2 SAMUELA 9:11 - Jinghpaw Common Language Bible 2009

¹¹ Ziba gaw, “Nang Madu hkawhkam hkang dat ai lam magup hte hpe ngai galaw na we ai,” ngu nna htan wu ai. Dai rai nna Mehpiboshet gaw hkawhkam wa a shadang sha langai zawn hkawhkam wa a sha ku hta sha lu nga ai.

Jinghpaw Hanson Version Bible

¹¹ Ziba mung, “Nang madu hkawhkam, na a mayam hkang dat ai hte maren galaw na nngai,” ngu nna hkam la wu ai. Mehpiboshet mahtang hkawhkam a kasha majing zawn, shi a sha ku hta sha nga lu ai.

2 SAMUELA 9:11 ပူးပေါင်းရင်းမြစ်များ

2 SAMUELA 15:15

Shanhte mung, “Mai sa law, madu hkawhkam e, nang tsun matsun ai hte maren anhte hkan galaw na jin jin rai nga saga ai,” ngu nna htan ma ai.

2 SAMUELA 19:17

Benyamin amyu bawsang hta na masha hkying mi mung shi hte rau nga nga ma ai. Shawlu a dinghku na shangun ma Ziba mung shi a kasha shi manga hte shangun ma marai hkun hte rau sa wa nna hkawhkam wa a shawng e Yawdan hka de du nga masai.

2 SAMUELA 19:24

Dai hpang Shawlu a kashu Mehpiboshet mung hkawhkam wa hpe tau la na nga yu sa wa ai. Shi gaw hkawhkam wa Yerusalem mare kaw nna pru mat wa ai aten kaw nna awng padang hte bai nhtang wa ai aten du hkra, lagaw n shin, nhka mun n ahkut, hpun palawng n hkrut ai sha nga nga wu ai.

2 SAMUELA 19:26

Shi gaw, “Madu hkawhkam e, nang chye ai hte maren, ngai gaw lagaw hten ai wa rai nga nngai; nang hte rau jawn sa wa lu n-ga, ngu nna lawze hking byau na matu nye a shangun ma wa hpe pyi tsun se ai; rai ti mung shi mahtang ngai hpe gumle gumlau galaw nna hkalem kau wu ai.

2 SAMUELA 9:10

Nang gaw na a kasha ni hte na a shangun ma ni hte rau na Madu Shawlu a dinghku masha ni a matu yi sun galaw nhtawm nsi naisi shu la nna shanhte a matu lusha wa sak jaw na rai ndai. Rai ti mung Mehpiboshet shi hkum nan chyawm gaw nye a sha ku hta tut nawng e manam hpe zawn ngai daw jau na we ai,” ngu nna tsun wu ai. (Ziba chyawm gaw shadang sha shi manga hte shangun ma hkun lu nga ai.)

2 SAMUELA 9:12

Mehpiboshet hta Mihka ngu ai shadang sha langai lu nga ai. Ziba a dinghku masha ni yawng chyawm gaw Mehpiboshet a shangun ma ni hkrai tai wa masai.

2 SAMUELA 9:13

Dai rai nna lagaw lahkawng maga hten ai Mehpiboshet gaw Yerusalem mare hta nga nna hkawhkam wa a sha ku hta shi a lusha sha nga ai.