2 SAMUELA 9:1 - Jinghpaw Common Language Bible 2009

¹ Lani mi na aten hta, Dawi gaw, “Shawlu a dinghku hta kadai wa naw ngam nga a ta? Ngam nga ai rai yang, Yonahtan a jaw e ngai shi hpe matsan dum ai lam madun dan mayu nga nngai,” ngu nna san wu ai.

Jinghpaw Hanson Version Bible

¹ Bai Dawi gaw, “Yonahtan a matu mara ngai chyeju htang lu hkra, Shawlu a lakung lama matu hta na langai ngai naw n ngam a ni?” ngu nna san wu ai.

2 SAMUELA 9:1 ပူးပေါင်းရင်းမြစ်များ

2 SAMUELA 1:26

“Ngai hpu Yonahtan e, na a majaw ngai yawn nga nngai; Nang gaw ngai hpe kade sha tsaw ra nga nit hka! Nang ngai hpe tsaw ra ai gaw kade sha mauhpa rai nga a hka! Dai gaw numsha ni a tsaw ra myit hta pyi grau nga a hka!

2 SAMUELA 21:7

Rai ti mung shi hte Yonahtan a lapran chyoi pra ai ga sadi hpe shada da shagrin da nga manu ai majaw, Shawlu a kashu, Yonahtan a kasha Mehpiboshet hpe shalawt da ya wu ai.

2 SAMUELA 9:7

Dawi chyawm gaw, “Hkum hkrit et. Na nwa Yonahtan a jaw e, ngai nang hpe matsan dum la na de ai. Na a nji Shawlu e madu da ai lamu ga mahkra ngai nang hpe bai jaw na de ai; nang gaw nye a sha ku hta tut nawng sha nga lu na rai ndai,” ngu nna tsun wu ai.

1 HKAWHKAM 2:7

“Rai ti mung na a nhpu Absalom kaw na ngai hprawng mat wa ai shaloi Gilead mung na Barazilai a shadang sha ni ngai hpe matsan dum la nga ma ai majaw shanhte hpe matsan dum ai lam madun dan nhtawm lanu lahku na rai ndai.

GA SHAGAWP 27:10

Na a jinghku ni hte na nwa a jinghku ni hpe hkum malap kau et, nang ru yak hkrum nga ai rai yang, nang hpe karum la na matu na a hpu nau wa kaw karum, hkum sa hpyi et; Makau e sha nga nga ai htingbu wa gaw tsan tsan e nga ai kahpu kanau hta, nang hpe grau lu karum nga ai.

MAHTE 10:42

Ngai nanhte hpe teng teng tsun made ai gaw, nye a sape myi man hpe tau nna, nye a sape ni hta na kaji dik ai wa hpe ntsin katsi gawm mi sha jaw wu yang, shi gaw nye a sape rai nga ai majaw, dai jaw ai wa gaw shabrai teng teng n lu la ai nga na n rai,” ngu nna tsun mu ai.

MAHTE 25:40

Dai rai nna Hkawhkam wa gaw, ‘Nanhte hpe ngai teng teng tsun made ga, ndai ngai nau ni hta na kaji htum ai wa langai mi hpe nanhte galaw ai gaw, nanhte ngai hpe galaw manit dai rai nga ai!,’ ngu nna shanhte hpe htan na mu ai.

MARKU 9:41

Ngai nanhte hpe teng teng tsun made ga, nanhte ngai hte seng ai ni rai nga ai nga nna nanhte hpe ntsin gawm mi jaw lu ai wa kadai mung, shi a shabrai teng teng hkam la lu na ra ai.

1 PETRU 3:8

Hpungdim hku nna tsun mayu ai gaw, nanhte yawng hte hta maren mara re ai myit masa hte myit hta hkam sha ai lam rawng nga lu na rai nna; shada da shinggyim nau na zawn tsaw ra ai hte shada da matsan dum nna shagrit shanem hkat nga mu.

1 SAMUELA 20:42

Yonahtan gaw Dawi hpe, “Karai Kasang nang hte rau a nga nga u ga law. Dai Madu gaw nang hte ngai hpe mung na a amyu matu ni hte nye a amyu matu ni hpe mung, an shada a lapran e tawn da sai chyoi pra ai ga sadi hpe htani htana agrin nga shangun nhtawm teng teng shadik shatup shangun nga sanu ga law,” ngu nna tsun wu ai. Dai hpang Dawi pru mat wa nhtawm Yonahtan mung mare de wa mat wa wu ai.