2 SAMUELA 6:20 - Jinghpaw Common Language Bible 2009

²⁰ Dai hpang Dawi gaw shi a nta masha ni hpe shakram la na nga, nta de shang wa wu yang, Mihkala pru wa nhtawm shi hpe hkap tau la wu ai. Shi gaw, “Dai ni na nhtoi hta Israela hkawhkam gaw shi hkum a matu amying kaba dan hkung hkra galaw kau nu hka! Shi gaw shi a hkum hpe shi a du salang ni a shangun ma numsha ni a man e mana langai zawn madun dan nga nu hka!,” ngu nna tsun wu ai.

Jinghpaw Hanson Version Bible

²⁰ Bai Dawi gaw shi a hkaw nhku na ni hpe shaman ya na nga, wa nna du jang, Shawlu a kasha Mihkala gaw hkap tau hkra rai nna, Dawi hpe, “myit n rawng ai, kaya kahpa n chye hkra hkra, tinang hpun palawng pyi n mazang ai, tinang a ali ama ni a mayam num ni a man e labu hpaw rawng ai, Israela a hkawhkam wa, dai ni arawng gade wa kaba sahka!” Ngu wu ai.

2 SAMUELA 6:20 ပူးပေါင်းရင်းမြစ်များ

NINGPAWT NINGHPANG 18:19

Abraham gaw shi a shadang sha ni hte shi a matu mara ni nye a ga hpe madat mara nna ding hpring teng man ai amu hpe galaw ai lam hta shi hkang lu na matu ngai shi hpe lata la ni ai. Shanhte hkan shatup ai rai yang, nye a ga sadi hte maren, shi a matu lam shagu hpe ngai shadik ya na nngai,” ngu nna shi kraw e tsun wu ai.

2 SAMUELA 6:14

Dawi mung shi a nshang grup hta sha, lachyit sumpan hpun da nna dai Madu hpe shagrau sha-a na nga shi a n-gun lagaw mahkra hte ka manawt nga ai.

2 SAMUELA 6:16

Dai Sumpu hpe mare kata de la shang wa nga ma yang, Shawlu a shayi sha Mihkala gaw hkuwawt hku mada yu wu ai, shaloi Hkawhkam Dawi gaw chyoi pra ka manawt hte gumlawt wa nga ai hpe mu wu ai rai nna hkyet yu sharung da wu ai.

2 SAMUELA 6:18

Shi shagu hkungga ni nawng ya ngut jang, Chyahtum Chyalai N-gun rawng ai dai Madu a mying ningsang hta amyu masha ni hpe shi shaman ya mu ai hte,

2 SAMUELA 6:19

shanhte yawng hpe lusha karan jaw wu ai. Israela mung na numsha, lasha shagu hte hpe muk pa pa, shan tau hkyep hkyep hte sabyi si jahkraw loi loi jaw wu ai. Dai hpang masha shagu tinang nang a nta de wa mat wa ma ai.

1 HKAWHKAM LABAU 16:43

Dai hpang masha shagu gaw dum nta de wa mat shajang ma ai; Dawi mung shi a dinghku masha ni hte wa hkrum chyai na nga nta de wa mat wa wu ai.

YOBA 30:8

Kadai mung shanhte a mying n chye ya lu ai masha angawk hpung mi rai nga ma hka! Shanhte gaw mungdan kaw nna jahtaw kau hkrum nga ma ai.

SHAKAWN KUNGDAWN 101:2

Nye a sat lawat ni mara n kap na ra ai. Nang ngai kaw galoi aten e, du sa wa na n ni? Ngai gaw nye a nta hta san seng ai asak hkrun lam hte shanu nga na nngai;

SHAKAWN KUNGDAWN 30:1

Madu e, nang ngai hpe hkye hkrang la nit dai, nye a gumlau hpyen ni ngai hpe dang kau ai kaw na, nang ngai hpe makawp maga la nit dai majaw, ngai nang hpe shakawn nngai.

HPAJI NINGLI 7:17

Rai ti mung, nau wa n tara ai hku hkum rai et, nau wa angawk ai hku mung hkum rai et. Aten garai n du yang hpa majaw si mayu n ta?

MARKU 14:66

Petru chyawm gaw dai wang kata de naw nga nga ai rai nna, Hkinjawng Agyi Kaba wa a nchyang numsha ni hta langai mi shi a makau de sa du ai.

MARKU 3:21

Masha nkau mi, “Yesu myit n gring mat sai!,” nga nna tsun shajang nga ma ai hpe shi a nta masha ni na ma ai shaloi, shanhte shi hpe woi la nna gawn lajang na matu pru sa wa ma ai.

YAWHAN 13:6

Shing rai Simun Petru kaw du yang, dai wa gaw, “Madu e, nang wa mi ting nye a lagaw kashin na n ni?,” hkap ngu wu ai.

YAWSHU 24:15

Nanhte shi hpe daw jau na n ra sharawng myit yang chyawm gaw Mesopotamia mung e nanhte a nji nwa ni nawku ai hpara ni, shing n rai ya nanhte nga nga ai mung na Amori hpara ni hta gara hpe mahtang jaw jau na gaw, dai ni jang daw dan la mu. Ngai hte nye a nta masha ni chyawm gaw dai Madu hpe nawku daw jau na ga ai law,” ngu nna tsun wu ai.

TARA AGYI 9:4

Shanhte gaw shi hpe Bala Ga Shaka htingnu kaw na gumhpraw sanit shi shaw ya dat ma ai rai nna gumhpraw dai hte shi matut mahkai na masha gumbyak hpung mi hpe saw la wu ai.

1 SAMUELA 14:49

Shawlu a shadang sha ni gaw Yonahtan, Ishwi, hte Mahkishua hte rai ma ai. Shi a shayi sha kaba wa hpe Merab ngu shamying nna kanau hpe Mihkala ngu shamying nga ai.

1 SAMUELA 18:20

Shawlu a shayi sha Mihkala chyawm gaw Dawi hpe tsaw ra da wu ai; dai lam hpe Shawlu na jang kabu nga ai.