2 TIMOHTI 2:19 - Jinghpaw Common Language Bible 2009

¹⁹ Rai ti mung Karai Kasang e jahkrat da sai ngang kang ai npawt nhpang hkridun chyawm gaw shamu shamawt shangun lu ai n rai; dai npawt nhpang a ntsa e dai Madu gaw, “Shi a masha rai nga ai ni hpe chye chyap nga ai,” nga nna mung, “Madu hte seng ai wa rai nngai nga nna tsun matsun yawng hte gaw shut hpyit ai amu hpe tawn kau da mu ga,” nga nna masat dazik ka shakap da nga ai.

Jinghpaw Hanson Version Bible

¹⁹ Rai timung, Dai Madu gaw shi hte seng ai ni hpe chye ginhka ai, nga nna mung, Dai Madu a amying mying ai ni nlang hte gaw, n ding n hpring ai hpe koi gam mu ga, nga nna mung, dazik sakse kap nga ai Karai Kasang a ngang kang ai npawt nhpang gaw, agrin nga ai.

2 TIMOHTI 2:19 ပူးပေါင်းရင်းမြစ်များ

YOBA 28:28

Karai Kasang gaw dai masha ni hpe, “Nanhte gaw hpaji rawng na matu dai Madu hpe hkrit hkungga lu na rai myit dai. Nanhte gaw chye na hkawn hkrang na matu n hkru ai kaw na kayin mat wa lu na rai myit dai,” ngu nna tsun wu ai.

SHAKAWN KUNGDAWN 1:6

Ding hpring ai ni gaw dai Madu kaw nna lam woi ai hte makawp maga la ai hkrum nga ma ai; n hkru ai ni chyawm gaw htum mat wa na mara ai.

SHAKAWN KUNGDAWN 112:6

Mai kaja ai masha wa gaw galoi mung hkrat sum mat na n rai; shi hpe tut nawng e adum nga ai hkrum na ra ai.

SHAKAWN KUNGDAWN 34:14

N hkru n shawp ai lam hpe koi kau nna mai kaja ai lam hpe galaw nga u; na a myit masin mahkra hte ngwi pyaw sim sa lam a matu, shakut shaja nga u.

SHAKAWN KUNGDAWN 37:18

Dai Madu gaw shi a ga madat mara nga ai ni hpe shi lanu lahku nga nna; dai mungdan hpe shanhte htani htana madu na mara ai.

SHAKAWN KUNGDAWN 97:10

N hkru ai ni hpe n ju n dawng nga ai ni hpe Madu tsaw ra nga ai; shi gaw shi a amyu masha ni a asak ni hpe makawp maga ya nna, tara n lang ai masha ni a n-gun atsam kaw nna mung, shanhte hpe mawai la nga ai.

GA SHAGAWP 10:25

Tara n lang ai ni gaw nbung laru du ai hte shapoi kau ai hkrum nga ma ai; ding hpring ai masha ni chyawm gaw tut nawng e, shim lum nga ma ai.

GA SHAGAWP 3:7

Nang chye ai madang hta jan nna, hpaji hkum rawng dum et; dai Madu hpe temsi rai nna madat mara nga let, shut hpyit ai amu galaw na matu, ningdang kau u.

ESAIA 14:32

Anhte gaw Hpilisti mung kaw nna anhte hpang de du sa wa ai kasa ni hpe kaning ngu htan na rai ga ta? Anhte gaw shanhte hpe dai Madu gaw Ziun hpe gaw da nu ai; nni nkri hkam sha nga ai shi a amyu masha ni gaw dai yang e shim lum lam mu tam la na mara ai, ngu tsun dan na ga ai.

ESAIA 28:16

Ya chyawm gaw, ndai lam hte seng nna Tsaw Htum ai dai Madu gaw, “Ngai gaw Ziun Bum ntsa e ngang kang ai hte n-gun ja ai npawt nhpang gaw da na nngai. Ngai gaw dai shara hta, ‘Makam masham gaw ngang grin nga ai hte hkam sharang ai mung rai nga ai,’ ngu ai laika ka shakap da ai ngang ai njut nlung langai jahkrat bang da na nngai.

ESAIA 63:19

Nang gaw anhte hpe anhte a mung du galoi mung n tai yu ai wa zawn mung, anhte gaw na a amyu masha ni galoi mung n tai yu ai ni zawn di nga ndai.

ESAIA 65:15

Lata la hkrum sai nye a amyu masha ni gaw na a mying hpe dagam dala ga hku lang wa na mara ai. Tsaw Htum ai dai Madu ngai gaw nang hpe sat kau na nngai. Rai ti mung ngai gaw nye a ga madat mara ai ni hpe mying nnan jaw na nngai.

