2 SAMUELA 9:2 - Jinghpaw Common Language Bible 2009

² Shawlu a dinghku kata na Ziba mying ai shangun ma langai nga nga ai; dai wa gaw Dawi kaw shang sa na matu tsun da hkrum nga ai. Hkawhkam wa gaw, “Nang Ziba rai nga n ni?,” ngu nna san wu ai. Shaloi shi mung, “Madu e, na a shangun ma wa rai nga nngai,” ngu nna htan wu ai.

Jinghpaw Hanson Version Bible

² Ya Shawlu a nta na, Ziba ngu ai mayam langai mi nga hkrup nna, shi hpe Dawi hpang de shaga shawn ya mu ai. Shaloi hkawhkam wa gaw, “Nang Ziba rai n ni?” ngu nna san wu yang, “Na mayam rai nga nngai,” ngu nna htan wu ai.

2 SAMUELA 9:2 ပူးပေါင်းရင်းမြစ်များ

NINGPAWT NINGHPANG 24:2

Abraham gaw nta na shi lu ai sut rai mahkra hpe up ai asak kaba ai shi a shangun ma wa hpe shaga la nhtawm,

NINGPAWT NINGHPANG 39:6

Hputihpa mung shi lu ai arung arai mahkra hpe Yosep e yu lajang na matu, shi a lata hta ap ya wu ai rai nna, shi sha ai lusha hta kaga hpa hpe mung shi nan n hkan chye nang ra wu ai. Yosep chyawm gaw hkum shingyan galu kaba nna ahpraw nsam mung htap nga ai.

2 SAMUELA 19:17

Benyamin amyu bawsang hta na masha hkying mi mung shi hte rau nga nga ma ai. Shawlu a dinghku na shangun ma Ziba mung shi a kasha shi manga hte shangun ma marai hkun hte rau sa wa nna hkawhkam wa a shawng e Yawdan hka de du nga masai.

2 SAMUELA 19:18

Hkawhkam wa a ali ama hpung ni hpe sharap na matu hte hkawhkam wa ra sharawng ai hte maren galaw ya na matu shanhte rap mat wa ma ai. Ya hkawhkam wa hka rap na matu jin jin rai nga yang, Shime mahtang shi a man e gum dagup nhtawm,