2 SAMUELA 9:7 - Jinghpaw Common Language Bible 2009

⁷ Dawi chyawm gaw, “Hkum hkrit et. Na nwa Yonahtan a jaw e, ngai nang hpe matsan dum la na de ai. Na a nji Shawlu e madu da ai lamu ga mahkra ngai nang hpe bai jaw na de ai; nang gaw nye a sha ku hta tut nawng sha nga lu na rai ndai,” ngu nna tsun wu ai.

Jinghpaw Hanson Version Bible

⁷ Bai Dawi gaw, “hkum tsang et; na nwa Yonahtan a matu ngai nang hpe teng teng chyeju htang na de ai; na nji nwa Shawlu a ga dachyawk mahkra ngai nang hpe bai jaw na de ai; nang gaw nye a sha ku hta tutnawng sha nga lu na rai ndai,” ngu wu ai.

2 SAMUELA 9:7 ပူးပေါင်းရင်းမြစ်များ

NINGPAWT NINGHPANG 43:18

Shanhte nta de woi wa hkrum ma ai shaloi, shanhte gaw, “Shawng na lang anhte a nhpye htingpa ni hta bai bang dat ya ai gumhpraw a majaw ndai yang e anhte woi la ai hkrum nga saga ai. Shanhte gaw anhte hpe akajawng sha htim gasat nhtawm anhte a lawze ni hpe la kau ya ai hte anhte hpe mayam shatai kau na mu ai,” ngu nna shanhte hkrit ai hte myit nawn da ma ai.

NINGPAWT NINGHPANG 43:23

Dai shangun ma wa chyawm gaw, “Hkum myit ru myit; hkrit mung hkum hkrit myit. Nanhte a Karai Kasang dai nanhte a kawa a Karai Kasang gaw nanhte a nhpye htingpa ni hta nanhte a matu gumhpraw bang ya manit dai. Nanhte a gumhpraw hpe ngai lu la ni ai,” ngu tsun nhtawm Simun hpe shapraw ya ma ai.

2 SAMUELA 12:8

Shi a mungdan hpe mung, shi a madu jan ni hpe mung, ngai nang hpe ap ya sade ai; Israela hte Yuda mung hpe up hkang na hkawhkam ngai nang hpe shatai ni ai. Dai sha pyi n ram dum ai rai yang mung, ngai nang hpe htam lahkawng naw jaw ya lu nga nngai.

2 SAMUELA 19:28

Nye wa a dinghku masha ni yawng mung madu hkawhkam a lata hte si ging mat ai ni hkrai rai nga ga ai; rai ti mung nang chyawm gaw na a sha ku e shat lusha sha na ahkang ngai hpe jaw ya nit dai. Dai re ai majaw madu hkawhkam kaw na myi man pa ai amu kaga naw hpyi la na ahkang hpa mung n nga sali ai,” ngu nna htan wu ai.

2 SAMUELA 19:29

Hkawhkam wa mung, “Nang hte Ziba gaw Shawlu a sut gan sali wunli garan la lu nga myit dai ngu nna ngai daw dan hpajang da ya mase ai majaw loi mi mung jat tsun shara n nga ra na lit dai,” ngu nna htan wu ai,

2 SAMUELA 19:33

Hkawhkam wa gaw shi hpe, “Ngai hte rau Yerusalem mare de wa ga, ngai nang hpe lanu lahku na we ai,” ngu nna tsun wu ai.

2 SAMUELA 21:7

Rai ti mung shi hte Yonahtan a lapran chyoi pra ai ga sadi hpe shada da shagrin da nga manu ai majaw, Shawlu a kashu, Yonahtan a kasha Mehpiboshet hpe shalawt da ya wu ai.

2 SAMUELA 9:1

Lani mi na aten hta, Dawi gaw, “Shawlu a dinghku hta kadai wa naw ngam nga a ta? Ngam nga ai rai yang, Yonahtan a jaw e ngai shi hpe matsan dum ai lam madun dan mayu nga nngai,” ngu nna san wu ai.

