2 SAMUELA 8:14 - Jinghpaw Common Language Bible 2009

¹⁴ Shi gaw hpyen dap ni hpe Edom mung ting hta tawn da wu ai rai nna shanhte mung shi a up hkang ai npu hta taw nga ma ai. Dai Madu mung Dawi hpe shara shagu hkan awng padang lu la shangun nga ai.

Jinghpaw Hanson Version Bible

¹⁴ Edom mung shara shagu hkan e Dawi gaw sin langa hpyen dap tawn da wu ai rai nna, Edom masha ni mahkra gaw Dawi a mayam ni tai nga ma ai. Dawi sa wa ai lam shagu hta Yehowa makawp maga nga ai.

2 SAMUELA 8:14 ပူးပေါင်းရင်းမြစ်များ

NINGPAWT NINGHPANG 25:23

Dai Madu gaw shi hpe, “Na a hkum hta amyu lahkawng nga lit dai; Shada da htinghtawng shingjawng hkat ai amyu lahkawng hpe nang shangai dat na rin dai. Langai wa mi gaw kaga wa hta grau n-gun ja na ra ai; Kaba ai wa mahtang kaji ai wa hpe daw jau na ra ai,” ngu nna tsun wu ai.

NINGPAWT NINGHPANG 27:29

Masha amyu baw ni na a shangun ma ni tai mat mu ga; amyu masha ni mung nang hpe dingnyawm gum dagup nga mu ga. Na amyu matu mara ni yawng hpe nang up hkang nna na ningnu a amyu matu ni na a man e dingnyawm nga mu ga; nang hpe matsa ai ni matsa ai bai hkrum mu ga; nang hpe shaman ai ni shaman ai bai hkrum mu ga,” ngu nna tsun wu ai.

2 SAMUELA 5:10

Chyahtum Chyalai N-gun Rawng ai Madu Karai Kasang gaw shi hte rau nga nga ai majaw shi gaw aten shagu grau grau nna n-gun ja wa nga ai.

2 SAMUELA 7:9

Nang hkawm sa ai shara shagu hkan, ngai nang hte rau nga nga nna, nang naw rawt lung wa yang pyi, na a gumlau hpyen ni yawng hpe ngai gasat dang kau ya nngai. Mungkan ga na galu kaba htum ai ningbaw ni zawn ngai nang hpe mying dan hkung galu kaba shangun na nngai.

2 SAMUELA 8:15

Dawi gaw Israela mung ting hpe up hkang nga ai rai nna shi a amyu masha ni hpe tut nawng teng man rap ra ai hku jeyang ya nga ai.

2 SAMUELA 8:6

Dai hpang shi gaw shanhte a lamu ga hta hpyen dap tawn da wu ai rai nna shanhte mung shi a up hkang ai npu hta taw ai hte shi hpe ahkun hkanse bang ya ma ai. Dai Madu mung Dawi hkawm sa ai shara shagu hkan awng dang shangun nga ai.

1 HKAWHKAM 11:15

Ndai lam garai n byin yang, Dawi gaw Edom mung hpe gasat dang la yu ai shaloi shi a luksuk hpe up hkang ai Yoab gaw dai mung de si mang ni hpe lup makoi na nga, dai shara de sa wa wu ai. Shing rai shi hte shi a masha ni Edom mung e shata kru dang naw nga nga ai laman hta,

1 HKAWHKAM 22:47

Dai aten e Edom mung hta hkawhkam n nga ai; Yuda hkawhkam wa san da ai dat kasa wa chyu sha up hkang nga ai.

1 HKAWHKAM 22:48

Hkawhkam Yehoshahpat gaw nammukdara ntsa hkawm ai sanghpaw li ni hpe shachyaw nhtawm Ohpira mung na ja sa htaw la na nga pru sa wa wu ai; rai ti mung Eziongebera shara e daw agrawp mat nna, galoi mung n pru sa lu nga sai.

2 HKAWHKAM 14:7

Amazia gaw Jum Kadit e Edom hpyenla mun mi hpe sat kau wu ai; bai shi gaw Sela mare hpe gasat dang la nna dai mare a mying hpe dai ni du hkra Yokhtela ngu nna shamying da wu ai.

2 HKAWHKAM 18:7

Dai re ai majaw, dai Madu gaw shi hte rau nga nga ai rai nna shi galaw ai lam shagu hta awng dang hkrat hkrang nga wu ai. Shi gaw Asuri hkawseng wa hpe gumlau wu ai rai nna shi hpe hkungga lara na lam ningdang kau ya wu ai.

1 HKAWHKAM LABAU 18:13

Shi gaw Edom mung ting hta hpyen dap ni hpe jung tawn da wu ai rai nna dai mung na masha ni gaw Hkawhkam Dawi a up hkang ai npu hta taw nga ma ai. Dai Madu gaw Dawi hpe shara shagu hkan awng padang hkam la shangun nga ai.

SHAKAWN KUNGDAWN 60:1

Karai Kasang e, nang gaw anhte hpe ningdang kau nna; anhte hpe sum shangun kau nit dai. Nang gaw anhte hpe masin pawt kau ti mung, ya chyawm gaw, anhte hpang de bai kayin mada la mi.