2 SAMUELA 6:9 - Jinghpaw Common Language Bible 2009

⁹ Dawi mung dai Madu hpe hkrit wu ai rai nna, “Ya ndai Ga Shaka Sumpu ngai hte rau kaning rai la wa na i?,” ngu nna tsun wu ai.

Jinghpaw Hanson Version Bible

⁹ Dai shani e Dawi gaw Yehowa hpe hkrit nna, “Yehowa a sumpu ngai kaw kaning rai du lu na i?” Nga ai.

2 SAMUELA 6:9 ပူးပေါင်းရင်းမြစ်များ

2 SAMUELA 6:8

shara dai hpe dai ni du hkra Pere Uza ngu nna shamying da ma ai. Dai Madu gaw Uza hpe masin pawt nna ari jaw kau nu ai majaw Dawi mung masin kahtet mat wu ai.

1 HKAWHKAM 8:27

“Rai ti mung, O Karai Kasang e, nang gaw ginding aga ntsa e teng teng shanu nga lu na kun? Sumsing lamu yawng pyi nang hpe sharawng da lu na daram kaba nga ai n rai; dai rai yang, ngai gap da ai ndai Nawku Htingnu gaw kaning rai kaba ram lu na rai nga a ta?

SHAKAWN KUNGDAWN 119:120

Na a majaw, ngai hkrit gari nga nngai, na a tara dara ai lam ni a majaw, ngai hta hkrit kamyin ai myit hpring nga nngai.

ESAIA 6:5

Ngai gaw, “Nye a matu myit mada shara n nga sahka! Nye a nten kaw nna pru ai ga hkum shagu gaw yubak ga ni rai nna, ga hkum shagu yubak ga tsun shaga ai amyu masha ni a lapran e ngai nga nga nngai majaw, ngai gaw dingnye hkrum nga nngai. Ti mung, nye myi hte chyaw, Chyahtum Chyalai N-gun rawng ai dai Madu Hkawhkam wa hpe ngai mu se ai.

MAHTE 25:25

Dai rai nna ngai hkrit ai hte, ngai sa nna na a gumhpraw hpe ga hta lup da we ai. Yu u! Na a arai ni nang e naw nga nga lit dai,’ ngu wu ai.

1 PETRU 3:6

Sara mung dai hte maren galaw wu ai; shi gaw Abraham hpe madat mara nga let Abraham hpe shi a madu ngu nna gang shaga wu ai. Nanhte gaw hpa hpe mung n hkrit n kang ai sha mai kaja ai amu galaw nga myit yang gaw nanhte gaw ya Sara a shayi sha ni rai nga manit dai.

1 SAMUELA 6:20

Dai rai nna, Bet Sheme masha ni gaw, “Ndai chyoi pra ai Madu Karai Kasang a man e, kadai wa tsap lu nga a ta? Anhte kaw nna shi hpe gara shara de anhte shangun dat lu na rai nga ga ta?,” ngu nna tsun ma ai.