2 SAMUELA 8:6 - Jinghpaw Common Language Bible 2009

⁶ Dai hpang shi gaw shanhte a lamu ga hta hpyen dap tawn da wu ai rai nna shanhte mung shi a up hkang ai npu hta taw ai hte shi hpe ahkun hkanse bang ya ma ai. Dai Madu mung Dawi hkawm sa ai shara shagu hkan awng dang shangun nga ai.

Jinghpaw Hanson Version Bible

⁶ Shaloi Dawi gaw Suri mung na Damasku mare hta sin langa hpyen dap tawn da wu ai: shing rai Suri masha ni Dawi kaw yam nna, hkanse bang ma ai; Dawi sa wa ai lam shagu hta Yehowa makawp maga nga ai.

2 SAMUELA 8:6 ပူးပေါင်းရင်းမြစ်များ

2 SAMUELA 10:19

Shaloi Hadadeza a up hkang ai npu hta taw nga ai hkawhkam ni mahtang Israela amyu masha ni a majaw shanhte sum mat ma ai hpe dum chye jang, shanhte hte ngwi pyaw sim sa lam galaw nhtawm shanhte a npu hta taw nga ma ai. Dai aten kaw nna Suri masha ni mahtang Amon masha ni hpe sa karum la na matu kachyi mi mung n gwi mat sai sha hkrit mat nga ma ai.

2 SAMUELA 23:14

Dai shaloi e, Dawi chyawm gaw kawng ntsa na hpyen dap hta nga nga ai; Hpilisti masha hpung mi mahtang Betlehem mare hpe madu la kau rau nga masai.

2 SAMUELA 3:18

Ya chyawm gaw ndai aten e nanhte a matu ahkaw ahkang nan rai nga manit dai. Dai Madu gaw, ‘Nye a amyu masha Israela ni hpe Hpilisti masha ni a lata kaw na mung, kaga gumlau hpyen ni yawng a lata kaw na mung hkrang shaw la na nye a shangun ma Dawi hpe ngai lang na we ai hpe dum nga mu,’” ngu nna tsun ai.

2 SAMUELA 5:10

Chyahtum Chyalai N-gun Rawng ai Madu Karai Kasang gaw shi hte rau nga nga ai majaw shi gaw aten shagu grau grau nna n-gun ja wa nga ai.

2 SAMUELA 7:9

Nang hkawm sa ai shara shagu hkan, ngai nang hte rau nga nga nna, nang naw rawt lung wa yang pyi, na a gumlau hpyen ni yawng hpe ngai gasat dang kau ya nngai. Mungkan ga na galu kaba htum ai ningbaw ni zawn ngai nang hpe mying dan hkung galu kaba shangun na nngai.

2 SAMUELA 8:14

Shi gaw hpyen dap ni hpe Edom mung ting hta tawn da wu ai rai nna shanhte mung shi a up hkang ai npu hta taw nga ma ai. Dai Madu mung Dawi hpe shara shagu hkan awng padang lu la shangun nga ai.

2 SAMUELA 8:2

Dai hpang Moba mung masha ni hpe shi gasat dang kau wu ai. Shi gaw bawng masha shagu hpe ga ntsa e kaleng da shangun nhtawm dai ni kaw na masha masum hta lahkawng hkawng shaw la nna sat kau wu ai. Dai rai nna Moba masha ni mung Dawi a up hkang ai npu de shang mat wa ai hte shi hpe ahkun hkanse bang jaw ma ai.

2 SAMUELA 8:7

Hadadeza a du salang ni lang ai ja ninggang ni hpe mung Dawi lu rim wu ai rai nna, Yerusalem mare de la wa wu ai.

1 HKAWHKAM 4:21

Shawlumon a mungdan chyawm gaw Uhprat hka nu kaw nna Hpilisti hte Egutu mung a lamu ga jarit du hkra masha amyu ni yawng nga ai shara ni lawm nga ai. Shanhte gaw Shawlumon a prat htum hkra shi a up hkang ai npu hta taw nna shi hpe ahkun hkanse ni jaw ya nga ma ai.

