2 SAMUELA 8:1 - Jinghpaw Common Language Bible 2009

¹ Ya aten ram ram na ai hpang, Hkawhkam Dawi gaw Hpilisti masha ni hpe bai htim gasat ai hte dang kau wu ai rai nna mung ting hpe up hkang nga ai shanhte a daru magam n-gun hpe jahtum kau ya wu ai.

Jinghpaw Hanson Version Bible

¹ Dai hpang Dawi gaw Hpilisti masha ni hpe gasat dang nna, shayu kau mu ai; shanhte a lashoi ngu na, Daju mare mung, shanhte a lata na kashun la kau wu ai.

2 SAMUELA 8:1 ပူးပေါင်းရင်းမြစ်များ

2 SAMUELA 19:9

Shanhte gaw mungdan ting hta shada da a lapran e ga li ga law nga nna, “Hkawhkam Dawi gaw anhte hpe gumlau hpyen ni a lata kaw nna hkye la mani ai. Hpilisti masha ni a lata kaw na mung anhte hpe hkye la mani ai, rai ti mung ya chyawm gaw Absalom a majaw mungdan kaw nna hprawng hkawm nga ai.

2 SAMUELA 2:24

Rai ti mung, Yoab hte Abishai yan gaw Abna a hpang de hkan shachyut ma ai rai nna Gibeon nam mali de sa wa ai lam hta nga ai Gia mare a sinpraw maga de nga ai Ama kawng de du jang jan shang mat sai.

2 SAMUELA 22:44

Nang gaw ngai hpe gumlau masha ni a lata kaw na hkye mawai la nit dai; masha amyu baw ni hpe up hkang na ahkang ngai hpe lajang ya nga ndai. Ngai n chye ai masha ni mung nye a up hkang ai npu hta taw nga ma ai.

2 SAMUELA 5:17

Dawi gaw Israela hkawhkam tai nga sai hpe Hpilisti masha ni na jang, shi hpe sa rim la na nga, shanhte a hpyen luksuk ni rawt sa wa ma ai. Shing nga ai shiga hpe Dawi na jang, hpyen dap de sa nga mat wu ai.

2 SAMUELA 5:25

Dai Madu hkang da nu ai hte maren, Dawi hkan galaw ai rai nna, Geba kaw nna Gezera du hkra Hpilisti masha ni hpe gasat nhtang kau lu ma ai.

2 SAMUELA 7:9

Nang hkawm sa ai shara shagu hkan, ngai nang hte rau nga nga nna, nang naw rawt lung wa yang pyi, na a gumlau hpyen ni yawng hpe ngai gasat dang kau ya nngai. Mungkan ga na galu kaba htum ai ningbaw ni zawn ngai nang hpe mying dan hkung galu kaba shangun na nngai.

SHAKAWN KUNGDAWN 18:43

Nang gaw ngai hpe gumlau masha ni a lata kaw nna hkrang shaw la nit dai, amyu baw ni a ntsa e, up hkang ai wa, nang ngai hpe shatai nit dai; Ya chyawm gaw, ngai n chye ai amyu masha ni nye a mungdan masha ni tai wa nga masai.

SHAKAWN KUNGDAWN 60:2

Nang gaw lamu ga hpe gari ashun shangun nna, dai hpe nang kahtam hpaw kau nit dai; dai gaw ga ayai mat nga ai majaw ya dai nma ni hpe tsi shamai ya u.

SHAKAWN KUNGDAWN 60:8

Rai ti mung, Moba hpe nye a lagaw kashin ai di zawn ngai lang kau na nngai; Edom a ntsa e mung, nye a hkyepdin hpe kabai tawn na nngai; dai gaw ngai madu la na ngu ai kumla rai nga ai. Hpilisti ni gaw nye a ntsa e, awng padang jahtau garu lu na mu ai nga nna, shanhte myit nawn nga masai kun?,” nga nna tsun wu ai.

HEBRE 11:33

Dai ni gaw kam sham ai hte masha mungdan ni hpe gasat nna dang kau lu ma ai, Shanhte gaw ding hpring ai lam hpe hkan sa galaw nna Karai Kasang ga sadi jaw da ai lam hpe hkam la ma ai. Hkanghkyi ni a n-gup ni hpe pat kau lu ma ai.

HEBRE 11:34

Ja la ai wan nsa ni hpe sat kau lu ma ai. Masha ni a nhtu nshan kaw na mung hprawng lawt lu ma ai. Shanhte n-gun kya ai rai ti mung, n-gun shaja ya ai lu la ma ai majaw majan pa e magrau grang lu ma ai hte masha tsasam ni a hpyen hpung ni hpe dang kau lu ma ai.

1 SAMUELA 7:13

Dai rai nna Hpilisti masha ni sum mat ma ai rai nna Samuela ahkrung nga dingsa Israela a lamu ga hpe shanhte shang gasat la na hpe dai Madu ban shadang nga ai.