2 SAMUELA 6:2 - Jinghpaw Common Language Bible 2009

² singkaw tu ai hkrung kanu ni a ntsa e dung ai dai Chyahtum Chyalai N-gun Rawng ai dai Madu a mying ningsang mying ai Karai Kasang a Ga Shaka Sumpu hpe sa htawt la na matu Yuda mung Bala mare de shanhte hpe woi sa wa wu ai.

Jinghpaw Hanson Version Bible

² Shing rai Dawi rawt nna, shi kaw na masha ni nlang hte rau, Hkerubim ntsa e dung ai, zaw nawng zaw wa up ai, Yehowa Amying ningsang mying ai Karai Kasang a sumpu hpe, Bale-Yuda mare na htawt la na, sa wa ma ai.

2 SAMUELA 6:2 ပူးပေါင်းရင်းမြစ်များ

2 SAMUELA 22:11

Singkaw tu ai hkrung kanu a ntsa e chyang ai hte pyen hkawm nhtawm; nbung a singkaw ntsa e shi hkawm sa nga ai.

SHAKAWN KUNGDAWN 80:1

Israela amyu masha ni a Sagu Rem Wa e, anhte hpe madat ya mi; sagu hpung ni a ningbaw wa e, anhte hpe na ya mi. Singkaw tu ai hkrung kanu ni a ntsa na, na a tingnyang hta dung nga ai wa e,

SHAKAWN KUNGDAWN 99:1

Dai Madu gaw Hkawhkam rai nga ai, amyu masha ni hkrit gari nga ma ai. Shi gaw singkaw tu ai hkrung kanu ni a ntsa na, shi a tingnyang ntsa e dung nga ai, ginding aga gaw ashun awam nga ai.

ESAIA 47:4

Israela a chyoi pra ai Karai Kasang gaw anhte hpe shalawt mi ai, shi a amying gaw Chyahtum Chyalai N-gun rawng ai dai Madu rai nga ai.

ESAIA 54:5

Na a Hpan madu gaw na a matu madu wa zawn tai na ra ai- Chyahtum Chyalai N-gun rawng ai dai Madu gaw shi a mying rai nga ai. Israela a chyoi pra ai Karai Kasang gaw nang hpe hkye la na ra ai- shi gaw mungkan ga ting a up hkang du wa rai nga ai.

YAWSHU 15:60

Kiriat Bala (shing n rai Kiriat Yarim) hte Raba rai nga ai. Kahtawng ni hte hpawn mare lahkawng rai nga ai.

1 PETRU 1:12

Shanhte shachyen nga ai hkaw tsun ai amu gaw shanhte a akyu ara a matu n rai; nanhte a matu rai nga ai lam Karai Kasang gaw ndai myihtoi ni hpe shadan dan manu ai. Nanhte hpang de dai Kabu Gara Shiga la sa wa ai ni gaw dai myihtoi ni tau hkrau nna hkaw tsun ai ni hpe sumsing lamu kaw nna shangun dat ai Chyoi Pra ai Wenyi a n-gun atsam hte nanhte hpe tsun madun dan ai majaw nanhte na lu manit dai. Ndai lam hpe lamu kasa ni pyi chye na mayu ma ai.

1 SAMUELA 4:4

Shanhte gaw Shilo de kasa ni hpe shangun dat nhtawm singkaw tu ai hkrung kanu ntsa e dung ai Chyahtum Chyalai N-gun rawng ai dai Madu a Ga Shaka Sumpu hpe la sa ma ai. Eli a kasha Hopni hte Hpineha yan mung dai Ga Shaka Sumpu hte rau hkan sa wa ma ai.

1 SAMUELA 6:21

Shanhte gaw Kiriat Yarim masha ni hpang de kasa ni hpe shangun dat nhtawm, “Hpilisti masha ni dai Madu a Ga Shaka Sumpu hpe bai nhtang ya masai. Dai hpe yu sa nna sa la manu,” ngu nna htet dat ma ai.

1 SAMUELA 7:1

Kiriat Yarim masha ni mung dai Madu a Ga Shaka Sumpu hpe la nhtawm bum ga e nga ai Abinadab mying ai wa a nta de dai hpe jashawn da ma ai. Shanhte gaw dai hpe yu hpareng na matu dai wa a kasha Eleaza hpe shachyoi shapra ap da ya ma ai.