2 SAMUELA 7:23 - Jinghpaw Common Language Bible 2009

²³ Na a amyu masha majing shatai na nga, shanhte hpe mayam shatai nga ai kaw na nang hkye mawai da nit dai, dai Israela amyu ni hte bung ai amyu baw kaga ndai ginding aga ntsa n nga nga ai. Shanhte a matu nang galaw dan sai dai galu kaba ai mauhpa amu ni gaw mungkan ting de na a mying ningsang dan hkung gumhkawng shangun nga sai. Na a amyu masha majing shatai la na nga, Egutu mung kaw na nang shalawt dat sai amyu masha ni rawt lung wa mu yang, kaga masha amyu baw ni hte shanhte a karai ni hpe nang gawt shapraw kau ya nga ndai.

Jinghpaw Hanson Version Bible

²³ Na a amyu masha ni hte, na a mungdan a matu mara mauhpa amu kaba madun dan na nga, Karai Kasang yu wa nna, na ningsang mying dan hkung na matu, Egutu mung hte mungdan daga ni yawng hta, shanhte a Hpara ni a lata na hkye mawai la ai, nang lata la ai amyu Israela hte bung ai amyu gaw, dinghta ga ntsa e kadai amyu rai nga a ta?

2 SAMUELA 7:23 ပူးပေါင်းရင်းမြစ်များ

2 SAMUELA 7:24

Nang gaw Israela hpe htani htana na a amyu masha majing shatai la nga nit dai; dai rai nna Madu e, nang gaw shanhte a Karai Kasang tai nga nit dai.

1 HKAWHKAM LABAU 17:21

Na a amyu masha majing shatai na nga, shanhte hpe mayam tai nga ai kaw nna nang hkye mawai da nit dai; dai Israela amyu ni hte bung ai amyu baw kaga, ndai ginding aga ntsa e n nga nga ai. Shanhte a matu nang galaw dan sai dai galu kaba ai mauhpa amu ni gaw mungkan ting de na a mying ningsang hpe dan hkung gumhkawng shangun nga sai. Egutu mung na na a amyu masha ni hpe nang hkrang shaw la nna dai amyu masha ni rawt lung wa nga ma yang, kaga amyu baw ni hpe nang gawt shapraw kau nga ndai.

NEHEMIA 1:10

“Madu e, ndai ni gaw na a shangun ma, na a amyu masha majing ni rai ma ai. Nang gaw shanhte hpe na a daru magam n-gun kaba hte na a ja la ai n-gun atsam hte hkye mawai la nga ndai.

SHAKAWN KUNGDAWN 106:22

Dai mung hta shi galaw dan sai amu ni gaw kaning re ai mauhpa wa rai nga a hka! Nawng hkyeng hta shi galaw dan sai magam amu ni gaw kaning re ai mauhpa wa rai nga a hka!

SHAKAWN KUNGDAWN 111:9

Shi a amyu masha ni hpe shi shalawt dat nhtawm, htani htana hte seng ai ga shaka hpe shanhte hte shi galaw da nu ai. Shi gaw Chyoi Pra nga ai hte Chyalai n-gun rawng ai wa rai nga ai!

SHAKAWN KUNGDAWN 145:6

Na a daru magam amu ni hpe masha amyu ni htawn tsun dan na mara ai; na a galu kaba ai lam hpe mung, ngai htawn tsun nga na nngai.

SHAKAWN KUNGDAWN 147:20

Shi gaw kaga amyu baw ni a matu, ndai zawn re ai lam n galaw ya wu ai rai nna; shanhte gaw shi a tara ni hpe n chye nga ma ai. Dai Madu hpe shakawn mu!

SHAKAWN KUNGDAWN 40:5

Anhte a Madu Karai Kasang e, anhte a matu nang galaw da ya sai amu ni gaw law la nga ai; nang hte bung ai wa kadai mung n nga nga ai! Anhte a matu mauhpa yaw shada lam law law hpe nang galaw da ya nit dai. Dai ni gaw nau law la ai majaw, dai ni yawng a lam hpe ngai dang hti lu ai n rai!

SHAKAWN KUNGDAWN 44:3

Na a amyu masha ni gaw dai lamu ga hpe shanhte a nhtu ni hte gasat dang la lu ma ai n rai; shanhte a n-gun atsam hte dai mung hpe lu la ai n rai. Dai gaw na a daru magam atsam hte na a chyalai n-gun shanhte hpe na a tsaw ra myit madun sai ngu ai nang shanhte hte rau shanu nga ai ga sadi ni a majaw rai nga ai.

SHAKAWN KUNGDAWN 65:5

Nang anhte hpe awng padang jaw ya ai hku, anhte hpe htan ya nga ndai, anhte hpe hkye hkrang la na matu, mauhpa magam amu ni hpe nang galaw nga ndai. Mungkan ga ting hte panglai ni din ai shara shagu na amyu masha ni gaw nang hpe kam hpa nga ma ai.

SHAKAWN KUNGDAWN 66:3

“Nang galaw ai amu ni gaw kade wa mauhpa rai nga a hka! Na a daru magam n-gun grai galu kaba nga ai majaw, na a gumlau hpyen ni gaw na a man e, hkrit ai hte gum dagup nga ma ai.

PRU MAT 12:12

“Dai shana jang, Ngai gaw Egutu mung ting de dinghkren mat wa nna masha hte yam nga lahkawng yan kaw na kasha alat shagu hte hpe sat kau nhtawm, Egutu a karai ni yawng hpe mung ari jaw na we ai. Ngai gaw dai Madu rai nga nngai.

