2 SAMUELA 7:1 - Jinghpaw Common Language Bible 2009

¹ Dai Madu gaw shi a gumlau hpyen ni yawng a lata na shi hpe shim lum hkra bau sin nga ai rai nna shi a hkawhkam htingnu e Hkawhkam Dawi nga nga wu ai.

Jinghpaw Hanson Version Bible

¹ Ya Hkawhkam wa gaw jut magup na masha hpyen ni yawng a lata na, Yehowa a hkye la ai chyeju lu la nna, shi a hkaw e ban sa lu ai shaloi,

2 SAMUELA 7:1 ပူးပေါင်းရင်းမြစ်များ

2 SAMUELA 5:11

Turu Hkawhkam Hiram gaw hpaga yumga hpung langai mi hpe Dawi hpang de shangun dat wu ai; shi gaw hkawhkam htingnu gap na matu nga nna marau hpun tawng ni, lasama ni hte nlung gaw ai ni hte hpawn Dawi hpe karum madi shadaw dat nga ai.

2 SAMUELA 6:23

Shawlu a shayi sha Mihkala chyawm gaw kashu kasha langai mi mung n lu nga ai.

1 HKAWHKAM 5:4

Rai ti mung, ya chyawm gaw nye a mungdan lamu ga jarit yawng hkan du hkra ngwi pyaw sim sa nga ai lam dai Madu nye a Karai Kasang ngai hpe jaw ya ni ai. Ngai hta gumlau hpyen ni n nga, hkrit hpa gasat gala lam mung n nga mat sai.

1 HKAWHKAM LABAU 22:6

Shi gaw shi a kasha Shawlumon hpe shaga la nna dai Madu Israela a Karai Kasang a matu Nawku Htingnu langai galaw na lam shi hpe hkang da wu ai.

1 HKAWHKAM LABAU 22:7

Dawi gaw shi hpe, “Sha e, dai Madu nye a Karai Kasang hpe shagrau sha-a na matu nta langai ngai galaw mayu nngai.

1 HKAWHKAM LABAU 28:2

Dawi gaw shanhte a man e sa tsap nhtawm ning ngu nna tsun wu ai: “Nye a mung masha ni e, nye a ga madat mu. Ga Shaka Sumpu htani htana shanu nga na nta hte dai Madu anhte a Karai Kasang a lagaw kabye lahkum hpe galaw na ngai ra sharawng nga nngai. Shi hpe shagrau sha-a na Nawku Htingnu langai gaw gap na matu ngai hkyen lajang da ni ai;

2 HKAWHKAM LABAU 14:6

Dai Madu gaw shi hpe ngwi pyaw sim sa lam jaw ya wu ai majaw Yuda mung na mare ni hpe mung bunghku kum let shi woi de nga ai rai nna dai aten laman hte yang shaning law law majan n nga nga ai.

2 HKAWHKAM LABAU 20:30

Dai rai nna Karai Kasang gaw Yehoshahpat hpe lam maga shagu shim lum ai lam jaw ya wu ai rai nna shi mung ngwi pyaw sim sa ai hte up hkang nga wu ai.

SHAKAWN KUNGDAWN 18:1

Madu e, nang hpe ngai kade wa tsaw ra nga a hka! Nang gaw ngai hpe makawp maga ai wa rai nga ndai.

GA SHAGAWP 16:7

Nang gaw dai Madu hta awng sharawng nga ai rai yang, na a gumlau hpyen wa hpe nang jinghku shatai la lu nga ai.

MAHTE 25:16

Shaloi jang gumhpraw joi manga lu ai wa gaw pru sa nna, dai hte hpaga ga wu yang, kaga joi manga myat la nu ai.

KASA 7:46

Dawi chyawm gaw Karai Kasang a man e myi man pa ai rai nna Yaku a Karai Kasang shanu nga na shara langai mi galaw na ahkang jaw ya na matu Karai Kasang kaw hpyi wu ai.

YAWSHU 21:44

Shanhte a kaji kawa ni hpe ga sadi jaw da sai hte maren, mungdan ting hta ngwi pyaw sim sa nga na lam, dai Madu gaw shanhte hpe jaw nu ai. Dai Madu nan Israela kashu kasha ni shanhte a gumlau hpyen ni yawng hpe dang manga kau lu ai awng padang jaw ya nu ai majaw gumlau hpyen ni kadai mung n rawt tsap lu nga ma ai.

YAWSHU 23:1

Ya aten ram ram na mat ai hpang, dai Madu mung shanhte a grup yin hta nga ai gumlau hpyen ni a sharu shatsang ai lam hta na shim lum ai lam Israela hpe jaw ya wu ai. Dai aten hta Yawshu gaw grai dingla wa nu ai rai nna,