2 SAMUELA 7:16 - Jinghpaw Common Language Bible 2009

¹⁶ Na a amyu matu mara ni tut nawng anga nga na mara ai; na a mungdan hpe htani htana agrin nga shangun na nngai. Na a magam tingnyang gaw galoi mung htum mat na ra ai n rai,’” ngu nna tsun wu ai.

Jinghpaw Hanson Version Bible

¹⁶ Na amyu matu hte na a mungdan chyawm gaw, na a man e dinggrin anga nga na ra ai: na a magam tingnyang mung htani htana dinggrin anga nga na ra ai, ngu u,” ngu wu ai.

2 SAMUELA 7:16 ပူးပေါင်းရင်းမြစ်များ

NINGPAWT NINGHPANG 49:10

Yuda gaw hkawhkam sumdoi lang lu na ra ai, Shi a amyu matu ni tut nawng a up nga na mara ai. Amyu baw ni shi hpe shagrau kumhpa jaw ai hte Shi a man e madat mara let gum dagup na mara ai.

2 SAMUELA 22:51

Karai Kasang gaw shi a hkawhkam wa hpe galu kaba ai awng padang jaw ya nga ai; shi gaw shi lata san da nu ai wa ngu ai, Dawi hte shi a amyu matu ni hpe htani htana dinggrin tsaw ra myit madun dan nga ai law.

2 SAMUELA 7:13

Shi mahtang she nye a matu htingnu gap ai wa rai na ra ai; shi a magam tingnyang hpe teng teng htani htana ngai shagrin da ya na we ai.

2 SAMUELA 7:17

Nahtan gaw Karai Kasang shi hpe tsun hpaw dan sai shingran ga magup, Dawi hpe tsun dan wu ai.

1 HKAWHKAM 2:4

Shi a ga hpe nang madat mara ndai rai yang, nye a amyu matu ni shi a hkang da ai ga ni hpe sadi sahka let shanhte a myit kraw lawang mahkra hte myit masin mahkra hte sadi let madat mara nga dingsa Israela mung hpe up hkang lu na rai nga ai, nga nna shi ngai hpe tsun da sai ga sadi hpe dai Madu shatup na rai wu ai.

1 HKAWHKAM 9:5

ngai gaw Israela mungdan tingnyang hta na a amyu matu kaw na langai mi matut manoi up hkang na ra ai, ngu nna na nwa Dawi hpe ga sadi tawn da ai hte maren, dai ga sadi hpe ngai hkan shatup nga na nngai.

2 HKAWHKAM 19:34

Ngai hkum nan a arawng sadang a matu mung, nye a shangun ma Dawi hpe ngai jaw da sai ga shaka a majaw mung, ndai mare hpe ngai bau sin makawp maga nga na we ai!”

2 HKAWHKAM 8:19

Rai ti mung dai Madu gaw shi a shangun ma Dawi hte shi a amyu matu ni tut nawng matut up nga mu ga, nga nna shi hte ga sadi tawn da nu ai majaw Yuda mung hpe n jahten kau mayu nga wu ai.

2 HKAWHKAM LABAU 6:16

Ya chyawm gaw Madu Israela a Karai Kasang e, shi sadi sahka hte galaw ai amu a majaw shanhte na a ga hpe madat mara hkan sa ai rai nna Israela hpe up hkang na hkawhkam shi a amyu matu ni hta na langai mi tut nawng paw pru na lam, nang shi hpe tsun let, nye wa hte ga sadi tawn da sai hpe mung, nang shatup na rai nga ndai.

YOBA 36:7

Shi gaw ding hpring ai ni hpe makawp maga nga ai; shi gaw shanhte hpe hkawhkam ni zawn up hkang lu na ahkang jaw wu ai hte htani htana shagrau sha-a ai hkrum shangun nga ai.

SHAKAWN KUNGDAWN 45:6

Karai Kasang nang hpe jaw ya nit dai mungdan gaw htani htana prat dingsa agrin nga na ra ai. Nang gaw na a amyu masha ni hpe teng man ai tara hte up hkang na ra ai rai nna,

SHAKAWN KUNGDAWN 72:5

Prat ban law law a matu du sa wa na, shu mashi shu masha ni, jan, shata, htoi nga dingsa, na a amyu masha ni nang hpe nawku daw jau lu mu ga.

SHAKAWN KUNGDAWN 89:4

‘Na a aru arat hpe tut nawng e, hkawhkam shatai da nna, na a hkawhkam amyu ni hpe htani htana shagrin da na nngai,’” nga nna tsun nit dai.

ESAIA 9:6

Anhte a matu kasha langai shangai sai! Anhte hpe shadang sha jaw mi ai! Shi gaw anhte a up hkang du tai na ra ai. Shi gaw, “Mauhpa Wa, Hpaji Daw Ai Wa, Chyahtum Chyalai N-gun Rawng Ai Karai Kasang, Htani Htana Kawa, Ngwi pyaw Sim Sa Ai A Hkawhkam Kasha,” ngu nna shamying hkrum na ra ai.