EZEKELA 9:4

“Yerusalem ting de dinghkren hkawm nna, mare kata e galaw ai matsat shabat amu yawng a majaw myit ru yawn hkyen ai hte tsin-yam tsindam hkrum sha nga ai masha shagu hte a kahtan ntsa e masat shakap da u,” ngu nna tsun wu ai.

NAHUM 1:7

Dai Madu gaw mai kaja nga ai; shi gaw shi a amyu masha ni hpe ru tsang hkrum ai aten ni hta makawp maga la nga ai; shi hpang de kayin wa ai ni hpe shi bau sin ya nga ai.

HAGI 2:23

Dai shani e, ngai gaw nye a shangun ma Zerubabela hpe woi la nna nye a mying nsang hte up hkang na matu shi hpe ahkang aya ap ya na nngai. Nang gaw ngai lata da sai masha langai rai nga ndai.” Chyahtum Chyalai N-gun rawng ai dai Madu tsun nu ai.

ZEHKARIA 3:9

Man sanit rawng ai nlung langai mi hpe Yawshu a man e ngai tawn da nngai. Dai hta nlung laika tawk ka da na nngai; shing rai lani jan hta sha, ndai mungdan na yubak mara hpe htawm kau na we ai.

BU HKAWM 16:5

Dai hpang shi gaw Kora hte shi a manang ni hpe, “Shi hte kadai seng nga ai lam mung, hpawt de dai Madu anhte hpe madun dan na ra ai; shi hte seng ai wa hpe shi lata la nhtawm tawn hkungri nga ai de shani la na ra ai.

BU HKAWM 6:27

Dai Madu gaw, “Shanhte nye a mying gang nna Israela amyu masha ni hpe shaman ga tsun ai rai yang, ngai mung shanhte hpe shaman ya na mawe ai,” ngu nna tsun wu ai.

MAHTE 24:24

Hpa majaw nga yang, masu ai Meshia hte masu ai myihtoi ni paw pru na mara ai; shanhte gaw byin mai ai rai yang, Karai Kasang e lata la tawn sai masha ni hpe pyi lam shadam kau lu hkra lamik kumla kaba hte mauhpa amu ni galaw dan na mara ai.

MAHTE 28:19

Dai majaw nanhte pru sa nna, shara shagu na masha amyu baw shagu ni hpe nye a sape ni shatai let, Kawa a Kasha a Chyoi Pra Ai Wenyi a amying nsang hta shanhte hpe hkalup jaw nhtawm,

MAHTE 7:23

Dai shaloi e, ‘Ngai nanhte hpe galoi mung n chye made ai; n hkru n kaja ai masha ni e, ngai kaw na pru mat wa mu!,’ ngu nna ngai shanhte hpe tsun na mawe ai.

MAHTE 7:25

Dai marang htu nna, hka tung wa ai hte nbung bung wa nna, dai nta hpe ahtu wu timung, lunghkrung ntsa e gaw da nga ai majaw, n kadawng lu ai.

MARKU 12:16

Dai rai nna, shanhte la wa mu ai. Shi gaw, “Gade a sumla hte masat laika kap nga a ta?,” ngu nna san mu yang, shanhte gaw, “Kehta a sumla hte masat laika kap nga ai,” ngu nna shi hpe htan mu ai.

MARKU 13:22

Hpa majaw nga yang, masu ai Meshia hte masu ai myihtoi ni paw pru na ra ai. Shanhte gaw Karai Kasang a lata la ai masha ni hpe pyi lam shadam lu yang shadam lu hkra lamik kumla ni hte mauhpa amu ni galaw dan na mara ai.

LUKA 13:27

Rai ti mung nta madu wa gaw, “Nanhte kanang na rai myit dai hpe ngai n chye nngai, n hkru n shawp ai masha ni yawng hte e, ngai kaw na pru mat wa mu!,” nga nna tsun na ra ai.

LUKA 6:48

Dai wa gaw, wahpang gaw yang, sung sung htu nna lunghkrung ntsa e npawt gaw ai wa hte bung nga ai. Hka rawt hka tung wa yang, hka hpungla ni dai nta hpe ahtu adawt rai ti mung, ngang ngang kang kang gaw da sai majaw, dai hpe n shamawt lu ai.

YAWHAN 10:14

Ngai gaw sagu rem wa kaja rai nngai; nye Wa gaw ngai hpe chye ai rai nna ngai mung Wa hpe chye nngai zawn,

YAWHAN 13:18

Nanhte yawng hpe sha-ang nna ngai tsun nga nngai n rai; ngai lata la tawn sai ni hpe gaw ngai chye da we ai. Rai ti mung, Chyum Laika hta, nye a shat sha ai wa gaw, shi a lahtin hte ngai hpe hkindit nngai, nga nna ka da ai ga dik wa lu na matu rai nga ai.

