2 TIMOHTI 1:18 - Jinghpaw Common Language Bible 2009

¹⁸ Madu gaw shi hpe dai tara jeyang ai nhtoi hta matsan dum ai lam jaw ya u ga; Ehpesu mare e shi ngai hpe gade wa karum sai gaw, nang atsawm sha chye nga ndai.

Jinghpaw Hanson Version Bible

¹⁸ shi gaw dai shani e, Madu a man e matsan dum ai hkam la lu hkra dai Madu gaw shi hpe chyeju jaw u ga: Ehpesu mare e mung shi ngai hpe gade wa galaw daw sai gaw, nang atsawm sha chye nga ndai.

2 TIMOHTI 1:18 ပူးပေါင်းရင်းမြစ်များ

1 HKAWHKAM 17:20

Dai hpang shi gaw, “O Madu, nye a Karai Kasang e, nang gaw hpa majaw ndai zawn re ai hkrit hpa amu, ndai gaida jan hta galaw dat wu ni? Shi gaw ngai hpe ram ging ai made matsan dum la ai hte ngai hpe lanu lahku la ni ai. Ya chyawm gaw shi a kasha hpe sat kau ya nit hka!,” ngu nna ja ja hpyi jahtau wu ai.

LUKA 1:72

Shi gaw anhte a ji wa ni hpe shi a matsan dum lama ai lam madun dan nna, shi a chyoi pra ai ga shaka hpe dum nga na ra ai.

LUKA 1:78

Anhte a Karai Kasang gaw tsaw ra matsan dum ai myit hte hpring tsup nga ai: shi a hkye hkrang la ai chyeju nhtoi gaw lamu ntsa na jan shingkang zawn anhte a ntsa e du nna;

LUKA 8:3

Herod a nta dinghku hpe yu hpajang ai kunhting wa Kuhta a madu jan Yawhana Susanna hte num ni law law wa, tinang a lu lawm ai ja gumhpraw arung arai ni hte, Madu hte sape ni hpe karum madi shadaw jai lang nna galaw daw let hkan nang nga ma ai.

KASA 18:19

Shanhte Ehpesu mare de du ma yang, Pawlu gaw Priskila yan Akula hpe dai mare hta shangam kau da wu ai. Shi gaw tara jawng de shang nna, Yuda masha ni hte tsun bawng hkat nga ai.

KASA 18:21

“Karai Kasang hkraw yang gaw, ngai nanhte hpang de bai du na ring ngai,” ngu nna shanhte hpe shakram da nhtawm, Ehpesu mare kaw na li hte pru mat wa ai.

KASA 19:1

Ya Apolo Korinhtu mare e nga nga yang, Pawlu gaw dai mungdaw a hkin-gau mayan lahta daw kaw nna kata maga hku ga sa wa ai hpang Ehpesu mare de du ai. Dai mare kaw shi sape nkau mi hpe hkrum ai rai nna,

1 KORINHTU 1:8

Anhte a Madu Yesu Hkristu bai du sa nna tara daw dan ai Nhtoi hta, mara shagun shara n nga hkra, shi nanhte hpe shangang shakang na marin dai.

1 KORINHTU 16:8

Pentekoti poi shani du hkra, Ehpesu Mare e ngai naw anga nga na nngai.

1 KORINHTU 3:13

Masha langai hkrai a gaw gap ai kaja ai n kaja ai marai ningja gaw Madu Yesu du sa ai shani e dan dawng wa na ra ai. Hpa majaw nga yang, dai shani e masha langai hte langai a galaw ai bungli hpe shadan dan na ra ai, dai wan gaw langai hte langai galaw ai bungli marai nsam hpe chyam ginhka na ru ai.

2 KORINHTU 9:1

Yuda mung na Karai Kasang a masha ni hpang de shagun dat ai karum madi shadaw ai lam hte seng nna, nanhte hpang de ngai ka dat shara n nga ai.

EHPESU 2:4

Rai ti mung Karai Kasang gaw matsan dum ai myit grai law htam nna shi anhte hpe tsaw ra ai myit kaba la nga ai rai nna,

1 HTESALONI 2:19

Anhte a Madu Yesu bai du sa ai shaloi, shi a man e kaga kadai n rai, nanhte hpe sha mahta nna anhte a myit mada shara, kabu gara shara hte awng dang ai lam a matu gumrawng na janmau rai nga ai.

1 TIMOHTI 1:3

Ngai Makedoni mung de sa wa ai shaloi e, nang hpe ngai htet da sade ai hte maren Ehpesu mare e nang hpe matut nna nga nga shangun mayu nngai; dai yang e masha nkau mi shut ai makam masham lam ni hpe sharin ya nga ma ai, dai hpe nang shazim jahkring kau lu na rai ndai.

2 TIMOHTI 1:12

Dai lam a majaw ndai nni nkri ru yak jam jau ni hpe ngai hkam jan nngai, Rai ti mung nye a kam hpa ai myit gaw ngai hta naw hpring chyat nga ai. Hpa majaw nga yang, ngai kadai wa hpe kam manoi nga nngai gaw ngai chye nga ai hte ngai hpe kam nna nye a lata hta ap tawn da sai dai Kabu Gara Shiga hpe tara jeyang ai Shani Nhtoi du hkra makawp maga mahkyu da ya lu ai n-gun atsam shi hta rawng nga ai ngu nna ngai myit mu myit hkut nga nngai.

2 TIMOHTI 1:16

Dai Madu gaw Onesihpuru a nta masha ni hpe chyeju jaw ya u ga, hpa majaw nga yang shi gaw law law lang ngai hpe myit n gun lu la shangun ni ai hta n ga, shi gaw ngai bawng dung hkrum nga ai hpe n kaya ai wa rai nga ai.

2 TIMOHTI 1:17

Shi gaw Roma mare du ai shaloi jang, ngai hpe n mu yang mu hkra hkan tam sagawn la ai.

2 TIMOHTI 4:12

Tuhkiku hpe chyawm gaw Ehpesu mare de ngai shangun dat se ai.

2 TIMOHTI 4:8

Ya kaw nna ding hpring ai tara agyi ngu ai dai Madu gaw, tara jeyang ai Nhtoi hta ngai hpe jaw na rai nga ai dai ding hpring ai asak hkrung lam hte seng ai awng padang janmau hpe nye a matu mazing da nu ai. Ngai hpe sha n rai, shi bai du na nhtoi hpe ra sharawng let ala nga ai ni nlang hpe mung ap ya na ra ai.

HEBRE 6:10

Hpa majaw nga yang, Karai Kasang gaw n tara ai wa n rai nga ai. Shi gaw nanhte galaw gun hpai lai wa sai magam bungli hpe mung, Madu hpe tsaw ra ai lam nanhte madun dan na matu lai wa sai ten kaw nna ya du hkra Hkristan masha shada da karum la hkat ai hpe mung, Karai Kasang malap kau wu ai n rai.

1 PETRU 1:10

Ndai hkye hkrang la ai lam hte seng nna myihtoi ni gaw akri akrai sawk tam jep yu nhtawm, Karai Kasang nanhte hpe jaw na rai nga ai dai chyeju kumhpa a lam shanhte myihtoi htoi htawn tsun ma ai.

SHINGRAN 2:1

“Ehpesu mare hpung a lamu kasa hpang de ning ngu ka dat u: “Da ndai gaw, Hkra lata hta shagan sanit lang da nna, ja pyengdin sanit a ka-ang e lam hkawm ai wa kaw na mungga rai nga ai.