2 SAMUELA 8:12 - Jinghpaw Common Language Bible 2009

¹² shi gasat dang da sai Edom, Moba, Amon, Hpilisti hte Amalek masha amyu baw ni kaw na shi la wa ai aja, gumhpraw hpe mung, Hadadeza kaw na lu la ai lanep kau chyen ni hpe mung nawng ya wu ai.

Jinghpaw Hanson Version Bible

¹² dai hte maren, shi dang kau lu ai, Suri, Moba, Ammon a kashu kasha ni mung, Hpilisti hte Amalek mung hkan na lu la ai lanep ja gumhpraw mung, Rehoba a kasha, Zoba a hkawhkam Hadaeza kaw na mung, kashun la lu ai lanep ja gumhpraw ni hpe mung, Yehowa kaw nawng kau wu ai.

2 SAMUELA 8:12 ပူးပေါင်းရင်းမြစ်များ

2 SAMUELA 10:11

Yoab gaw shi hpe, “Suri masha ni ngai hpe dang nga ma ai hpe nang mu jang ngai hpe sa karum la e; Amon masha ni nang hpe dang jang ngai nang hpe sa karum la na de ai.

2 SAMUELA 10:14

Suri masha ni kagat hprawng htaw mat wa ai hpe Amon masha ni mu jang, shanhte mung Abishai kaw na hprawng mat wa nhtawm mare de htingnut mat wa ma ai. Shaloi Amon masha ni hpe gasat nga ai kaw na Yoab nhtang mat wa nhtawm Yerusalem mare de wa mat wa ma ai.

2 SAMUELA 8:2

Dai hpang Moba mung masha ni hpe shi gasat dang kau wu ai. Shi gaw bawng masha shagu hpe ga ntsa e kaleng da shangun nhtawm dai ni kaw na masha masum hta lahkawng hkawng shaw la nna sat kau wu ai. Dai rai nna Moba masha ni mung Dawi a up hkang ai npu de shang mat wa ai hte shi hpe ahkun hkanse bang jaw ma ai.

1 HKAWHKAM LABAU 18:11

Hkawhkam Dawi chyawm gaw nawku daw jau ai hta lang na matu dai ni hte hpawn shi gasat dang da sai Edom, Amon, Hpilisti hte Amalek masha amyu baw ni kaw na shi la wa ai aja, gumhpraw hpe mung, nawng ya wu ai.

1 SAMUELA 15:8

shi gaw Amalek hkawhkam Agag hpe chyahkrung rim la lu wu ai; shi a masha ni yawng hpe chyawm gaw sat sharu kau ma ai.

1 SAMUELA 27:8

Dai laman hte hta, Dawi hte shi a masha ni gaw dai ginwang ni hta moi kaw nna nga nga ai Geshuri, Girazi, hte Amalek masha ni hpe sa gasat mu ai. Shi gaw shanhte a lamu ga hpe Egutu mung de yu wa ai Shura mare de du hkra shang gasat la nhtawm,

1 SAMUELA 30:17

Dawi mung shawng jahpawt kaw nna hpang shana de du hkra shanhte hpe gasat ma ai rai nna, gawla-uk jawn ai shabrang mali tsa hprawng lawt wa lu ai hta kaga, langai mi mung n lawt lu nga masai.

1 SAMUELA 30:20

Shi gaw gawt wa ai sagu dumsu hpung ni hpe la wu ai. Shi a masha ni gaw shi a shawng e gawt wa nna, “Ndai gaw Dawi madu da nga sai,” ngu nna tsun ma ai.