2 SAMUELA 7:8 - Jinghpaw Common Language Bible 2009

⁸ “Dai re ai majaw Chyahtum Chyalai N-gun rawng ai Ngai Madu nan shi hpe tsun ai ga, nye a shangun ma Dawi hpe tsun su, ‘Nang gaw yi sun hkauna hkan sagu naw rem nga ai kaw na ngai nang hpe shaw la nhtawm, Israela amyu masha ni hpe up hkang ai du aya nang hpe jaw ni ai.

Jinghpaw Hanson Version Bible

⁸ Dai re ai majaw, nye a shangun ma Dawi hpe ning ngu u: Zaw nawng Zaw wa up ai Yehowa tsun ai gaw, Nye a amyu Israela ntsa e up ai du aya hta nang hpe tawn da na matu, nang sagu naw rem kaw nna sagu lawng hta na ngai nang hpe shaw la sade ai;

2 SAMUELA 7:8 ပူးပေါင်းရင်းမြစ်များ

2 SAMUELA 12:7

Nahtan gaw Dawi hpe, “Dai wa gaw nang rai nga ndai. Da ndai gaw dai Madu Israela a Karai Kasang tsun ai ga rai nga ai: ‘Ya Shawlu a lata na nang hpe ngai hkye mawai la nhtawm Israela a hkawhkam ngai nang hpe shatai da ni ai.

2 SAMUELA 14:13

Numsha gaw shi hpe, “Dai rai yang, Karai Kasang a amyu masha ni hpe hpa majaw dai zawn shut ai amu hpe nang galaw shut kau n ta? Kaga mung de hprawng mat wa ai na a kasha hpe nhtang wa na ahkang nang n jaw nga ndai; nang tsun nit dai hte maren nang nan daw dan kau nit dai.

2 SAMUELA 23:1

Yese a kasha Dawi gaw hkawhkam tai na matu Yaku a Karai Kasang e lata da hkrum nga ai. Shi gaw Karai Kasang e galu kaba shangun ai hte Israela a matu pyaw ngawn ai mahkawn ni hpe ka jahtuk tawn ai wa rai nga ai. Ndai ni gaw Dawi a hpang jahtum ngu na ga ndat ni rai nga ai:

2 SAMUELA 24:17

Dawi gaw amyu masha ni hpe sat ai lamu kasa hpe mu jang, dai Madu hpe, “Ngai gaw mara lu ai wa rai nga nngai. Mara galaw shut kau ai wa mung rai nga nngai. Ndai matsan mayan re ai amyu masha ni mahtang hpa baw galaw shut kau nga ma ni? Ngai hte nye a dinghku masha ni hpe mahtang nang ari jaw ang nga ndai,” ngu nna tsun wu ai.

2 SAMUELA 5:2

Lai sai aten, Shawlu anhte a hkawhkam naw rai nga ai aten kaw nna pyi Israela amyu masha ni hpe majan pa hkan nang woi awn yu nit dai. Nang mung dai Madu a amyu masha ni hpe woi awn nna shanhte hpe up hkang ai wa tai wa na lam, shi nang hpe ga sadi jaw da nga nit dai,” ngu nna tsun ma ai.

2 SAMUELA 6:21

Dawi chyawm gaw, “Na nwa hte shi a dinghku masha ni a malai Israela amyu masha ni a ningbaw ngai hpe tai shangun na nga, ngai hpe lata la sai dai Madu hpe shagrau sha-a na matu she, ngai ka nngai. Dai Madu hpe shagrau sha-a na matu matut nna ngai ka na we ai;

1 HKAWHKAM 3:6

Shawlumon gaw, “Na a shangun ma nye a kawa Dawi gaw mai kaja ai, sadi dung ai hte myit malang ai hku hkan let nang hte matut mahkai nga ai majaw nang shi hpe tut nawng tsaw ra myit kaba madun dan ya nga ndai; shi a magam tingnyang hta dai ni hkaw galai dung let up hkang na shadang sha langai mi mung shi hpe jaw ya let na a galu kaba ai hte dinggrin tsaw ra myit matut nna shi hpe madun dan nga ndai.

