2 SAMUELA 9:3 - Jinghpaw Common Language Bible 2009

³ Hkawhkam wa gaw shi hpe, “Ngai galaw na we ai ngu nna Karai Kasang hpe ga sadi jaw da ni ai hte maren, sadi sahka hte matsan dum ai lam ngai madun lu we ga, Shawlu a dinghku hta marai langai ngai naw ngam nga a ni?,” ngu nna san wu ai. Ziba gaw, “Yonahtan a kasha ni hta na langai mi naw nga ai. Shi gaw lagaw hten nga ai,” ngu nna htan wu ai.

Jinghpaw Hanson Version Bible

³ Bai hkawhkam wa gaw, “Karai Kasang a myit ra ai hku hte maren ngai chyeju htang na, Shawlu a amyu matu langai ngai naw n nga a ni?” ngu nna san wu yang, Ziba gaw, “Yonahtan a kasha, lagaw hten ai langai mi naw nga ai,” ngu nna htan wu ai.

2 SAMUELA 9:3 ပူးပေါင်းရင်းမြစ်များ

2 SAMUELA 19:26

Shi gaw, “Madu hkawhkam e, nang chye ai hte maren, ngai gaw lagaw hten ai wa rai nga nngai; nang hte rau jawn sa wa lu n-ga, ngu nna lawze hking byau na matu nye a shangun ma wa hpe pyi tsun se ai; rai ti mung shi mahtang ngai hpe gumle gumlau galaw nna hkalem kau wu ai.

2 SAMUELA 19:27

Shi gaw ngai hpe madu hkawhkam hpang de sa hkyen ai hku masu hkalem kau nga ti mung, nang gaw Karai Kasang a lamu kasa hte bung nga ndai majaw na a matu jaw ai zawn re ai amu hpe galaw u.

2 SAMUELA 4:4

Shawlu a amyu matu hta na kaga langai mi gaw Shawlu yan Yonahtan sat kau hkrum ai shaloi asak manga ning kaba sai Yonahtan a kasha Mehpiboshet rai nga ai. Yezrela mare kaw na shan sat kau hkrum sai shiga du jang, ma hpe yu gawn ai jan mung shi hpe hta pawn la nna woi hprawng mat wa wu ai. Rai ti mung hprawng wa yang nau tin kau ai majaw shi hpe tat jahkrat kau ai hte ma mung lagaw hten mat wu ai.

2 SAMUELA 9:13

Dai rai nna lagaw lahkawng maga hten ai Mehpiboshet gaw Yerusalem mare hta nga nna hkawhkam wa a sha ku hta shi a lusha sha nga ai.

2 SAMUELA 9:7

Dawi chyawm gaw, “Hkum hkrit et. Na nwa Yonahtan a jaw e, ngai nang hpe matsan dum la na de ai. Na a nji Shawlu e madu da ai lamu ga mahkra ngai nang hpe bai jaw na de ai; nang gaw nye a sha ku hta tut nawng sha nga lu na rai ndai,” ngu nna tsun wu ai.

LUKA 6:36

Nanhte a Kawa Karai Kasang matsan dum chye ai hte maren, nanhte mung matsan chye dum mu.

TARA JAHPRANG 10:15

Rai ti mung nanhte a nji nwa ni a matu dai Madu a tsaw ra myit gaw grai n-gun ja nga ai majaw kaga masha amyu ni hta nanhte hpe lata la manit dai; nanhte gaw shi lata la sai amyu masha ni naw rai nga myit dai.

TARA JAHPRANG 4:37

Nanhte a nji nwa ni hpe shi tsaw ra wu ai majaw nanhte hpe lata la nu ai rai nna shi a galu kaba ai daru magam n-gun hte shi nan nanhte hpe Egutu mung kaw na woi shapraw wa nu ai.