2 SAMUELA 6:22 - Jinghpaw Common Language Bible 2009

²² ya na hta grau nna pyi, nye hkum hpe sari jahpoi kau na we ai. Ngai hpa n rai nga nngai ngu nna nang sawn la mai na ndai; rai ti mung dai numsha ni chyawm gaw ngai hpe shagrau shatsaw na she myit na mara ai.

Jinghpaw Hanson Version Bible

²² Dai hta grau nna pyi ngai naw shayuk n ga; ngai dai ngai, nye hkum hpe grau naw shagrit na we ai: nang tsun ai, mayam num ni chyawm gaw, ngai e naw shakawn na ma ai,” ngu nna Mihkala hpe htan wu ai.

2 SAMUELA 6:22 ပူးပေါင်းရင်းမြစ်များ

NINGPAWT NINGHPANG 32:10

Na a shangun ma wa, ngai gaw nang madun dan sai matsan dum ai chyeju hte sadi sahka lam mahkra hte n ging n dan la nga nngai. Nye a dawhkrawng langai mi hte sha, ndai Yawdan hka hpe rap di nngai; ya chyawm gaw ndai hpung lahkawng hte ngai nhtang wa ni ai.

2 SAMUELA 6:21

Dawi chyawm gaw, “Na nwa hte shi a dinghku masha ni a malai Israela amyu masha ni a ningbaw ngai hpe tai shangun na nga, ngai hpe lata la sai dai Madu hpe shagrau sha-a na matu she, ngai ka nngai. Dai Madu hpe shagrau sha-a na matu matut nna ngai ka na we ai;

2 SAMUELA 6:23

Shawlu a shayi sha Mihkala chyawm gaw kashu kasha langai mi mung n lu nga ai.

YOBA 42:6

Dai rai nna, ngai tsun kau sai lam yawng mayawng a majaw kaya hkrum nga nngai; shing rai ga nhpu hte wan dap hte bun nna myit malai lu nngai.

SHAKAWN KUNGDAWN 131:1

Madu e, ngai gaw nye a gumrawng gumtawng ai myit hpe kau da ni ai; nye a myit tsaw myit dap rawng ai akyang kaw nna mung kayin kau da ni ai. Ngai gaw kaba la ai amu ni hta na mung, nye a matu chye na na, nau wa yak la ai amu lamang ni hpe mung ngai myit n lawm nga nngai.

ESAIA 50:6

Ngai hpe kayat ai ni hpe nye a shingma shakrin ja ya nngai. Shanhte ngai hpe n kaw n law di nna, nye a nhka mun ni hpe gang baw ai hte nye a myi man hpe mayen mahtaw bun ai shaloi, ngai shanhte hpe jahkring we ai n rai.

ESAIA 51:7

“Teng man ai amu hpe chye nna nye a sharin achyin ga hpe na a myit masin ni hta kyem da ai wa e, nye a ga madat u. Amyu masha ni nang hpe ashu nna n kaw n law di yang, hkum hkrit et;

MARKU 14:66

Petru chyawm gaw dai wang kata de naw nga nga ai rai nna, Hkinjawng Agyi Kaba wa a nchyang numsha ni hta langai mi shi a makau de sa du ai.

1 TIMOHTI 1:15

Yubak kap ai ni hpe hkye hkrang la na matu Hkristu Yesu gaw mungkan ga de du sa ai nga ai ga gaw, tup hkrak hkap la nna kam sham ging ai teng man kangka re ai ga nan rai nga ai. Dai yubak kap ai ni hta ngai mahtang kaba htum ai wa rai nga nngai.

HEBRE 12:2

Anhte a makam masham hpe npawt ndung hkren jahkum shatsup ya ai wa Yesu hpe azi yu nga ga, Madu gaw shi hkam la na rai nga ai shi hpe ala nga ai dai kabu gara ai lam a majaw, dai wudang hta si hkam ai kaya kahpa hpe hpa zawn n nawn ai sha wudang lam hpe lata la nna ya Karai Kasang a tingnyang hkra maga de wa dung nga sai.

1 PETRU 4:14

Nanhte Hkristu a hpang hkan nang ai ni re ai majaw roi asawng ai hkrum myit yang nanhte a lu myit dai. Dai gaw hpung shingkang rawng ai wenyi ngu ai Karai Kasang a wenyi gaw nanhte hta e shanu nga ai lachyum rai nga ai.

1 PETRU 5:6

Dai re ai majaw Karai Kasang gaw shi a ram ging hkrak dum ai aten du jang nanhte hpe shagrau shatsaw dat myit ga, Karai Kasang a n-gun atsam rawng ai lata a npu e nanhte a hkum hpe shagrit shanem nna nga mu.

1 SAMUELA 2:30

Na a dinghku hte na a lakung lama ni hkinjawng ni zawn prat tup ngai hpe daw jau lu mu ga ngu, dai MaduIsraela a Karai Kasang ngai nan lai sai prat ni hta ga sadi tawn da ni ai. Rai ti mung ya chyawm gaw dai ga sadi galoi mung grin sana n rai nga sai hpe ngai tsun nga nngai! Shing rai na malai, ngai hpe shagrau sha-a ai ni hpe ngai shagrau sha-a na nngai; ngai hpe n kaw n law re ai ni hpe ngai mung n gawn n sawn di kau na we ai.