1 HKAWHKAM 8:16

‘Egutu mung kaw nna nye a amyu masha ni hpe ngai woi shapraw wa ai shani kaw nna ngai hpe nawku na htingnu gaw gap na shara hpe Israela mung ting na kaning re ai mare hpe mung ngai n lata la nngai. Rai ti mung nye a amyu masha ni hpe up hkang na matu ngai Dawi hpe lata la se ai,’” ngu nna tsun wu ai.

1 HKAWHKAM LABAU 17:7

“Dai re ai majaw Chyahtum Chyalai n-gun rawng ai Ngai Madu nan shi hpe tsun ai ga, nye a shangun ma Dawi hpe ning ngu nna tsun su, ‘Ngai gaw nang pa ga hkan e sagu naw rem nga ai kaw nna nang hpe shaw la nhtawm Israela amyu masha ni hpe up hkang ai du aya nang hpe tawn da ya ni ai.

1 HKAWHKAM LABAU 21:17

Dawi gaw, “O Karai Kasang e, ngai gaw shut ai amu hpe galaw ai wa rai nga nngai; yuptung jahpan hta shangun ai mung ngai rai nga nngai. Ndai matsan mayan re ai amyu masha ni hpa galaw kau nga ma ni? Dai Madu nye a Karai Kasang e, ngai hte nye a dinghku masha ni hpe mahtang ari jaw rit law; na a amyu masha ni hpe chyawm gaw jahkrung da u,” ngu nna hpyi tsun wu ai.

AMO LAIKA (AMOS) 7:15

Rai ti mung, dai Madu gaw yam nga rem nga ai nye bungli kaw na shaga la nhtawm shi a amyu masha Israela ni hpang de sa nna myihtoi htoi na matu hkang dat nga ai.

KASA 7:46

Dawi chyawm gaw Karai Kasang a man e myi man pa ai rai nna Yaku a Karai Kasang shanu nga na shara langai mi galaw na ahkang jaw ya na matu Karai Kasang kaw hpyi wu ai.

1 SAMUELA 10:1

Dai hpang Samuela gaw tsanlun sau rawng ai di bu langai la nna Shawlu a baw ntsa e ru jaw nna shi hpe pup let, “Shi a amyu masha Israela hpe up hkang ai du tai na matu, dai Madu gaw nang hpe namman jaw ya nga ai. Dai rai nna shi a amyu masha ni hpe nang up hkang nna shanhte a gumlau hpyen ni yawng a lata kaw nna mung shanhte hpe makawp maga ya na rai ndai. Ndai gaw dai Madu nang hpe lata la nna shi a amyu masha ni hpe up hkang na du tai na matu nang hpe madun ai sakse rai nga ai.

1 SAMUELA 2:8

Shi gaw matsan mayan ni hpe ga nhpu kaw na mung, ra kadawn ai ni hpe shanhte a nni nkri kata kaw na mung sharawt la nga ai. Shi gaw dai ni hpe hkawhkam kasha ni a manang shatai nhtawm shagrau sha-a ai shara ni hta tawn da nga ai. Dai Madu gaw ginding aga a npawt nhpang ni hpe madu da nga ai; dai ni a ntsa e mungkan ga hpe shi gaw da nga ai.

1 SAMUELA 9:16

“Hpawt de ndai aten daram hta e, Benyamin amyu bawsang hta na masha langai mi, nang hpang de ngai shangun dat na nngai; shaloi nye a amyu masha Israela hpe up hkang ai wa shatai nna, shi hpe namman jaw ya na rai ndai; shing rai shi gaw shanhte hpe Hpilisti masha ni a lata kaw nna hkye mawai la na ra ai. Nye a amyu masha ni hkam sha ai nni nkri hpe ngai mu se ai; shanhte hpe karum la na matu shanhte a hpyi jahtau ai nsen ni hpe mung na se ai,” ngu nna tsun wu ai.