2 SAMUELA 6:18 - Jinghpaw Common Language Bible 2009

¹⁸ Shi shagu hkungga ni nawng ya ngut jang, Chyahtum Chyalai N-gun rawng ai dai Madu a mying ningsang hta amyu masha ni hpe shi shaman ya mu ai hte,

Jinghpaw Hanson Version Bible

¹⁸ Dai wan nat hkungga hte mahku hkungga jau nawng ai amu ngut jang, Dawi gaw, zaw nawng zaw wa up ai Yehowa a Mying ningsang gang nna, shawa masha ni hpe shaman ya mu ai.

2 SAMUELA 6:18 ပူးပေါင်းရင်းမြစ်များ

NINGPAWT NINGHPANG 14:19

shi hpe shaman ya let, “Sumsing lamu hte ginding aga hpe hpan da ai dai Tsaw Htum ai Karai Kasang gaw Abram hpe shaman ya u ga!

2 SAMUELA 6:19

shanhte yawng hpe lusha karan jaw wu ai. Israela mung na numsha, lasha shagu hte hpe muk pa pa, shan tau hkyep hkyep hte sabyi si jahkraw loi loi jaw wu ai. Dai hpang masha shagu tinang nang a nta de wa mat wa ma ai.

1 HKAWHKAM 8:14

Dai yang e amyu masha ni tsap nga ma yang, Hkawhkam Shawlumon shanhte hpang de myi man kayin nhtawm shanhte a ntsa Karai Kasang a chyeju shaman ya na matu hpyi ya wu ai.

1 HKAWHKAM 8:15

Shi gaw, “Dai Madu Israela a Karai Kasang hpe shakawn mu! Nye wa Dawi hta shi tawn da ai ga sadi hpe shadik shatup na nga,

1 HKAWHKAM 8:55

Dai yang e zup hpawng ai amyu masha ni yawng a matu, nsen ja ja hte Karai Kasang a shaman chyeju ni hpe hpyi wu ai. Shaloi shi gaw,

1 HKAWHKAM LABAU 16:2

Dawi gaw shagu hkungga ni hpe nawng jau ngut jang, dai Madu a mying ningsang hta amyu masha ni hpe shi shaman ya nhtawm,

2 HKAWHKAM LABAU 30:27

Hkinjawng ni hte Lewi masha ni gaw amyu masha ni a matu dai Madu a shaman chyeju shaman ya na matu nga, hpyi nem ya nga ma ai. Sumsing lamu na shi a nta hta shanhte a akyu hpyi ga ni hpe Karai Kasang na ya ai hte hkap la nga ai.

2 HKAWHKAM LABAU 31:8

Hkawhkam Hezekia hte shi a du salang ni gaw kade daram sa jaw da nga masai sumpum hpe sa mu jang, dai Madu hte Israela masha ni hpe shanhte shakawn kungdawn ma ai.

2 HKAWHKAM LABAU 6:3

Israela amyu masha ni yawng dai yang e tsap nga ma yang, hkawhkam wa gaw shanhte hpang de myi man yawng nhtawm shanhte a ntsa e Karai Kasang a chyeju shaman ya na matu hpyi ya wu ai.

SHAKAWN KUNGDAWN 129:8

“Dai Madu gaw nanhte hpe shaman ya nga u ga, dai Madu a mying nsang hte anhte nanhte hpe shaman ya ga ai,” nga nna lai hprang masha ni kadai mung n tsun na mara ai.

PRU MAT 39:43

Mawshe gaw dai amu shagu hpe jep yu nna dai Madu hkang da sai hte maren, amu yawng mayawng hpe shanhte galaw shangut da masai hpe mu wu ai shaloi, Mawshe gaw shanhte hpe shaman ya wu ai.

KASA 3:26

Dai rai nna nanhte langai hte langai tinang a n hkru n shawp ai lam ni hta na myit malai kayin wa ai hte shaman chyeju hkam la lu mu ga nga Karai Kasang gaw shi a shangun ma hpe paw pru shangun ai hte nanhte hpang de shawng shangun dat ya sai,” ngu nna tsun mu ai.

YAWSHU 22:6

Yawshu mung ndai shaman ga hte shanhte hpe, “Nanhte gaw grai sut su nhtawm yam nga law law, aja gumhpraw, magri mang, hpri hte hpun palawng law law hte dum nta de nhtang wa na rai myit dai. Nanhte a gumlau hpyen ni kaw na lu la ai arung arai ni hpe nanhte a hpu nau amyu bawsang ni hte karan la mu,” ngu nna dum nta de dat dat wu ai. Dai hpang, shanhte mung tinang a dum nta buga de pru mat wa shajang ma ai. Mawshe gaw Yawdan hka a sinpraw hkran na lamu ga, Manashe amyu bawsang chyen mi hpe jaw nu ai; rai ti mung Yawshu gaw Yawdan hka a sinna hkran na lamu ga hpe kaga amyu bawsang ni hte hpawn kaga ka-ang hkup jaw ya wu ai.