2 TIMOHTI 1:3 - Jinghpaw Common Language Bible 2009

³ Nye a ji wa ni galaw ai zawn, san seng ai myit hte ngai daw jau nga ai Karai Kasang hpe ngai shakawn nngai. Ngai gaw shani shana akyu hpyi ai hta nang hpe galoi mung adum nga let Karai Kasang hpe chyeju shakawn nga nngai.

Jinghpaw Hanson Version Bible

³ Nye a akyu hpyi ai ga hta nang hpe n sim n sa adum nga let, ji wa ni kaw nna san seng ai myit hte ngai daw jau nga ai Karai Kasang hpe, ngai shakawn nga nngai;

2 TIMOHTI 1:3 ပူးပေါင်းရင်းမြစ်များ

LUKA 2:37

Dai num gaw Nawku Htingnu kaw na n pru ai sha, lusha gam nna akyu hpyi ai hte Karai Kasang hpe nawku daw jau let anga nga ai.

KASA 22:3

“Ngai gaw Kiliki mung na Tarshu mare e shangai ai Yuda masha rai nga nngai. Rai ti mung ndai Yerusalem hta Gamale a jawngma langai mi hku nna kaba wa nna, anhte a ji wa ni a ja la ai jep ai Tara htung hking hte maren azin ayang sharin achyin la nna dai ni nang e nga nga ai nanhte ni zawn Karai Kasang a magam bungli gun hpai na matu myit rawt ai hte ap nawng da nngai.

KASA 23:1

Shaloi Pawlu gaw dai salang hpawng hpe azi yu da let, “Nye a Yuda hpu nau ni e! ngai gaw dai ni du hkra prat tup Karai Kasang a man e htauli htaula myit asan sha hte hkum tsup ai hku asak hkrung hkan sa ni ai,” ngu mu ai.

KASA 24:14

Rai ti mung shanhte shut ai ngu ai lam masa hte maren ngai gaw anhte a ji wa ni a Karai Kasang hpe nawku nngai hpe chyawm gaw na man e yin la nngai. Shing rai ti mung Mawshe a jep ai Tara laika hte myihtoi ni a laika hta ka da ai hku yawng mayawng hpe mung ngai kam sham nngai.

KASA 24:16

Dai rai nna ngai gaw Karai Kasang a man e mung, masha a man e mung, ra n rawng ai sha tut nawng htauli htaula myit san pra nga lu hkra atsam htum hkra a shaja nga nngai.

KASA 26:4

“Nye a brang ram prat kaw nna ngai kaning rai asak hkrung lai wa sai lam Yuda masha ni yawng chye chyalu rai ma ai. Shawng nnan nye a dai daw buga hta, dai hpang Yerusalem mare hta nye a prat tup ngai kaning rai asak hkrung lai wa sai hpe shanhte chye ma ai.

KASA 27:23

Hpa majaw nga yang ngai hpe up ai, ngai nawku daw jau ai Karai Kasang a lamu kasa langai mi mana e nye a makau e sa tsap nna,

ROMA 9:1

Ngai gaw Hkristu hte seng ai wa rai nna teng man ai ga ngai tsun nga nngai, hte ngai n masu nngai. Ngai teng man ai ga tsun nga nngai gaw dai Chyoi Pra ai Wenyi e up hkang ai hpe hkam la nga ai nye a kraw lawang myit e sakse hkam ya nga ai.

2 KORINHTU 1:12

Anhte myit kata hta asan sha gumrawng na lam langai mi nga ai; dai gaw, ndai mungkan hta anhte a asak hkrung lam, grau nna nanhte hte kanawn mazum matut mahkai ai lam ni hta masha a machye machyang hta n shamyet shanat ai sha Karai Kasang a chyeju atsam hte anhte gaw Karai Kasang jaw ai teng man san seng ai myit masin e up hkang ai hku nna amu galaw ai lam rai nga ai.

GALATI 1:14

Yuda nawku htung hpe ta tut hkan sa ai lam hta ngai gaw nye a amyu na rau ram manang ni law law hta jan nna myit lawm ai hte ji wa ni a matsun maroi ni hpe hkan sa shadik lai wa ni ai.

EHPESU 1:16

ngai gaw nanhte a matu mara Karai Kasang hpe n sim n sa chyeju dum shakawn let nye a akyu hpyi ai hta nanhte hpe adum nga nngai.

1 HTESALONI 3:10

Anhte gaw nanhte hpe myi man chyaw mu hkrum lu na hte, nanhte a makam masham hta naw ra nga ai hpe shatup shatsup na matu, anhte a myit masin yawng hte shani shana hpyi nem nga ga ai.

1 TIMOHTI 1:19

Dai hta n ga, nang hta makam masham hte asan sha re ai dum chye ai htauli htaula myit rawng nga u ga. Masha nkau mi dai dum chye ai htauli htaula myit e shadum ai hpe n madat ai majaw shanhte a makam masham hpe jahten shabya kau ma ai.

1 TIMOHTI 1:5

Ndai hkang da ai ga a shatawng shada ai lam gaw, san seng ai myit kaw na pru ai dum chye ai htauli htaula myit hte sawt ai lam n lawm ai makam masham kaw na pru wa ai tsaw ra myit hpe sharawt ya na matu rai nga ai.

1 TIMOHTI 5:5

Masha shingtai rai nna shi hpe yu lanu lahku na kadai n nga ai gaida jan langai mi gaw, Karai Kasang hta myit mada kam hpa let shani shana akyu hpyi ai hte Karai Kasang kaw na karum ai lam hpyi lajin nga ai.

2 TIMOHTI 1:5

Nang gaw na a nwoi dwi Lui hte na nnu Uni yan hta shawng rawng ai baw n sawt ai makam masham nang hta mung rawng nga ai hpe ngai dum nga nngai. Shanhte hta rawng ai baw makam masham gaw nang hta mung rawng nga na hpe ngai kam nga nngai.

2 TIMOHTI 3:15

Nang hpe ma kaji prat kaw nna machye machyang jaw nna Hkristu Yesu hpe kam sham ai a marang e hkye hkrang la ai lam lu la na matu lam matsun madun ai, dai chyoi pra ai Chyum Laika hpe atsawm sha chye ai wa rai nga ndai hpe mung adum nga u.

HEBRE 13:8

Yesu Hkristu gaw mani, dai ni, htawm prat dingsa maren anga nga ai.

1 SAMUELA 12:23

Nye a matu chyawm gaw, gaw nanhte a matu galoi mung n hpyi nem ya ai majaw dai Madu hpe ngai shut kau ang ni ai nga nna dai Madu hkum shadang mai nga ai. Shing rai na malai, mai kaja ai hte teng man ai lam hku hkan galaw na lam, ngai nanhte hpe sharin achyin ya na made ai.