PRU MAT 33:16

Nang anhte hte rau n hkan sa ai rai yang, na a amyu masha ni hte mung, ngai hte mung nang kaning rai awng sharawng nga ai hpe kadai wa chye lu na rai nga a ta? Anhte hte rau nga nga ai na a hpung shingkang gaw ginding aga ntsa e nga ai kaga masha ni hta na anhte hpe garan ginhka da na rai nga ndai,” ngu nna htan wu ai.

PRU MAT 6:7

Ngai gaw nanhte hpe nye a amyu masha majing hku shatai la nna, nanhte a Karai Kasang tai na nngai. Ngai gaw Egutu mung mayam prat kaw na nanhte hpe shalawt dat ai nanhte a Karai Kasang dai Madu rai nga ai hpe nanhte chye lu na marin dai.

PRU MAT 9:15

Nang hpe adup abyen na matu mung, na a masha ni hpe ana ahkya hte zingri na matu mung, nye a lata sharawt tawn taw gaw, nang gaw tsep kawp shamyit kau ai hkrum na rai ndai.

PRU MAT 9:16

Rai ti mung, nye a mying ningsang kajai gumhkawng ai gaw mungkan ga ting hta chyam bra wa lu na matu mung, nye a daru magam n-gun hpe madun dan na matu mung ngai nang hpe jahkrung sharawt da nga nngai.

YEREMIA 32:20

Lai sai aten ni hta, nang gaw Egutu mung e lamik kumla ni hte mauhpa amu ni hpe madun dan nit dai; dai ni du hkra nang gaw shanhte hpe Israela mung hte kaga amyu baw ni a ka-ang hta matut nna madun dan nga ndai, shing re ai a majaw, nang gaw ya du hkra shara shagu hkan e mying dan hkung nga ndai.

YEREMIA 32:21

Anhte a gumlau hpyen ni hpe na a lamik kumla ni hte mauhpa amu madun dan ai hte hkrit gari shangun mu ai; nang gaw na a daru magam n-gun hte lahpum shada nna na a amyu masha Israela ni hpe Egutu mung kaw nna woi shapraw wa nit dai.

EZEKELA 20:9

Rai ti mung, shanhte shanu nga ai masha amyu ni a man e, nye a amying jahpoi kau n hkrum mat hkra, shanhte hpe Egutu mung kaw nna woi shapraw la na, Israela amyu masha ni hpe ngai tsun ndau ni ai.

BU HKAWM 6:27

Dai Madu gaw, “Shanhte nye a mying gang nna Israela amyu masha ni hpe shaman ga tsun ai rai yang, ngai mung shanhte hpe shaman ya na mawe ai,” ngu nna tsun wu ai.

EHPESU 1:6

Shi a tsaw ra ai kasha a marang e manu jahpu n hpyi ai sha anhte hpe jaw ai hpung shingkang rawng ai shi a chyeju a majaw Karai Kasang hpe shakawn kungdawn ga law!

TARA JAHPRANG 10:21

Shi gaw nanhte a Karai Kasang rai nga ai rai nna nanhte a matu shi galaw dan nu ai dai galu kaba ai mauhpa amu ni hpe nanhte nan myi hte chyaw mu manit dai majaw shi hpe shakawn mu.

TARA JAHPRANG 15:15

Egutu mung hta nanhte mayam tai yu manit dai hpe mung, dai Madu nanhte a Karai Kasang nanhte hpe shalawt dat ai hpe mung adum nga mu; dai re ai majaw ndai hkang da ai ga, dai ni ngai nanhte hpe jaw ya nga nngai.

TARA JAHPRANG 33:29

Israela e, nang gaw kade sha a nga n hka! Dai Madu hkye hkrang la sai amyu baw ngu ai nanhte hte bung ai wa mi kadai n nga nga ai. Dai Madu shi nan nanhte hpe makawp maga ya nna awng padang jaw jaw ya ai nanhte a makawp ninggang hte nhtu rai nga ai. Nanhte a gumlau hpyen ni matsan dum la na matu hpyi nem wa nna, nanhte mung shanhte hpe kabye dip lu na marin dai law.

TARA JAHPRANG 9:26

Ngai mung, ‘Tsaw Htum ai Madu e, na a galu kaba ai daru magam n-gun atsam hte Egutu mung kaw na hkrang shaw wa ai na a amyu masha ni hpe hkum shamyit kau et.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

YAWSHU 7:9

Hkanani masha ni hte ndai mung na masha nlang ndai lam hpe na na rai ma ai. Shaloi shanhte gaw anhte hpe sa wang nna masha hkum shagu hte hpe sat kau na mara ai. Dai hpang na a arawng sadang hpung shingkang makawp maga na matu nang kaning di na rai nga n ta?,” ngu nna tsun wu ai.

1 PETRU 2:9

Rai ti mung nanhte gaw lata la ai amyu, Hkawhkam a hkinjawng ni, chyoi pra ai amyu masha ni hte Karai Kasang shi nan madu nga ai ni rai nga myit dai; shing rai lata la ai lam gaw, nanhte hpe nsin kata kaw nna shi a mauhpa nhtoi de shaga bang wa ai wa a hpung shingkang rawng ai magam amu ni hpe shana shabra shabrawng dat ya na matu rai nga ai.

SHINGRAN 5:9

Shanhte gaw, “Nang gaw dai laika shabawn hpe la na hte, dazik ni hpe gaw kau na ging dan nga ndai. Hpa majaw nga yang, nang sat kau hkrum nit dai rai nna, na a nawng jau si hkam ai hte, amyu bawsang shagu hta na mung, ga amyu shagu hta na mung, Karai Kasang a matu masha ni hpe nang mari la nit dai rai nga ai, nga nna mahkawn ningnan mahkawn ma ai.