YAWHAN 3:33

Shi a sakse lam hpe hkap la ai wa chyawm gaw, Karai Kasang gaw teng man nga ai, nga nna shagrin ya nga ai.

KASA 11:26

Shi hpe mu jang Antioki de woi wa wu ai. Ya, shan gaw laning mi tup dai hpung masha ni hte rau hpawng nga ma ai rai nna masha law law hpe sharin shaga lu ma ai, sape ni mung Hkristan ni ngu ai mying hpe Antioki mare hta shawng lu la ma ai.

KASA 15:17

Shaloi she, ngam nga ai masha amyu ni yawng hte, nye a amyu masha ni tai na matu, ngai shaga la ai maigan masha ni nlang hte gaw ngai hpang de sa wa na mara ai.

KASA 9:14

Dai hta n-ga, ya mung, nang hpe nawku daw jau ai ni yawng hpe rim la na matu hkinjawng agyi ni kaw na ahkang hte Damasku mare de du sa ra ai,” ngu nna htan wu ai.

ROMA 11:2

Karai Kasang gaw shawng npawt kaw nna lata la sai shi a amyu masha ni hpe kabai kau nu ai n rai. Chyum Laika hta Elia gaw Israela amyu masha ni hpe mara shagun let Karai Kasang kaw kaning nga hpyi nem ai hpe nanhte chye nga myit dai.

ROMA 12:9

Tsaw ra ai myit hta sawt ai n lawm u ga, n hkru n hkra ai hpe n ju n dawng matsat nna, mai kaja ai hta manoi nga mu.

ROMA 15:20

Rai ti mung masha wa langai ngai e gaw da ai npawt ntsa hta n kahtap u ga, Hkristu a mying n na yu ai shara hkan e dai Kabu Gara Shiga hkaw dan na ngai galoi mung myit sharawng makun nga nngai.

ROMA 15:9

Maigan amyu masha ni pyi Karai Kasang a matsan dum lama ai lam hpe shakawn kungdawn lu mu ga, ngu nna mung du sa ra ai. Chyum laika hta, “Dai re ai majaw maigan amyu ni a kata hta ngai nang hpe shakawn na nngai, Na a mying nsang hpe mahkawn mangoi na nngai,” nga nna ka da ai hte maren rai nga ai.

ROMA 8:28

Karai Kasang hpe tsaw ra nna shi a shatawng shada da ai hte maren shaga la hkrum ai ni a matu mara yawng mayawng hta mai kaja ai lam byin wa u ga, Karai Kasang gaw shanhte hte rau amu galaw nga ai hpe anhte chye ga ai.

ROMA 9:11

Rai ti mung kasha yan pyi garai n shangai ai rai nna kaja ai hte n kaja ai garai n chye galaw ai ten kaw nna pyi Karai Kasang gaw Rebeka hpe, “Na kasha kaba ai wa mahtang kaji ai wa hpe daw jau na ra ai,” ngu nna tsun wu ai.

1 KORINHTU 1:2

Korinhtu mare na Karai Kasang a Hpung hta lawm nga ai ni hte, shara shagu hkan na, anhte hte shanhte a Madu rai nga ai Madu Yesu Hkristu hpe nawku daw jau nga ai Hkristu Yesu hta e, Karai Kasang a chyoi pra ai amyu masha tai na matu shaga la hkrum ai ni yawng hpang de ga shana dat ga ai.

1 KORINHTU 8:3

Rai ti mung Karai Kasang hpe tsaw ra ai wa gaw, Karai Kasang e chye chyap masat da ai hpe hkam la nga ai.

2 KORINHTU 7:1

Tsaw ra ai jinghku ni e, ndai ga sadi ni yawng gaw anhte hpe jaw da ai rai nga ai. Dai re ai majaw anhte gaw hkum hkrang hte wenyi hpe awu asin di kau ai matsat shabat nga manga hta na tinang hkum hpe jasan jaseng kau nhtawm Karai Kasang hpe hkrit hkungga let chyoi pra htum ai hku asak hkrung nga ga.

GALATI 4:9

Ya chyawm gaw nanhte Karai Kasang hpe chye wa manit dai hta n-ga, Karai Kasang mung nanhte hpe chye nga sayang me, n-gun kya ai hte matsan mayan re ai nat minla ni a hpang de nanhte hpa rai nhtang mat wa mayu myit ta?