2 SAMUELA 9:10

Nang gaw na a kasha ni hte na a shangun ma ni hte rau na Madu Shawlu a dinghku masha ni a matu yi sun galaw nhtawm nsi naisi shu la nna shanhte a matu lusha wa sak jaw na rai ndai. Rai ti mung Mehpiboshet shi hkum nan chyawm gaw nye a sha ku hta tut nawng e manam hpe zawn ngai daw jau na we ai,” ngu nna tsun wu ai. (Ziba chyawm gaw shadang sha shi manga hte shangun ma hkun lu nga ai.)

2 SAMUELA 9:11

Ziba gaw, “Nang Madu hkawhkam hkang dat ai lam magup hte hpe ngai galaw na we ai,” ngu nna htan wu ai. Dai rai nna Mehpiboshet gaw hkawhkam wa a shadang sha langai zawn hkawhkam wa a sha ku hta sha lu nga ai.

2 SAMUELA 9:13

Dai rai nna lagaw lahkawng maga hten ai Mehpiboshet gaw Yerusalem mare hta nga nna hkawhkam wa a sha ku hta shi a lusha sha nga ai.

2 SAMUELA 9:3

Hkawhkam wa gaw shi hpe, “Ngai galaw na we ai ngu nna Karai Kasang hpe ga sadi jaw da ni ai hte maren, sadi sahka hte matsan dum ai lam ngai madun lu we ga, Shawlu a dinghku hta marai langai ngai naw ngam nga a ni?,” ngu nna san wu ai. Ziba gaw, “Yonahtan a kasha ni hta na langai mi naw nga ai. Shi gaw lagaw hten nga ai,” ngu nna htan wu ai.

1 HKAWHKAM 2:7

“Rai ti mung na a nhpu Absalom kaw na ngai hprawng mat wa ai shaloi Gilead mung na Barazilai a shadang sha ni ngai hpe matsan dum la nga ma ai majaw shanhte hpe matsan dum ai lam madun dan nhtawm lanu lahku na rai ndai.

2 HKAWHKAM 25:29

Dai rai nna Yehoiahkin gaw shi a htawng hpun palawng ni hpe galai kau nna shi a prat dingsa hkawhkam a sha ku e sha lu na ahkang lu nga ai.

SHAKAWN KUNGDAWN 41:9

Ngai hpe grau nna kam hpa let ngai hte rau shat jawm sha ai nye a kaja htum ai manang wa pyi ngai hpe nhtang gumlau kau nu ai.

YEREMIA 52:33

Dai rai nna, Yehoiahkin gaw bawng dung hpun palawng hpe galai kau nna shi a ngam nga ai asak prat tup hkawhkam wa a sha ku hta sha lu nga wu ai.

ZEHKARIA 7:9

“Moi shawng de nye a amyu masha ni hpe ning ngu ai hkang da ai ga ngai jaw ni ai: ‘Teng man ai hku amu daw dan ai hpe nanhte mu lu na myit dai. Langai hte langai matsan dum ai myit hte n-gaw n wai ai myit madun hkat nga mu;

MAHTE 6:11

Anhte hta ra ai lusha, dai ni anhte hpe jaw mi;

LUKA 22:30

Nye a mungdan hta, nye a sha ku e nanhte ngai hte rau lusha lu na marin dai hte tingnyang ni hta dung nna Israela amyu shi lahkawng hte hpe up nga lu na marin dai.

SHINGRAN 3:20

Yu u! Ngai gaw chyinghka akawk let tsap nga nngai: nye a nsen na nna chyinghka hpaw ya ai wa kadai kaw rai ti mung, ngai shang nna shi hte rau lu rau sha na nngai, shi mung ngai hte rau lu rau sha lu na ra ai.

1 SAMUELA 12:24

Dai Madu a ga hpe madat mara nna, na a myit masin mahkra hte sadi sahka let shi hpe daw jau nga mu; nanhte a matu shi galaw dan nu ai amu kaba hpe adum nga mu.

1 SAMUELA 20:15

nye a dinghku a ntsa e dai zawn re ai sadi dung ai lam htani htana madun dan u law. Dai Madu gaw na a gumlau hpyen ni yawng hpe tsep kawp shamyit kau tim,

1 SAMUELA 22:23

Ngai hte rau nga ga, hkum hkrit et. Shawlu gaw nang hte ngai hpe sat kau mayu wu timung, nang chyawm gaw ngai hte rau shim nga lu na rai ndai,” ngu nna tsun wu ai.