2 SAMUELA 8:4 - Jinghpaw Common Language Bible 2009

⁴ Dawi gaw dai wa a gumra jawn masha hkying mi sanit tsa, lagaw hpyenla mun lahkawng hte hpe rim la lu wu ai. Bai hpyen leng latsa a matu gumra law ram daram shi tawn da ya nna, kaga ngam ai ni yawng hpe lahkap dan kau ya wu ai.

Jinghpaw Hanson Version Bible

⁴ gumra hpyen hkying mi sanit tsa, lagaw hpyen mun lahkawng hte hpe rim la nhtawm, hpyen leng latsa matu sha ngam da nna gumra gale mahkra hpe lahkap dan kau ya wu ai.

2 SAMUELA 8:4 ပူးပေါင်းရင်းမြစ်များ

NINGPAWT NINGHPANG 49:6

Ngai gaw shan a mayun bawng ban ai hta shang lawm na n rai, Shan a zuphpawng ni hta shang lawm na n rai, Shan gaw masin kahtet ai a majaw masha sat manu ai. Ginsup chyai na matu dumsu usu lahkap dan masai.

1 HKAWHKAM 10:26

Shawlumon gaw gumra leng hkying mi mali tsa hte gumra dap na gumra mun mi hkying lahkawng rawng ai n-gun hpe gaw sharawt da wu ai. Dai hta na nkau mi hpe Yerusalem mare hta mung, ngam ai ni hpe kaga mare ni hkan bau rem tawn da nga ai.

1 HKAWHKAM LABAU 18:4

Dawi gaw shi a gumra leng hkying mi hpe mung, gumra jawn masha hkying sanit hpe mung, lagaw hpyenla mun lahkawng hte hpe mung rim la lu wu ai. Bai hpyen leng latsa a matu gumra law ram daram hpe ngam tawn da ya nna kaga ni yawng hpe lahkap dan kau ya wu ai.

SHAKAWN KUNGDAWN 20:7

Nkau mi shanhte a majan leng ni hte bai nkau mi shanhte a jawn gumra ni hpe kam hpa nga ma ai; rai ti mung, nanhte gaw anhte a Madu Karai Kasang a daru magam n-gun hpe kam hpa nga ga ai.

TARA JAHPRANG 17:16

Dai hkawhkam wa gaw shi a hpyen luksuk a matu gumra law law lu la hkra madu da mai na n rai; Egutu mung de galoi mung bai nhtang sa lu na n rai, nga nna dai Madu shi a amyu masha ni hpe hkang da nu ai majaw dai mung de gumra sa mari na matu amyu masha ni hpe shi sa shangun lu na n rai.

YAWSHU 11:6

Dai Madu gaw Yawshu hpe, “Shanhte hpe hkum hkrit et. Hpawt ni ndai ahkying hta Israela a matu shanhte yawng hpe ngai sat kau na we ai. Nang mung shanhte a gumra lahkap dan kau nna, leng ni nat kau na rai ndai,” ngu nna tsun wu ai.

YAWSHU 11:9

Dai Madu hkang da nu ai hte maren, Yawshu gaw shanhte hpe shakrip mu ai rai nna shanhte a gumra lahkap dan ya nhtawm leng ni hpe nat kau ya wu ai.