ESAIA 9:7

Shi a hkawseng daru magam n-gun gaw matut nna galu kaba wa na ra ai; shi a mungdan tut nawng ngwi pyaw sim sa na ra ai. Shi gaw Hkawhkam Dawi a hkringhtawng dagraw ai wa zawn up hkang nna, shi a daru magam n-gun gaw ding man ai hte teng man rap ra ai hta rudi nga ai rai nna, ya kaw nna jahtum ai aten du hkra agrin nga na ra ai. Chyahtum Chyalai N-gun rawng ai dai Madu gaw ndai amu yawng galaw na matu daw dan da nga sai.

YEREMIA 17:25

Dai hpang, Dawi hkam la lu ai hkawhkam daru magam n-gun hte maren, shanhte a hkawhkam ni hte hkawseng shadang sha ni Yerusalem mare chyinghka lam hku shang wa lu na mara ai. Yuda mung masha ni hte Yerusalem mare masha ni gaw rau sha gumra leng hte gumra ni a ntsa e jawn lu na mara ai; Yerusalem mare gaw amyu masha ni hte tut nawng hpring chyat nga na ra ai.

YEREMIA 33:17

Israela a hkawhkam hkaw dung na matu, Dawi a aru arat ni tut nawng e aprut nga na mara ai;

EZEKELA 37:25

Nye a shangun ma Yaku hpe ngai jaw da ai lamu ga ngu ai shanhte a kaji kawa ni shanu yu sai mungdan hta shanhte shanu nga na mara ai. Shanhte gaw dai mung e prat tup nga lu na mara ai. Shanhte a kasha ni mung kashu ni hte dai ni a aru arat matu mara ni yawng mung, dai mungdan hta htani htana prat dingsa shanu nga na mara ai. Nye a shangun ma Dawi hte bung ai hkawhkam wa gaw shanhte hpe htani htana prat dingsa up hkang na ra ai.

Daniela 2:44

Ndai mung du ni up hkang ai aten hta, sumsing lamu a Karai Kasang gaw galoi mung htum ngu n nga ai mungdan langai de da na ra ai. Dai gaw galoi mung ka-up la hkrum na ra ai n rai, rai ti mung dai gaw ndai hkawseng mungdan ni yawng hpe tsep kawp shamyit kau ai hpang e sha htani htana agrin nga na ra ai.

Daniela 7:14

Shi gaw ahkang aya, shagrau sha-a ai hte hkawhkam a daru magam jaw shagrau hkrum ai wa rai nna, amyu baw ni yawng a masha ni yawng mung, amyu bawsang ni hte ga amyu myu shaga ai ni yawng mung shi hpe daw jau na mara ai. Shi a ahkang aya gaw htani htana agrin nga nna, shi a mungdan htum mat na ra ai n rai.

MAHTE 16:18

Bai, nang hpe ngai tsun de ga, lunghkrung ngu ai lachyum pru ai Petru rai nga ndai hte dai lunghkrung ngu ai npawt nhpang ntsa e nye a hpung hpe ngai de da na we ai rai nna, si hkrung si htan pyi gaw dai hpe dang kau lu na n rai.

YAWHAN 12:34

Shing nga ai majaw shawa masha ni gaw, “Meshia gaw htani htana asak hkrung nga na ra ai, nga nna she anhte a Tara laika hta anhte hpe tsun da mi ai. Dai rai yang, Meshia gaw sharawt da ai hkrum lu na ra ai, ngu nna nang kaning ngu tsun lu n ta? Masha Kasha dai gaw kadai wa mi rai ta?,” ngu nna shi hpe htan mu ai.

HEBRE 1:8

Bai Kasha wa a lam tsun ai shaloi chyawm gaw, Karai Kasang gaw, “Karai Wa e, na mungdan htani htana anga nga na ra ai! Nang gaw na amyu masha ni hpe tara rap ra ai hku up hkang ndai.

SHINGRAN 11:15

Dai hpang sanit ngu na lamu kasa gaw shi a pahtau dum dat wu ai. Shaloi sumsing lamu hta e nsen kaba ngoi pru wa ai gaw, “Mungkan ga na mungdan hpe up na ahkang aya gaw, anhte a Madu Meshia a lata de rai nga sai rai nna, shi gaw htani htana prat dingsa e a up nga na sai law!,” nga nna tsun nga ai.

1 SAMUELA 25:28

Madu e, chyeju hte ngai galaw shut kau sai mara ni hpe raw dat ya e law. Nang chyawm gaw nang hkrung nga ai hte yang, n hkru ai amu hpa mung n galaw nga ndai hte shi a majan ni hpe nang gasat ya nga ndai majaw dai Madu gaw nang hpe mung, na a matu mara ni hpe mung hkawhkam shatai na ra ai.