pru nna Pawlu yan Barnaba gaw dai masha ni hte dai lam hte seng nna aja awa ndang kalang hkat ma ai. Dai majaw hpung gaw ndai ndang kalang hkat ai lam hte seng nna bawng ban jahkrup na matu Pawlu yan Barnaba hte Antioki hpung na myit su nkau mi hpe Yerusalem de nga ai kasa ni hte salang ni hpang de shangun dat na myit hkrum daw dan ma ai.

KASA 23:9

Shanhte marawn jahtau tsun shaga ai gaw grau nna ja wa ai, shaloi Hparishe hpung hta lawm ai tara sara nkau mi rawt nna, “Ndai wa hta anhte hpa mara mung n mu ga ai! Kaja wa Wenyi shing n rai lamu kasa langai mi shi hte ga tsun yang tsun shaga sana re!,” nga nna tsun hkat bu ma ai.

KASA 7:26

Hpang shani e Israela la lahkawng shada da gasat hkat nga ai hpe sa mu hkrup nna shi gaw shan a lapran e shangwi shapyaw htingram na matu, ‘hkau yan e, nan gaw hpu nau Israela shada she rai yang me, hpa rai gasat hkat nga myit ta?,’ ngu nna nem mu ai.

2 KORINHTU 10:1

Nanhte a man e akya shala rai myit grit myit nem ai lam madun nhtawm, nanhte hte tsan gang jang laja lana nden marai madun ai wa, ngu shatan hkrum ai ngai Pawlu nan nanhte hpe lajin dat made ai.

2 KORINHTU 10:4

Anhte a majan gasat ai hta lang ai laknak ni gaw mungkan shinggyim masha ni lang ai baw laknak n rai, ngang kang ai hpyen dap ni hpe jahten kau lu ai Karai Kasang a n-gun atsam hte hpring ai laknak ni rai nga ai. Anhte gaw n teng n man ai ndang kalang ga ni hpe jahten kau ga ai.

2 KORINHTU 6:4

Ru yak jam jau lam ni, tsin-yam tsindam ni, yak hkak lam ni hpe myit galu kaba hte hkam sharang nna anhte galaw ai lam shagu hta anhte gaw Karai Kasang a nchyang mayam ni rai nga ga ai lam she madun dan ga ai.

GALATI 5:22

Rai ti mung dai Wenyi a asi chyawm gaw, tsaw ra ai, kabu gara ai, ngwi pyaw ai, myit galu kaba ai, matsan dum ai, mai kaja ai,

EHPESU 4:2

Tut nawng e shagrit shanem nna sumnung shingdi ai hte hkam sharang nga mu. Nanhte a tsaw ra myit hpe madun nna shada da hkam mana nga mu.

TARA JAHPRANG 34:5

Dai rai nna dai Madu gaw shi hpe tsun nu ai hte maren, dai Madu a shangun ma kasa Mawshe gaw Moba mung dai shara e si mat sai.

HPILIPI 2:14

Nanhte galaw ra ai hpa lam hpe mung aput angun ndang kalang n rai ai sha galaw nga mu.

HPILIPI 2:3

Gumrawng gumtawng mayu ai myit, tinang akyu tam mayu ai myit, hte hpa mung hkum galaw mu; masha kaga wa gaw tinang hta grau kaja nga ai ngu nna tut nawng myit la let shada da shagrit shanem ai myit hte kanawn mazum nga mu.

KOLOSE 3:13

Nanhte hta marai langai ngai a ntsa e mara shagun shara nga ai shaloi shada da hkam sharang ai hte shada da mara raw dat hkat nga mu. Dai Madu gaw nanhte hpe mara raw dat kau ya manit dai hte maren, nanhte shada da mung mara raw dat lu na rai myit dai.

1 HTESALONI 2:7

Anhte gaw Hkristu a kasa ni re ai hte maren ahkaw ahkang hpe lang nna tsun shaga lu ga ai. Rai ti mung anhte gaw, nanhte hte rau nga nga ai ten hta, kasha ni hpe lanu lahku ai kanu zawn sumnung ai hte lanu lahku ga ai.