2 HKAWHKAM 1:1

Israela Hkawhkam Ahab si mat ai hpang, Moba mung masha ni Israela hpe gumlau ma ai.

2 HKAWHKAM 14:28

Yeroboam II galaw da nu ai amu magup ngu na shi a share shagan ai myit hte majan gasat ai lam ni, Israela a lata de Damasku mare hte Hamat mare hpe kaning rai bai nhtang ap ya ai lam ni yawng hpe Israela hkawhkam ni a Labau Laika hta ka matsing da nga ai.

2 HKAWHKAM 18:7

Dai re ai majaw, dai Madu gaw shi hte rau nga nga ai rai nna shi galaw ai lam shagu hta awng dang hkrat hkrang nga wu ai. Shi gaw Asuri hkawseng wa hpe gumlau wu ai rai nna shi hpe hkungga lara na lam ningdang kau ya wu ai.

2 HKAWHKAM 3:4

Moba Hkawhkam Mesha gaw sagu rem ai wa rai nna Israela hkawhkam wa hpe shaning shagu shagrau hkungga ai kumhpa ngu na sagu kasha 100,000 hte sagu 100,000 kaw na sagu mun ni hpe jaw jaw di wu ai.

1 HKAWHKAM LABAU 18:13

Shi gaw Edom mung ting hta hpyen dap ni hpe jung tawn da wu ai rai nna dai mung na masha ni gaw Hkawhkam Dawi a up hkang ai npu hta taw nga ma ai. Dai Madu gaw Dawi hpe shara shagu hkan awng padang hkam la shangun nga ai.

2 HKAWHKAM LABAU 17:2

Shi gaw Yuda mung na bunghku kum ai mare ni hta mung, Yuda mung shara shagu hkan mung, Asa e gasat dang da ai Ehprim mung na mare ni hta mung hpyen hpung ni hpe jahkrat tawn da wu ai.

SHAKAWN KUNGDAWN 140:7

Nye a Grau Htum Ai Madu Chyahtum Chyalai n-gun hte hpring nga nna, ngai hpe makawp maga ai Madu e, nang gaw ngai hpe majan pa hta makawp maga ya nit dai.

SHAKAWN KUNGDAWN 60:10

Nang gaw anhte hpe teng teng kau da nu ni? Anhte a hpyen luksuk ni hte rau nang n pru sa nga n ni?

GA SHAGAWP 21:31

Majan gasat na matu, hpyen gumra ni hpe lu shajin da tim; awng padang jaw ya ai gaw dai Madu sha rai nga ai.

1 SAMUELA 13:3

Ya, Geba e nga ai Hpilisti dap up wa hpe Yonahtan sat kau wu ai lam hpe Hpilisti masha ni yawng na ma ai. Dai hpang Shawlu mung Hebre masha ni majan de shang na matu mungdan ting de pahtau dum na, kasa ni hpe shangun dat wu ai.

1 SAMUELA 14:1

Lani mi na aten hta Yonahtan gaw shi a hpyen laknak arai hpai ya ai shabrang wa hpe, “Wora Hpilisti dap de sa yu ga,” ngu nna tsun wu ai. Rai ti mung Yonahtan mahtang, Gibea mare hte nau n tsan ai Migron shara na hkainu si hpun nhpang e dap jung nga ai shi a kawa Shawlu hpe n tsun dan wu ai. Shawlu hte rau masha kru tsa dang nga nga ma ai.

1 SAMUELA 14:15

Bum ga hkan nga ai Hpilisti masha ni yawng mung hkrit kajawng mat ma ai; dap e nga ai shang gasat na hpyenla ni mung hkrit gari mat ma ai; ginding aga she ashun rai grai hkrit kajawng nga ma ai.

1 SAMUELA 14:6

Yonahtan gaw shabrang wa hpe, “N kam n sham ai Hpilisti masha ni a dap de rap sa wa yu ga. Dai Madu an hpe karum la na ra ai; shi rai nna, an hpe awng padang jaw ya ai rai yang, an hta masha n law ti mung, an hpe hkum shadang lu ai lam hpa mung nga lu ai n rai.