2 TIMOHTI 2:11 - Jinghpaw Common Language Bible 2009

¹¹ Ndai ga gaw teng man ai ga rai nga ai; “Anhte shi hte rau si wa ga yang gaw, anhte shi hte rau mung hkrung nga lu na raga ai.

Jinghpaw Hanson Version Bible

¹¹ Da ndai gaw kangka re ai ga rai nga ai: Anhte shi hte rau si saga yang gaw, shi hte rau mung hkrung lu na ra ga ai;

2 TIMOHTI 2:11 ပူးပေါင်းရင်းမြစ်များ

YAWHAN 14:19

Loi hkring mi rai jang, mungkan ga gaw ngai hpe n mu dat na nu ai; nanhte chyawm gaw naw mu lu na marin dai; hpa majaw nga yang, ngai ahkrung nga nngai majaw, nanhte mung ahkrung nga na marin dai.

ROMA 6:5

Hpa majaw nga yang anhte a si hkam ai gaw shi a si hkam ai hte baw sha rai nga ai rai yang gaw Madu shi si ai kaw na bai hkrung rawt wa ai zawn, anhte mung Madu hte nhpang rum ai hku si ai kaw na bai hkrung rawt wa na ga ai.

ROMA 6:8

Ya anhte gaw Hkristu hte rau si saga ai rai nna Hkristu hte rau mung hkrung nga lu na ga ai ngu nna anhte kam sham nga ga ai.

2 KORINHTU 13:4

Kaning rai nme law shi gaw n-gun kya ai madang hta wudang hta jen sat kau ai hkrum tim, Karai Kasang a n-gun atsam hte ahkrung nga ai. Anhte mung Hkristu hte langai sha tai ai a jaw e n-gun kya nga ga ai. Rai ti mung nanhte hte matut mahkai ai lam hta anhte gaw Hkristu hte rau ahkrung nga ga ai a jaw e Karai Kasang a n-gun atsam hpe jawm hkam la na ga ai.

2 KORINHTU 4:10

Madu Yesu gaw anhte a hkum hkrang hta asak hkrung shamu shamawt nga ai lam dan dawng na matu anhte a si chye ai hkum hkrang ni hta Yesu hkam sha lai wa sai si hkrung si htan nni nkri hpe tut nawng e hkam mana sha nga ga ai.

1 HTESALONI 4:17

Dai hpang dai Madu hpe ka-ang ganghkau e hkrum na matu, dai aten hta anhte naw hkrung nga ai ni hpe si mat wa sai ni hte rau, sumwi ntsa de shalun la ai hkrum na raga ai. Shingrai anhte gaw galoi mung Madu hte rau anga nga na ga ai.

1 HTESALONI 5:10

Hkristu bai du sa wa ai shaloi e anhte gaw si mat sai rai ti mung, naw hkrung nga ai rai ti mung, shi hte rau asak hkrung nga lu na matu shi gaw anhte a matu si hkam ya sai.

1 TIMOHTI 1:15

Yubak kap ai ni hpe hkye hkrang la na matu Hkristu Yesu gaw mungkan ga de du sa ai nga ai ga gaw, tup hkrak hkap la nna kam sham ging ai teng man kangka re ai ga nan rai nga ai. Dai yubak kap ai ni hta ngai mahtang kaba htum ai wa rai nga nngai.

1 TIMOHTI 3:1

Hpung a ningbaw ningla langai mi tai mayu ai wa gaw mai kaja dik htum ai amu langai mi hpe ra sharawng ai wa rai nga ai, nga ai ga gaw teng man ai ga langai mi rai nga ai.

TITU 3:8

Ndai ga gaw kangka re ai ga rai nga ai. Karai Kasang hpe kam sham ai ni gaw masha shagu a matu kaja ai hte akyu rawng ai mai kaja ai amu hpe myit lawm let aten jaw nna galaw nga mu ga lahta de tsun lai wa sai lam ni hpe laksan madung dat ahkyak shatai nna nang tsun shadum shahprang nga na hpe ngai ra nga nngai.