2 SAMUELA 8:15 - Jinghpaw Common Language Bible 2009

¹⁵ Dawi gaw Israela mung ting hpe up hkang nga ai rai nna shi a amyu masha ni hpe tut nawng teng man rap ra ai hku jeyang ya nga ai.

Jinghpaw Hanson Version Bible

¹⁵ Shing rai Dawi gaw Israela mungdan ting hpe up nna, shi a mung masha ni mahkra hpe tara dara ai hte dinghpring ai hku jeyang da wu ai.

2 SAMUELA 8:15 ပူးပေါင်းရင်းမြစ်များ

2 SAMUELA 15:3

Absalom mahtang, “Yu u, tara gaw na a maga de rai nga ai; rai ti mung na a amu hpe madat ya na hkawhkam wa san da ya ai masha kadai mung n nga ma ai,” ngu nna tsun wu ai.

2 SAMUELA 20:23

Yoab gaw Israela hpyen luksuk hpe up hkang ai du rai nga ai; Yehoiada a kasha Benaia gaw Dawi a asak sin ai amu woi hpareng ai wa rai nga ai.

2 SAMUELA 3:12

Abna gaw dai aten e Hebron mare e nga ai Dawi hpang de kasa ni hpe dat dat nna, “Ndai mungdan hpe kadai wa up hkang na rai nga a ta? Ngai hte myit hkrum lam galaw tawn da ga, shaloi nang hpang maga de Israela ni yawng kayin mat wa hkra ngai karum ya na de ai,” ngu nna tsun shangun dat wu ai.

2 SAMUELA 5:5

Shi gaw Hebron mare e nga nna Yuda mung hpe sanit ning e shata kru up hkang nhtawm Yerusalem mare e nga nna Israela hte Yuda mung yawng hpe sumshi masum ning tup up nga wu ai.

2 SAMUELA 8:14

Shi gaw hpyen dap ni hpe Edom mung ting hta tawn da wu ai rai nna shanhte mung shi a up hkang ai npu hta taw nga ma ai. Dai Madu mung Dawi hpe shara shagu hkan awng padang lu la shangun nga ai.

2 SAMUELA 8:16

Kanu Zeruia a kasha Yoab gaw hpyen luksuk up hkang du kaba rai nga ai; Ahiluda a kasha Yehoshahpat gaw labau ka matsing ai ni a hpareng rai nga ai.

1 HKAWHKAM 10:9

Dai Madu na a Karai Kasang hpe shakawn kungdawn ga law! Shi gaw nang hpe Israela hkawhkam shatai nhtawm shi hte nang rau rai nga ai hpe gade sha yu awng sharawng nga ai hpe madun dan nga nu ai. Shi gaw Israela hpe prat dingsa tsaw ra nga ai majaw teng man ai tara hte tara daw dan lu na matu shi nang hpe shanhte a hkawhkam shatai ya nit dai,” ngu nna tsun wu ai.

1 HKAWHKAM 4:1

Ya Shawlumon gaw Israela mung ting a hkawhkam rai nga ai,

1 HKAWHKAM LABAU 18:14

Dawi gaw Israela mung ting hpe up hkang nga ai rai nna, shi a amyu masha ni hpe tut nawng teng man rap ra ai hku jeyang ya nga ai.

SHAKAWN KUNGDAWN 119:121

Ding man ai hte mai kaja ai amu ni hpe ngai galaw se ai; nye a gumlau hpyen ni a lata de ngai hpe hkum kau da et!

SHAKAWN KUNGDAWN 72:2

shing rai yang, shi gaw na a amyu masha ni hpe teng man ai lam hte up hkang lu na ra ai, dip gamyet sha hkrum nga ai ni hpe ding man ai lam hte up hkang lu na ra ai.

SHAKAWN KUNGDAWN 75:2

Karai Kasang gaw, “Tara jeyang na aten ladaw hpe ngai tawn da se ai,” “Shing rai, rap ra ai tara hte ngai jeyang na nngai.

SHAKAWN KUNGDAWN 89:14

Na a mungdan hpe ding man ai hte teng man ai lam hta npawt gaw da nga ai; nang galaw ai lam shagu hte hta tsaw ra myit hte sadi sahka ai lam hpe madun dan nga ndai.

ESAIA 9:7

Shi a hkawseng daru magam n-gun gaw matut nna galu kaba wa na ra ai; shi a mungdan tut nawng ngwi pyaw sim sa na ra ai. Shi gaw Hkawhkam Dawi a hkringhtawng dagraw ai wa zawn up hkang nna, shi a daru magam n-gun gaw ding man ai hte teng man rap ra ai hta rudi nga ai rai nna, ya kaw nna jahtum ai aten du hkra agrin nga na ra ai. Chyahtum Chyalai N-gun rawng ai dai Madu gaw ndai amu yawng galaw na matu daw dan da nga sai.

AMO LAIKA (AMOS) 5:15

N hkru ai amu hpe n dawng nga mu, teng man ai amu hpe tsaw ra nga mu, teng man rap ra ai tara gaw tara rung ni hta dang nga ai hpe mu lu nga ai. Dai Madu gaw naw hkrung ngam nga ai ndai amyu baw a amyu masha ni hpe mahkoi matsan chye dum la mai nhten.

AMO LAIKA (AMOS) 5:24

Shing rai na malai, teng man rap ra ai tara gaw hka shi zawn lwi nga u ga; ding man ai gaw galoi mung hkyet mat n chye ai hka shi zawn tai nga u ga.

HEBRE 11:33

Dai ni gaw kam sham ai hte masha mungdan ni hpe gasat nna dang kau lu ma ai, Shanhte gaw ding hpring ai lam hpe hkan sa galaw nna Karai Kasang ga sadi jaw da ai lam hpe hkam la ma ai. Hkanghkyi ni a n-gup ni hpe pat kau lu ma ai.

1 SAMUELA 14:47

Shawlu gaw Israela hkawhkam tai ai hpang, shara shagu hkan nga ai shi a gumlau hpyen ni ngu na Moba masha, Amon hte Edom masha ni, Zoba hkawhkam ni hte Hpilisti masha ni hpe gasat shamyit kau wu ai. Shi gasat ai shara shagu hkan awng padang hkam la lu nga ai.