2 TIMOHTI 1:6 - Jinghpaw Common Language Bible 2009

⁶ Dai re ai majaw ngai nang hpe lata mara nna aya dang ya ai shaloi Karai Kasang kaw na nang hkam la sai chyeju kumhpa hpe ahkrung nga shangun na matu nang hpe ngai bai shadum dat de ai.

Jinghpaw Hanson Version Bible

⁶ Dai re ai majaw, ngai lata mara jaw ai hte, nang hta rawng ai Karai Kasang a chyeju hpe naw wut shagrung ya na, ngai nang hpe shadum dat de ai.

2 TIMOHTI 1:6 ပူးပေါင်းရင်းမြစ်များ

PRU MAT 35:26

Shanhte gaw bainam mun hte ri ri ma ai.

PRU MAT 36:2

Mawshe gaw Bezalela yan Aholiaba hte dai Madu jaw ya ai nyan marai hte karum na matu myit sharawng nga ai kaga kung kyang ai masha ni yawng hpe shaga la nhtawm bungli galaw hpang wa na matu shanhte hpe tsun wu ai.

ESAIA 43:26

“Tara rung de sa ga; na a mara shagun ai lam jashawn u! Nang teng man nga ndai hpe sakse madun na matu na a amu jashawn u!

LUKA 19:13

Shi garai n pru sa wa yang, shi a shangun ma ni marai shi hpe shaga la nhtawm, ja dengga langai hpra, shanhte hpe ap ya da nna, ‘Ngai bai wa ai du hkra ndai hte hpaga ga mu,’ ngu nna shanhte hpe hkang da mu ai.

KASA 19:6

Ya Pawlu shanhte a ntsa e lata mara ya jang Chyoi pra ai Wenyi shanhte a ntsa e du nna shanhte laklai ai ga, myu kaga shaga nna Karai Kasang a mungga hpe mung tsun shana ma ai.

KASA 6:6

Dai hpang shanhte hpe kasa ni a man de jashawn dat nna dung nga shangun mu ai, kasa ni akyu hpyi ngut jang, shanhte a ntsa e lata mara jaw da mu ai.

1 HTESALONI 5:19

Chyoi pra ai Wenyi hpe hkum shingdang da mu;

1 TIMOHTI 4:14

Myihtoi ni hkaw tsun ai hte hpung woi ni na a ntsa e lata mara sari dang da ya ai shaloi nang hpe jaw da nna nang hta rawng nga ai wenyi hte seng ai chyeju kumhpa hpe n gawn n sawn di nna hkum hprai kau nga u.

1 TIMOHTI 4:6

Ndai matsun ga ni hte maren Hkristan hpu nau ni hpe nang shadum shahprang nga n yang gaw nang gaw nang hkap la nga ai wenyi makam masham lam hpe mung, teng man ai sharin shaga ai ga hpe mung, hkan nga ai majaw Hkristu a shangun ma kaja rai nga nit dai.

2 TIMOHTI 2:14

Masha ni hpe ndai lam shadum shahprang nga u; ga hte ndang kalang nga nna gasat ningjet n nga na matu Karai Kasang a man e shanhte hpe ja ja sadi jaw da u. Shing rai ndang kalang hkat ai lam gaw, hpa akyu n shabyin ai hta n ga, madat la ai masha ni hpe jahten shabya ai lam sha byin shangun nga ai.

2 TIMOHTI 4:2

Dai mungga hkaw dan na matu, chye na shangun na matu, mara madun nna daru na matu, n-gun jaw na matu, myit galu ai hte sharin shaga na matu, (du hkra ladaw ang ai rai ti mung, n ang ai rai ti mung) a shaja nga u, ngu nna ngai nang hpe shadut jahkat dat de ai.

HEBRE 6:2

hkalup hkam ai lam, lata mara aya dang ai lam, si ai kaw na bai rawt wa ai lam hte htani htana daw dan hkrum ai lam ni hpe bai sharin kahtap npawt gaw na n ra saga ai.

2 PETRU 1:12

Dai majaw nanhte gaw ndai lam ni hpe chye na nna nanhte hkap la da sai dai teng man ai lam hta ngang ngang kang kang npawt de da manit dai rai ti mung, ngai nanhte hpe galoi mung naw ashadum jahprang nga mayu nngai.

2 PETRU 3:1

Nye a tsaw ra ai manang ni e, ndai gaw ngai nanhte hpang de lahkawng lang ngu na ka dat ai laika rai li ai. Ndai laika lahkawng yan hta nanhte a san seng ai myit ni hte chye na na matu lawu na lam ni hte seng nna shadum dat made ai.

YUDA 1:5

Karai Kasang gaw Israela amyu masha ni hpe Egutu mung kaw na kalang mi gara hku shaw la sai hpang shi hpe n kam n sham ai ni hpe jahten shabya kau sai lam nanhte chye nga myit ti mung, nanhte hpe ngai bai shadum mayu nngai.