EHPESU 2:20

Nanhte gaw kasa ni hte myihtoi ni gaw da ai npawt nhpang hta de kahtap myit dai; Hkristu chyawm gaw shi nan njut jahtum na nlung rai nga ai.

EHPESU 3:15

Kawa Karai Kasang a man e ngai lahput hput di nna akyu hpyi nngai.

EHPESU 4:30

Dai hta n ga Chyoi Pra ai Wenyi hpe hkum shayawn kau nga myit; hpa majaw nga yang dai Chyoi Pra ai Wenyi gaw nanhte hpe Karai Kasang madu nga ai lam sakse masat dazik rai nna hpang jahtum nhtoi e nanhte hpe Karai Kasang shalawt dat hkrum na ra ai hpe pahkam hkam ya ai lam langai mi mung rai nga ai.

1 TIMOHTI 3:15

Rai ti mung lama wa ngai alawan n lu du sa wa ai rai yang hkrung nga ai Karai Kasang a hpung ngu ai dai teng man ai lam a npawt hkridun rai nga ai Karai Kasang a nta dinghku hta anhte kaning re ai arawn asam sat lawat hkan sa mai ai lam chye lu u ga, ndai laika hpe ka dat nngai.

1 TIMOHTI 6:19

Ndai hku nna shanhte gaw hpang na prat a matu ngang kang ai npawt nhpang tai nga u ga, hpu ging ai sutgan shanhte mahkawng da lu nna teng man ai asak hkrung lam majing hpe lu la na mara ai.

HEBRE 11:10

Hpa majaw nga yang, Abraham gaw Karai Kasang e hkrang kasi shapraw nna ngang grin ai npawt nhpang hte gaw gap da ngut sai mare hpe, shi myit mada ala nga ai.

2 PETRU 3:14

Dai re majaw nye a manang ni e, nanhte dai nhtoi hpe la nga ai ten hta Karai Kasang a man e nanhte a myit masin san seng nna mara n kap u ga hte shi hta ngwi pyaw sim sa nga lu na matu atsam htum hkra shakut shaja nga mu.

1 YAWHAN 2:19

Ndai masha ni gaw galoi mung anhte a kanawn mazum ai hte n seng ai ni rai ma ai majaw, anhte kaw na shanhte pru mat wa ma ai, anhte a kanawn mazum ai hte seng ai ni rai ma taw gaw shanhte gaw anhte hte rau nga nga na ma ai. Rai ti mung shanhte nlang anhte hte kaja wa n seng ai lam dan leng wa u ga, shanhte pru mat wa ma ai.

SHINGRAN 17:8

Nang mu ai matse labye gaw, moi shawng de asak hkrung nna nga yu sai rai tim ya asak n hkrung sai. Shi gaw dai sung htum ai nhkun kaw nna lung wa magang ra ai rai nna, jahten kau hkrum na shara de sa wa na ra ai. Ginding aga nnan lat kaw nna tinang a mying ni hpe asak laika hta n ka shalawm da ai, ga ntsa e nga ai masha ni gaw, dai matse labye hpe mu ai hte yawng mayawng mau mahka na mara ai. Shi gaw shawng de kalang mi asak hkrung nga yu sai, ya asak n hkrung sai, rai ti mung hpang e kalang mi bai asak hkrung pru wa na ra ai.

SHINGRAN 2:13

Nang gara shara e nga nga ndai hpe ngai chye nga nngai. Satan a tingnyang dung nga ai shara e nang nga nga ndai. Ngai hta sadi dung ai hte sakse hkam ai Antipa gaw Satan de nga ai shara ngu ai nanhte a ka-ang e Sat kau hkrum ai aten hta pyi, nang gaw ngai hta sadi dung nga nna, ngai hpe kam sham ai na a makam masham hpe n nyet kau ndai.

SHINGRAN 21:14

Dai mare a bunghku hpe npawt nhpang nlung shi lahkawng a ntsa e gaw da nna, dai ni a ntsa e Sagu Kasha a kasa ni shi lahkawng a mying shingteng ni hpe ka kap da nga ai.

SHINGRAN 22:4

Shanhte gaw, shi myi man hpe ayu mada nga lu na mara ai rai nna, shanhte a lahtan ni hta shi a mying nsang ka kap da na ra ai.

SHINGRAN 3:8

Nang galaw nga ai amu hpe ngai chye nngai. Nang n-gun atsam loi mi sha rawng ti mung, nye a sharin shaga ai ga hpe nang hkan nang nna, nye a ntsa e sadi dung nit dai hpe ngai chye nga nngai. Na a man e kadai mung n la da lu ai chyinghka langai mi ngai hpaw malang da se ai.