2 SAMUELA 7:25 - Jinghpaw Common Language Bible 2009

²⁵ “Ya chyawm gaw, Madu Karai Kasang e, ngai hte nye a amyu matu ni hte seng ai nang shagrin da nit dai ga sadi hpe jahpring shatsup ya mi law; nang galaw na ngu nna tsun ai ga hte maren shadik ya e law.

Jinghpaw Hanson Version Bible

²⁵ Ya chyawm gaw, Yehowa Karai Kasang e, na a mayam wa hte shi a nta masha ni a lam nang tsun ai ga, tutnawng shagrin da ya mi law; nang tsun ai hte maren shadik ya mi.

2 SAMUELA 7:25 ပူးပေါင်းရင်းမြစ်များ

NINGPAWT NINGHPANG 32:12

Nye a matu lam shagu hta mai kaja shangun na mung, ngai hpe panglai hkin-gau mayan kadai mung n dang hti lu hkra law htam ai zaibru ni zawn amyu bawsang ni hpe shalaw jahtam ya na nga nna mung, nang ga sadi jaw nit dai hpe dum nga u,” ngu nna akyu hpyi wu ai.

2 SAMUELA 7:24

Nang gaw Israela hpe htani htana na a amyu masha majing shatai la nga nit dai; dai rai nna Madu e, nang gaw shanhte a Karai Kasang tai nga nit dai.

2 SAMUELA 7:26

Na a mying ningsang galu kaba wa nna amyu masha ni mung, ‘Chyahtum Chyalai N-gun rawng ai Madu gaw Israela a ntsa e nga ai Karai Kasang rai nga ai,’ nga nna htani htana atsun nga na rai ma ai. Nang gaw nye a magam tingnyang hpe ju majat prat janat shagrin da ya nga nu ga law.

1 HKAWHKAM 2:4

Shi a ga hpe nang madat mara ndai rai yang, nye a amyu matu ni shi a hkang da ai ga ni hpe sadi sahka let shanhte a myit kraw lawang mahkra hte myit masin mahkra hte sadi let madat mara nga dingsa Israela mung hpe up hkang lu na rai nga ai, nga nna shi ngai hpe tsun da sai ga sadi hpe dai Madu shatup na rai wu ai.

1 HKAWHKAM 8:26

Rai sa, O Israela a Karai Kasang e, na a shangun ma nye wa Dawi hpe nang jaw tawn da nit dai ga sadi shagu hpe teng tup byin shangun nga u law.

2 HKAWHKAM LABAU 6:17

Dai rai nna ya chyawm gaw, Madu Israela a Karai Kasang e, na a shangun ma nye wa Dawi hpe nang jaw tawn da nit dai ga sadi shagu hpe teng tup byin shangun nga u ga law.

SHAKAWN KUNGDAWN 119:38

Nang hpe hkrit hkungga ai ni hpe jaw ya ai ga sadi, na a shangun ma wa, ngai hpe mung jaw ya e.

SHAKAWN KUNGDAWN 119:49

Na a shangun ma wa ngai hpe jaw ai ga sadi hpe adum nga u; dai gaw ngai hpe myit mada shara jaw ya nga sai.

EZEKELA 36:37

Tsaw Htum ai dai Madu gaw, “Ngai gaw karum la na matu ngai hpe hpyi ai Israela amyu masha ni a nsen hpe kalang mi bai madat ya na nngai. Dai hpang, ngai gaw shanhte hpe sagu hpung zawn shalaw jahtam shangun na nngai.

1 SAMUELA 1:23

Elakana gaw, “Mai sa, nang myit nawn ai kaja htum ai hku galaw u. Shi hpe chyu jahka kau lu ai aten du hkra nta e nga nga u. Dai Madu shi a ga sadi teng wa u ga law,” ngu nna htan wu ai. Dai rai nna, Hana gaw nta e nga nna shi a ma hpe bau maka nga wu ai.