1 TIMOHTI 6:11

Nang chyawm gaw Karai Kasang a masha wa e, dai lam mahkra hte hpe koi gam nga u. Ding hpring ai, tara hkungga ai, kam sham ai, tsaw ra ai, shakut sharang ai hte sumnung ai myit ni hpe lu la hkra shakut shaja nga u.

TITU 1:1

Karai Kasang a shangun ma hte Yesu Hkristu a kasa wa rai nga ai ngai Pawlu gaw laika ka dat nngai. Karai Kasang gaw shi lata la ai masha ni a makam masham hpe bau maka sharawt ya na matu mung, anhte a nawku htung a sharin ya ai tengman ai lam hpe mu lu chye lu hkra lam madun na matu mung, ngai hpe lata la nna shangun dat ni ai.

TITU 1:7

Hpa majaw nga yang Hpung up wa gaw Karai Kasang a magam amu hpe lit la nna gun hpai ai wa rai nna, mara n rawng ai wa mai rai nga ai. Shi gaw myit tsaw myit dap ai wa, sindawng katawt ai wa, chyaru len ai wa, ga li ga law anu ajin rai chye ai wa, shing n rai gumhpraw marin ai wa n mai rai nga ai.

TITU 1:9

Shi gaw Hpung a sharin shaga ai lam hte myit hkrum nna kam hpa mai ai dai mungga hpe ngang ngang kang kang manoi manat ai wa, rai lu na rai nga ai. Shing rai yang she shi gaw dai teng man ai sharin shaga ai lam hte masha ni hpe n-gun jaw myit gang la lu na hte, dai mungga hte n htan shai ninghkap ai ni a shut ai lam hpe madi madun lu na rai nga ai.

TITU 3:2

Kadai hpe mung n kaja ai hku shatan nhkan ga n tsun ai sha sim sa ngwi pyaw hku hkau ai hku nga na hte, tut nawng masha yawng hte hpe sumnung ai myit madun dan mu ga, shanhte hpe tsun shadum nga u.

YAKU 1:1

Karai Kasang hte Madu Yesu Hkristu a shangun ma rai nga ai Yaku kaw nna mungkan ting de chyam bra nga ai Karai Kasang a masha ni hpang de shakram dat ai.

YAKU 3:17

Rai ti mung ntsa de na du sa ai hpaji byeng-ya chyawm gaw shawng npawt e san seng ai, dai hpang ngwi pyaw sim sa ai, sumnung shingdi ai hte hku hkau ai lam hpe byin shangun nga ai hta n ga, tsaw ra matsan dum myit hte hpring nna kaja ai magam bungli ni ngu ai apu asi ni hpe shabyin shapraw nga ai. Dai gaw myi man lata ai lam hte hpyi hpun ai lam hta n lawm nga ai.

YAKU 4:2

Nanhte gaw nanhte ra ai arai ni hpe n lu la myit dai majaw, masha sat na matu jin jin rai nga myit dai; nanhte gaw nanhte ra ai arai ni hpe nachying ra marit nga myit ti mung, n lu la myit dai majaw, nanhte gaw ga li ga law hte gasat gala rai nga myit dai. Nanhte gaw nanhte ra ai hpe nanhte n lu myit dai; hpa majaw nga yang nanhte ra ai lam a matu Karai Kasang kaw n hpyi myit dai.

YAWSHU 1:1

Dai Madu a shangun kasa Mawshe si mat ai hpang, shi hpe karum ai Nun a kasha Yawshu hpe dai Madu ga shaga wu ai.

1 PETRU 3:8

Hpungdim hku nna tsun mayu ai gaw, nanhte yawng hte hta maren mara re ai myit masa hte myit hta hkam sha ai lam rawng nga lu na rai nna; shada da shinggyim nau na zawn tsaw ra ai hte shada da matsan dum nna shagrit shanem hkat nga mu.

YUDA 1:3

Nye a tsaw ra ai ni e, anhte yawng jawm kam sham hkap la da sai hkye hkrang la ai lam nanhte hpang de ka dat na ngai grai shakut shaja nga nngai shaloi e, Karai Kasang gaw shi a masha ni hpe prat dingsa a matu lang mi hte sha ap ya da sai makam masham a matu matut nna dakring dalang gasat gala makawp maga sa wa na lam nanhte hpang de kalang ta laika ka nna n-gun jaw shadum shahprang na ra nga ai hpe ngai mu hkrup nngai.