2 TIMOHTI 1:16 - Jinghpaw Common Language Bible 2009

¹⁶ Dai Madu gaw Onesihpuru a nta masha ni hpe chyeju jaw ya u ga, hpa majaw nga yang shi gaw law law lang ngai hpe myit n gun lu la shangun ni ai hta n ga, shi gaw ngai bawng dung hkrum nga ai hpe n kaya ai wa rai nga ai.

Jinghpaw Hanson Version Bible

¹⁶ Dai Madu gaw Onesihpuru a nta masha ni hpe chyeju jaw u ga; kaning rai nme law, shi ngai hpe law law lang shalan shabran ni ai hta n-ga, nye a hkang hkyihkyang majaw n kaya ai sha,

2 TIMOHTI 1:16 ပူးပေါင်းရင်းမြစ်များ

2 SAMUELA 2:6

Ya chyawm gaw dai Madu nanhte hpe matsan dum ai hte kangka ai chyeju jaw ya nga u ga law. Nanhte galaw kau sai amu a majaw, ngai mung nanhte hpe mai kaja ai lam galaw na made ai.

NEHEMIA 13:14

Nye a Karai Kasang e, na a Nawku Htingnu a matu mung, dai hte seng ai nawku daw jau ai amu ngu ai ngai galaw ni ai ndai amu yawng hte hpe adum nga u law.

NEHEMIA 13:22

Ngai gaw Lewi masha ni shanhte hkum jasan jaseng na matu mung, Bansa Nhtoi hpe teng teng chyoi pra nga na matu mung chyinghka ni hpe sin na matu mung, hkang da se ai. O Karai Kasang, ndai lam a majaw ngai hpe dum nga e law, na a galu kaba ai tsaw ra myit a majaw ngai hpe matsan dum la e law.

NEHEMIA 13:31

Ngai gaw htuk manu ai aten ni hta, shagu hkungga nat na hpun hte shawng si ai nsi naisi hte shawng myin ai namsi namsaw ni la sa na matu lajang da nngai. O Karai Kasang e, ndai amu yawng mayawng hpe adum ya nga rit; dai amu a majaw ngai hpe chyeju jaw ya e law.

NEHEMIA 5:19

O Karai Kasang e, ndai amyu masha ni hpe ngai galaw ni ai amu a majaw ngai hpe chyeju madun na dum ya e law, ngu nna ngai nang kaw hpyi nem nngai.

SHAKAWN KUNGDAWN 18:25

Madu e, nang hta sadi dung nga ai ni a ntsa e, nang mung sadi dung nga ndai; kup tsup ai ni hpe ra n rawng ai chyeju galaw nga ndai.

SHAKAWN KUNGDAWN 37:26

Shi gaw aten shagu, ndut ndang jaw ya ai hte kaga ni hpe hkoi ya nga ai; shi a kashu kasha ni mung chyeju kumhpa tai nga ma ai.

YEREMIA 39:17

Rai ti mung, dai Madu ngai nan nang hpe makawp maga na nngai, nang gaw nang hkrit nga ai masha ni a lata de ap kau hkrum na ndai n rai.

MAHTE 25:17

Joi lahkawng lu ai wa mung dai hte maren ga nna joi lahkawng bai myat la nu ai.

MAHTE 5:7

“Masha kaga ni hpe matsan chye dum ai ni gaw a lu ma ai; hpa majaw nga yang, Karai Kasang shanhte hpe matsan dum la na ra ai!

KASA 21:33

Dai shaloi dap up du kaba wa sit sa nna Pawlu hpe rim la nhtawm Hpri sumri lahkawng hte gyit na hkang da mu ai. Dai hpang shi gaw, “Ndai masha kadai rai ta? Shi hpa galaw shut sata?,” nga nna san jep wu ai.

KASA 28:20

Dai re ai majaw nanhte hte hkrum lu na hte tsun shaga lu na ahkang ngai hpyi la ai rai nga ai. Kaja wa tsun ga nga yang ngai dai zawn hpri sumri ni hte gyit hkang sharen da hkrum ai lam gaw Israela amyu masha ni myit mada ala nga ai wa a majaw nan rai nga ai,” ngu nna tsun mu ai.

