2 TIMOHTI 2:10 - Jinghpaw Common Language Bible 2009

¹⁰ Dai re ai majaw ngai gaw Karai Kasang lata la hkrum ai masha ni a matu ruyak jam jau hkam nngai; shing rai hkam ai lam gaw shanhte mung Hkristu Yesu a marang e hkye hkrang la ai chyeju hte de a htani htana hpung shingkang hkam la lu na matu rai nga ai.

Jinghpaw Hanson Version Bible

¹⁰ Dai re ai majaw, lata la hkrum ai ni mung, Hkristu Yesu hta na hkye hkrang la ai chyeju hte nawng, htani htana a hpung shingkang hpe hkam la lu mu ga, dai ni a matu mara hkrum mahkrum ngai hkam sharang nga nngai.

2 TIMOHTI 2:10 ပူးပေါင်းရင်းမြစ်များ

GA SHAGAWP 8:35

Ngai hpe mu tam ai masha wa gaw asak hpe mu la nna, dai Madu mung shi hta awng sharawng nga na ra ai.

MAHTE 24:22

Karai Kasang gaw dai nhtoi ni hpe shayawm kau nu ai; shi shing n di yang gaw, kadai mung hkrung nga lu na ra ai n rai. Rai ti mung shi a lata la ai masha ni a matu mara, Karai Kasang gaw dai nhtoi ni hpe shayawm kau na ru ai.

MAHTE 24:24

Hpa majaw nga yang, masu ai Meshia hte masu ai myihtoi ni paw pru na mara ai; shanhte gaw byin mai ai rai yang, Karai Kasang e lata la tawn sai masha ni hpe pyi lam shadam kau lu hkra lamik kumla kaba hte mauhpa amu ni galaw dan na mara ai.

MAHTE 24:31

Dai hpang Masha Kasha gaw, pahtau kaba hpe dum shangun nhtawm, shi a lamu kasa ni hpe lamu ga man mali de shangun dat nna, mungkan maga mi kaw nna maga mi du hkra shi a lata la tawn sai ni hpe jahpawng la na maru ai.

LUKA 18:7

Karai Kasang gaw, shi hpe shani shana karum la na matu hpyi jahtau nga ai, shi a lata la ai amyu masha ni a maga de, tara n dara ya ai nga na wu ni?

LUKA 22:57

Rai ti mung Petru gaw, “Num nang e, dai wa hpe ngai n chye nngai,” ngu nna nyet kau wu ai.

YAWHAN 11:52

Shing rai si hkam ai lam gaw dai amyu a matu sha n rai, shara shagu hkan bra nga ai Karai Kasang a amyu masha ni hpe langai sha di nna, shinggyin jahpawng da na matu si hkam lu na re ai, ngu nna mung myihtoi ga hte tsun ai, rai nga ai.

YAWHAN 17:24

Wa e! Ginding aga garai n lat kaw nna nang ngai hpe tsaw ra nga ndai majaw, ngai e jaw ai nye a hpung shingkang hpe ngai e ap ya da ai masha ni mu lu mu ga, ngai nga ai shara hta shanhte hpe mung nga shangun mayu nngai.

YAWHAN 17:9

“Shanhte a matu mara ngai hpyi nngai, mungkan masha ni a matu ngai hpyi nngai n rai; nang ngai hpe jaw ai ni a matu she hpyi nngai; hpa majaw nga yang, shanhte gaw nang madu da ai ni rai nga ma ai.

ROMA 2:7

Masha nkau mi gaw kaja ai amu galaw nga let, hpung shingkang hpe mung, arawng sadang hpe mung, n si n mat ai asak hkrung lam hpe mung tam nga ma ai; Dai ni hpe Karai Kasang htani htana asak jaw na ra ai.

ROMA 9:23

Dai hta n ga Madu gaw shi a matsan dum lama ai lam hkam la na masha ni ngu ai anhte hpe shi a n hpaw n ya re ai hpung shingkang hpe mu lu shangun na matu ra sharawng nga ai. Dai ni gaw Karai Kasang a hpung shingkang hkam la lu na matu hkyen lajang shajin da sai masha ni rai nga ma ai.

1 KORINHTU 1:21

Hpa majaw nga yang, masha gaw tinang a hpaji byeng-ya hte Karai Kasang hpe n chye lu mu ga nga, Karai Kasang gaw shi a hpaji daw ai hte maren galaw lajang da nu ai. Shing rai na malai anhte hkaw dan ai angawk angak mungga ngu ai ga hpe kam sham ai ni hpe hkye hkrang la na matu Karai Kasang gaw myit daw dan da nu ai.

1 KORINHTU 9:22

Ngai gaw Karai Kasang hpe kam sham ai hta n-gun n ja ai ni a kata de du mat wa ai shaloi, shanhte hpe lum la lu hkra, makam masham n-gun n ja ai wa zawn ngai tai nga nngai. Dai rai nna, nkau mi hpe byin mai ai lam langai ngai hte hkye hkrang la lu hkra, ngai gaw masha amyu myu hta, amyu myu hku nga nngai.

2 KORINHTU 1:6

Dai rai nna anhte hta tsin-yam tsindam hkrum yang, dai gaw nanhte a matu shalan shabran ai chyeju hte hkye hkrang la ai lam hkam la na matu rai nga ai. Anhte hta shalan shabran ai chyeju hkam la lu ga yang gaw, nanhte mung anhte hte maren, dai chyeju hpe hkam la lu nna, anhte hkam sharang ai nni nkri hpe nanhte myit galu ai hte hkam sharang lu na n-gun lu la myit dai.

