2 SAMUELA 6:5 - Jinghpaw Common Language Bible 2009

⁵ Dawi hte Israela masha ni yawng gaw dai Madu hpe shagrau sha-a na nga, n-gun lagaw mahkra hte ka manawt let mahkawn shakawn nga ma ai. Shanhte gaw dawraw sumpyi, tingse, chying, doria hte shupsheng ni hte dum shapyaw nga ma ai.

Jinghpaw Hanson Version Bible

⁵ Dawi hte Israela amyu masha ni nlang hte gaw, marau sumpyi, tingse, doria, shupsheng, chying hte pahke amyu myu lang nna Yehowa man e dum shaja let sa wa nga ma ai.

2 SAMUELA 6:5 ပူးပေါင်းရင်းမြစ်များ

2 HKAWHKAM 3:15

Ya chyawm gaw tingse chye dum ai masha langai mi ngai hpang de shaga wa marit,” ngu nna htan wu ai. Ya tingse dum ai wa dum dat yang, dai Madu a daru magam n-gun gaw Elisha a ntsa e du sa nga ai rai nna,

1 HKAWHKAM LABAU 13:8

Dawi hte amyu masha ni yawng Karai Kasang hpe shagrau sha-a na nga, shanhte a n-gun lagaw mahkra hte ka manawt nga ma ai. Shanhte gaw mahkawn mangoi ni hte tingse, doria, chying, shupsheng hte pahtau ni hpe dum ma ai.

1 HKAWHKAM LABAU 15:28

Dai rai nna Israela masha ni yawng kabu gara jahtau garu let pahke, pahtau hte shupsheng ni dum ai hte tingse, doria ni hpe shangoi nhtawm Ga Shaka Sumpu a hpang hkan gumbawm nang let Yerusalem mare de hpai lung wa ma ai.

2 HKAWHKAM LABAU 20:28

Shanhte gaw mare de du wa ai shaloi tingse sumpyi hte pahtau ni hpe dum let, mare na Nawku Htingnu de du wa ma ai.

SHAKAWN KUNGDAWN 47:5

Karai Kasang gaw shi a tingnyang de lung nga ai. Dai Madu lung wa yang, kabu gara jahtau garu ai nsen hte pahtau dum ai nsen ni hpe na lu nga ai.

Daniela 3:10

Madum sumpyi dum hpang dat ai shaloi jang, kadai mung ja hkrang sumla hpe gum dagup let nawku lu na rai nga ai,

Daniela 3:15

Ya chyawm gaw, nanhte dai pahke, tingse, sumpyi chyingbau, dawraw hte kaga madum sumpyi ni yawng dum ai nsen na ai hte rau hkrang sumla hpe gum dagup let nawku na rai myit dai. Dai zawn n galaw ai rai yang, nanhte hpe grung nga ai wan htung de kalang lata kabai bang kau ai hkrum na marin dai. Nanhte hpe hkye hkrang la lu ai kaga karai naw nga ai zawn nawn da nga myit ni?,” ngu nna tsun wu ai.

Daniela 3:5

Nanhte gaw pahtau nsen hte rau pahke, tingse, sumpyi, chyingbau hte dawraw hkan dum nang ai nsen ni hpe na lu na rai myit dai. Dai madum sumpyi ni hpe dum hpang dat ai shaloi jang, Hkawhkam Nebuhkadneza shadun da ai hkrang sumla hpe nanhte gum dagup nna nawku lu na rai myit dai.

Daniela 3:7

Dai rai nna shanhte gaw dai madum sumpyi nsen na ai shaloi jang, masha amyu baw ni, amyu bawsang ni hte ga amyu myu shaga ai ni gaw Hkawhkam Nebuhkadneza shadun da nu ai ja hkrang sumla hpe gum dagup let nawku ma ai.

AMO LAIKA (AMOS) 5:23

Garu kachyi nga ai nanhte a mahkawn mangoi hpe jasim kau mu; nanhte dum ai tingse nsen hpe ngai madat mayu nngai n rai.

AMO LAIKA (AMOS) 6:5

Nanhte gaw Dawi galaw sai zawn mahkawn mangoi ka shagawp na hte tingse sumpyi dum na ra sharawng nga myit dai.

1 SAMUELA 10:5

Dai hpang, Hpilisti dap nga ai Gibea shara na Karai Kasang a kawng de nang sa wa na rai ndai. Shing rai mare chyinghka e, sumpyi dawraw, chying bau, larung sumhkran hte tingse ni hpe dum let kawng ntsa hta nga ai tawn hkungri na yu wa ai myihtoi hpung mi hte nang hkrum na rai ndai. Shanhte gaw ka manawt let jahtau garu na mara ai.

1 SAMUELA 16:16

Dai re ai majaw, Madu e, tingse atsawm sha dum shapyaw chye ai masha langai mi tam na ahkang jaw mi. Dai n hkru ai wenyi nang kaw du ai shaloi, dai wa shi a tingse dum ai majaw nang bai bran wa lu na rai ndai,” ngu nna tsun ma ai.