1 KORINHTU 16:18

Shanhte gaw nanhte a myit hpe shangwi shapyaw ai zawn, nye a myit hpe mung shangwi shapyaw ya mi ai. Shing re ai masha ni gaw, masat masa galaw ai lam hkam la ging nga ma ai.

EHPESU 6:20

Ya ngai bawng dung ai wa rai nga ti mung, dai Kabu Gara Shiga a jaw e kasa langai mi rai nga nngai; Dai Kabu Gara Shiga hpe hkaw tsun na ngai hta lit nga ai hte maren nden ja ai hte tsun shana lu u ga, akyu hpyi nga mu.

2 TIMOHTI 1:12

Dai lam a majaw ndai nni nkri ru yak jam jau ni hpe ngai hkam jan nngai, Rai ti mung nye a kam hpa ai myit gaw ngai hta naw hpring chyat nga ai. Hpa majaw nga yang, ngai kadai wa hpe kam manoi nga nngai gaw ngai chye nga ai hte ngai hpe kam nna nye a lata hta ap tawn da sai dai Kabu Gara Shiga hpe tara jeyang ai Shani Nhtoi du hkra makawp maga mahkyu da ya lu ai n-gun atsam shi hta rawng nga ai ngu nna ngai myit mu myit hkut nga nngai.

2 TIMOHTI 1:17

Shi gaw Roma mare du ai shaloi jang, ngai hpe n mu yang mu hkra hkan tam sagawn la ai.

2 TIMOHTI 1:18

Madu gaw shi hpe dai tara jeyang ai nhtoi hta matsan dum ai lam jaw ya u ga; Ehpesu mare e shi ngai hpe gade wa karum sai gaw, nang atsawm sha chye nga ndai.

2 TIMOHTI 1:8

Dai rai nna anhte a Madu a matu sakse hkam ai hta hkum kaya nga u; bai nna Hkristu a jaw e bawng dung ai wa nye a majaw mung hkum kaya nga u; shing rai na malai, Karai Kasang gaw nang hpe n-gun lagaw jaw da nit dai hte maren, dai Kabu Gara Shiga a jaw e nni nkri hpe hkam sharang u.

2 TIMOHTI 4:19

Priska hte Akula yan hte Onesihpuru a nta masha ni hpe shakram dat nngai.

HPILEMON 1:20

Dai re ai majaw nye a hpu nau wa e, dai Madu a myi man hpe tau nna chyeju hte ndai ngai hpyi nem nga ai lam galaw ya rit. Hkristu hta hpu nau shada rai nga ai hku nna nye a myit masin hpe shangwi shapyaw ya rit.

HPILEMON 1:7

Hpu nau wa e, na a tsaw ra ai myit a majaw ngai grai wa kabu gara ai hte myit n-gun lu la nngai law! Nang gaw Karai Kasang a chyoi pra ai masha ni yawng hte a myit masin hpe shangwi shapyaw ya lu nit dai.

HEBRE 10:34

Nanhte gaw bawng dung ai ni hkrum ai nni nkri hpe hkap shalan shabran lawm myit dai; nanhte a arung arai ni hpe kashun kashe di la kau hkrum ai shaloi mung kabu gara ai hte asum hkam myit dai, hpa majaw nga yang, grau nna kaja reng ai dinggrin anga nga ai arung arai lama mi nanhte naw lu nga myit dai hpe nanhte chye nga myit dai.

HEBRE 6:10

Hpa majaw nga yang, Karai Kasang gaw n tara ai wa n rai nga ai. Shi gaw nanhte galaw gun hpai lai wa sai magam bungli hpe mung, Madu hpe tsaw ra ai lam nanhte madun dan na matu lai wa sai ten kaw nna ya du hkra Hkristan masha shada da karum la hkat ai hpe mung, Karai Kasang malap kau wu ai n rai.

RUHTA 1:8

shi gaw shan hpe hkrun lam e, “Nan a dum nta de bai nhtang wa masu, nan a kanu ni hte rau wa nga mu. Nan gaw si mat ai yan hpe mung, ngai hpe mung galaw jaw manit dai hte maren, dai Madu gaw nan hpe chyeju htang ya nga u ga.