2 KORINHTU 12:15

Ngai gaw nanhte hpe karum na matu nga jang, ngai lu malu yawng mayawng hte nye a hkum hkrang hpe pyi kabu gara jai lang kau na ra sharawng na nngai. Ngai nanhte hpe grai tsaw ra ai majaw, nanhte ngai hpe loi sha tsaw ra na rai ni?

2 KORINHTU 4:15

Ndai lam ni yawng hte gaw nanhte hta akyu ara byin tai wa na matu rai nga ai; Karai Kasang a chyeju hpe hkam la ai masha ni mung grau grau law wa ai hte maren, Madu a hpung shingkang hpe chyeju dum shakawn shagrau akyu hpyi ai lam ni mung grau nna law htam wa na ra ai.

2 KORINHTU 4:17

Bai anhte jahkring jahkra hkrum hkra nga ai tsin-yam tsindam kaji kajaw mahtang gaw anhte hpe ruyak jam jau hta grau kaba ai hte htani htana re hpung shingkang hpe hkam la shangun na ra ai.

EHPESU 3:13

Dai rai nna nanhte a matu mara ngai hkam ai tsin-yam tsindam a majaw nanhte myit n daw n hten myit ga, ngai hpyi nem nga nngai. Dai gaw nanhte a akyu a matu ngai hkam ai rai nga ai.

KOLOSE 1:24

Ya chyawm gaw, nanhte a matu mara ngai hkrum ai tsin-yam tsindam hta kabu gara nga nngai. Hkristu gaw shi a hkum hkrang ngu ai Hpung a matu nni nkri hkrum nu ai hte maren, ngai gaw nye a hkum hkrang a matu nni nkri hkam ai hku nna Hkristu a hkum hkrang ngu ai dai Hpung a matu hkam na naw ngam nga ai nni nkri ni hpe ngai hkan shatup karum nga nngai.

KOLOSE 1:27

Karai Kasang a shatawng shada ai lam gaw, masha amyu baw shagu a matu hpung shingkang rawng nna mauhpa hte sung htum ai mungga a lam shi a amyu masha ni hpe shadan dan na lam rai nga ai. Dai sung htum ai mungga gaw, Hkristu nan nanhte a kraw lawang hta shanu nga ai lam rai nga ai; lam mi hku tsun ga nga yang, nanhte gaw Karai Kasang hte rau dai hpung shingkang hpe hkam la lu na lam rai nga ai.

1 HTESALONI 5:9

Karai Kasang gaw shi a pawt sindawng ai hpe hkam sha na matu anhte hpe lata la mi ai n rai, Madu Yesu a marang e hkye hkrang la ai lam madu la lu na matu she lata la mi ai.

2 HTESALONI 2:14

Karai Kasang gaw nanhte hpe anhte hkaw tsun ai dai Kabu Gara Shiga hku nna shaga la manit dai. Shi gaw anhte a Madu Yesu a hpung shingkang hta na nanhte hkam la ang ai hkam bum hpe madu la lu myit ga ngu nna shaga la manit dai.

2 TIMOHTI 1:1

Karai Kasang a myit ra ai hku hte, maren Hkristu Yesu a kasa tai nna Hkristu Yesu hte langai sha tai nga ai a marang e anhte lu la na ga ndat hte seng ai asak a lam shana shabra na matu shangun dat hkrum ai ngai Pawlu gaw, nye a tsaw ra ai ngai sha Timohti hpe ga shana dat nngai.

2 TIMOHTI 2:1

Ngai sha e, na a matu chyawm gaw anhte a Hkristu Yesu hta langai sha tai nna asak hkrung ai a marang e lu la ai chyeju hta n-gun lapyin rawng nga u.

2 TIMOHTI 2:3

Hkristu Yesu hta sadi dung ai hpyen ma kaja zawn ru tsang hpe hkam sharang u.

TITU 1:1

Karai Kasang a shangun ma hte Yesu Hkristu a kasa wa rai nga ai ngai Pawlu gaw laika ka dat nngai. Karai Kasang gaw shi lata la ai masha ni a makam masham hpe bau maka sharawt ya na matu mung, anhte a nawku htung a sharin ya ai tengman ai lam hpe mu lu chye lu hkra lam madun na matu mung, ngai hpe lata la nna shangun dat ni ai.

1 PETRU 2:10

Nanhte gaw shawng de kalang mi Karai Kasang a amyu masha ni n rai myit dai; rai ti mung ya gaw, shi a masha ni rai wa manit dai. Shawng de kalang mi nanhte gaw Karai Kasang a matsam dum lama ai hpe n hkap la lu myit dai; ya chyawm gaw hkap la lu manit dai.

1 PETRU 5:10

Rai ti mung nanhte jahkring sha mi nni nkri hkam ngut ai hpang, chyeju yawng mayawng a Madu rai nga ai Karai Kasang gaw nanhte hpe Hkristu hta langai sha tai shangun nna htani htana hpung shingkang hta shang sha lu mu ga, nanhte hpe shaga la ai Madu shi nan nanhte hpe ra n rawng hkra jahkum shatsup ai lam shangang shakang ai lam, n-gun lagaw sharawng ai lam ni jaw nna ngang kang ai npawt hkridun hta tsap nga lu ai ahkang jaw na marin dai.