2 SAMUELA 6:16 - Jinghpaw Common Language Bible 2009

¹⁶ Dai Sumpu hpe mare kata de la shang wa nga ma yang, Shawlu a shayi sha Mihkala gaw hkuwawt hku mada yu wu ai, shaloi Hkawhkam Dawi gaw chyoi pra ka manawt hte gumlawt wa nga ai hpe mu wu ai rai nna hkyet yu sharung da wu ai.

Jinghpaw Hanson Version Bible

¹⁶ Ya Yehowa a sumpu Dawi mare de shang wa nga yang, Shawlu a kasha Mihkala gaw hkuwawt hku mada yu nna, hkawhkam Dawi Yehowa man e ka let manawt let, wa ai mu wu jang, shi hpe hkyet yu rung wu ai.

2 SAMUELA 6:16 ပူးပေါင်းရင်းမြစ်များ

2 SAMUELA 3:14

Dawi mung Ishboshet hpang de kasa shangun dat nhtawm, “Nye a madu jan Mihkala hpe ap ya mi. Shi hpe hkungran la na matu Hpilisti masha ni a hpyi matu latsa hte ngai mari la ni ai,” ngu nna tsun shangun dat wu ai.

2 SAMUELA 5:7

(Rai ti mung Dawi gaw shanhte a Ziun hpyen dap hpe gasat dang la kau nna, dai hpe Dawi a Mare ngu nna shamying da nga sai.”)

2 SAMUELA 6:15

Shing rai shi hte Israela masha ni yawng garu jahtau ai hte pahtau dum let Ga Shaka Sumpu hpe Yerusalem mare de la wa wu ai.

2 SAMUELA 6:20

Dai hpang Dawi gaw shi a nta masha ni hpe shakram la na nga, nta de shang wa wu yang, Mihkala pru wa nhtawm shi hpe hkap tau la wu ai. Shi gaw, “Dai ni na nhtoi hta Israela hkawhkam gaw shi hkum a matu amying kaba dan hkung hkra galaw kau nu hka! Shi gaw shi a hkum hpe shi a du salang ni a shangun ma numsha ni a man e mana langai zawn madun dan nga nu hka!,” ngu nna tsun wu ai.

1 HKAWHKAM LABAU 15:29

Ya mare kata de dai Sumpu la shang wa nga ma yang, Shawlu a shayi sha Mihkala gaw hkuwawt hku nna mada yu dat wu ai shaloi, Hkawhkam Dawi gaw kabu gara ai hte ka manawt nna gumlawt nga ai hpe mu wu ai majaw, shi hpe hkyet yu rung da wu ai.

SHAKAWN KUNGDAWN 123:3

Madu e, anhte hpe matsan dum la mi, anhte hpe matsan dum la mi law! Anhte gaw n kaw n law re ai hte kaya kahpa nau wa hkrum sha nga saga ai.

SHAKAWN KUNGDAWN 69:7

Na a jaw e, ngai n kaw n law re ai hkrum sha nga nngai; ngai gaw kaya kahpa hte ka-up da ai hkrum nga ni ai.

ESAIA 53:3

Anhte shi hpe n kaw n law di ga ai, shi hpe ningdang kau ga ai; shi gaw nni nkri hte nchyi nmu hpe hkam sha nga ai. Kadai mung shi hpe pyi n yu mada nga ai- anhte gaw shi hpe hpa n re ai wa hpe zawn nawn kau ga ai.

KASA 2:13

Rai ti mung nkau mi gaw, “Shanhte sabyi nang nga ma ai,” nga nna tsun jahpoi ma ai.

1 KORINHTU 2:14

Dai Wenyi hpe n hkap la ai, mi na ta naw re ai shinggyim masha kadai mung, Karai Kasang a Wenyi e jaw ai chyeju kumhpaw kumhpa ni hpe n hkam la lu nga ai. Dai ni gaw shi a matu angawk angak lam rai nga ai rai nna, Wenyi myit e sha dai lam ni a manu hpe daw dan ya lu nga ai majaw, shi gaw dai hte hpe chye na lu ai n rai.

1 SAMUELA 18:17

Shawlu gaw Dawi hpe, “Nang e nye a shayi sha kaba Merab nga nga ai. Nang gaw nye a matu magrau grang ai hte sadi dung let dai Madu a majan ni hta shang gasat ai rai yang, ngai gaw shi hpe na a madu jan shatai na matu jaw ya na de ai,” ngu nna tsun wu ai. (Shawlu chyawm gaw ndai hku nna shi hkum nan n hkra ai sha, Hpilisti masha ni Dawi hpe sat kau mu ga, nga nna myit ai lam rai nga wu ai.)

1 SAMUELA 18:20

Shawlu a shayi sha Mihkala chyawm gaw Dawi hpe tsaw ra da wu ai; dai lam hpe Shawlu na jang kabu nga ai.