2 SAMUELA 7:2 - Jinghpaw Common Language Bible 2009

² Dai hpang hkawhkam wa gaw myihtoi Nahtan hpe, “Yu u, ngai chyawm gaw marau hpun hte galaw ai nta hta rawng nga nngai; rai ti mung Karai Kasang a Ga Shaka Sumpu mahtang sumpan sum kata e rawng nga ai le!,” ngu nna tsun wu ai.

Jinghpaw Hanson Version Bible

² shi gaw, myihtoi Nahtan hpe, “Yu u, ngai wa gaw, marau hpun nta rawng nga ni ai; Karai Kasang a sumpu chyawm gaw, sumpan sum npu e rawng nga ai,” ngu nna tsun wu ai.

2 SAMUELA 7:2 ပူးပေါင်းရင်းမြစ်များ

2 SAMUELA 11:11

Uria mahtang, “Israela hte Yuda masha ni mahtang majan pa hkan e she nga nga ma ai. Shanhte hte rau Ga Shaka Sumpu mung nga nga ai; nye a up hkang du Yoab hte shi a du salang ni mung pa hkan e she dap jung tawn da nga ma ai mi, ngai kaning rai nta de wa nna lu lu sha sha rai let, nye a madu jan hte yup lu na rai ta? Dai zawn re ai amu hpe galoi mung ngai n galaw na rai nga nngai gaw chyoi pra ai mying hta dai lam yawng hpe ngai dagam nngai!,” ngu htan wu ai.

2 SAMUELA 12:1

Dai Madu gaw myihtoi Nahtan hpe Dawi hpang de shangun dat wu ai. Nahtan mung shi kaw sa nhtawm, “Mare langai mi hta masha lahkawng nga nga ma ai; langai mi gaw sut su nna, kaga langai mi mahtang matsan mayan re ai wa rai nga ai.

2 SAMUELA 5:11

Turu Hkawhkam Hiram gaw hpaga yumga hpung langai mi hpe Dawi hpang de shangun dat wu ai; shi gaw hkawhkam htingnu gap na matu nga nna marau hpun tawng ni, lasama ni hte nlung gaw ai ni hte hpawn Dawi hpe karum madi shadaw dat nga ai.

2 SAMUELA 6:17

De a matu ngu nna Dawi gap tawn ai Sum kata shi a shara ngu na kaw dai Sumpu hpe shanhte la shang wa nna tawn da ma ai. Dai hpang dai Madu a matu shagu hkungga hte mahku hkungga ni nawng jau ya ma ai.

2 SAMUELA 7:17

Nahtan gaw Karai Kasang shi hpe tsun hpaw dan sai shingran ga magup, Dawi hpe tsun dan wu ai.

1 HKAWHKAM 1:22

Hkawhkam hkaw de Nahtan du shang wa nga yang, Batsheba ga naw shaga nga ai.

1 HKAWHKAM 1:8

Rai ti mung hkinjawng Zadok, Yehoiada a kasha Benaia, myihtoi Nahtan, Shime, Rei hte Dawi hpe hkan sin ya ai ni gaw Adoniya a maga de n tsap nga ma ai.

1 HKAWHKAM 4:5

Ginwang mung du ni: Nahtan a kasha Azaria Hkawhkam wa hpe hpaji jaw ai wa: Nahtan a kasha hkinjawng Zabuda

1 HKAWHKAM 8:17

Shawlumon gaw matut nna, “Dai Madu Israela a Karai Kasang hpe nawku na matu htingnu langai gaw gap na lam nye wa Dawi maw mawn nga ti mung,

1 HKAWHKAM LABAU 14:1

Turu Hkawhkam Hiram gaw hpaga hpung langai mi hpe Dawi hpang de shangun dat wu ai; shi gaw hkawhkam htingnu gap na matu nga nna arit mailung tawng ni, lasama ni hte nlung gaw ai ni hte hpawn Dawi hpe karum madi shadaw dat wu ai.

1 HKAWHKAM LABAU 16:1

Shanhte gaw de a matu ngu nna Dawi hkyen tawn ai Sum kata, shi a shara ngu na kaw, dai Sumpu hpe la wa nna tawn da ma ai. Dai hpang shanhte gaw Karai Kasang hpe shagu hkungga hte mahku hkungga ni nawng ya ma ai.

1 HKAWHKAM LABAU 22:7

Dawi gaw shi hpe, “Sha e, dai Madu nye a Karai Kasang hpe shagrau sha-a na matu nta langai ngai galaw mayu nngai.

1 HKAWHKAM LABAU 29:29

Hkawhkam Dawi a labau npawt ndung mahkra hpe myihtoi masum rai nga ai Samuela, Nahtan hte Gad ni a laika ni hta ka matsing da nga ai.

2 HKAWHKAM LABAU 1:4

(Ga Shaka Sumpu hpe chyawm gaw Kiriat Yearim kaw nna shi hpai la wu ai rai nna de a matu Yerusalem mare hta Hkawhkam Dawi sharawt da ai Sum hta tawn da wu ai.)

2 HKAWHKAM LABAU 29:25

Dai hkawhkam wa gaw hkawhkam wa a myihtoi rai nga ai Gad hte myihtoi Nahtan yan a ga hku nna hkawhkam Dawi hpe dai Madu jaw ya ai Nawku Htingnu kata e tingse sumpyi, shupsheng ni hte,

2 HKAWHKAM LABAU 9:29

Ya naw ngam nga ai Shawlumon a labau npawt ndung hkren re ai lam hpe Myihtoi Nahtan a Labau Laika hta mung, Shilo mare na Myihtoi Ahiya a Laika hta mung, Israela Hkawhkam Yeroboam a lam lawm ai Myihtoi Ido a Shingran Laika ni hta ka matsing da nga ai.

SHAKAWN KUNGDAWN 132:2

Madu e, Dawi gaw, “Dai Madu a Nawku Htingnu ngu ai, dai Chyahtum Chyalai n-gun rawng ai Yaku a Karai Kasang a matu nta n gap ngut dingsa, nye a nta de wa na nngai n rai, yupku ntsa de ngai lung na n rai, ngai ban sa la na n rai, ngai yup la na n rai,” nga nna nang hpe shi dagam da ai ga sadi hte Chyahtum Chyalai n-gun rawng ai Yaku a Karai Kasang hpe, shi tawn da nu ai ga ndat hpe dum nga u.

PRU MAT 40:21

Dai hpang, shi gaw Sum kata e dai Sumpu hpe tawn nna nba grang hte grang da wu ai. Ndai zawn dai Madu hkang da sai hte maren, Ga Shaka Sumpu hpe shinggang da wu ai.

HAGI 1:4

“Nye a amyu masha ni e, nanhte gaw nye a Nawku Htingnu hten run taw nga ai aten hta kaja ai dum nta ni hta hpa majaw rawng nga myit ni?

YAWHAN 2:17

Dai shaloi shi a sape ni gaw, “Na a nta hta manoi ai nye a n ja n hpra myit gaw, nye a kraw lawang kata e wan zawn hkru nga ai,” nga nna ka da ai ga hpe dum ma ai.

KASA 7:46

Dawi chyawm gaw Karai Kasang a man e myi man pa ai rai nna Yaku a Karai Kasang shanu nga na shara langai mi galaw na ahkang jaw ya na matu Karai Kasang kaw hpyi wu ai.