2 SAMUELA 5:9 - Jinghpaw Common Language Bible 2009

⁹ Dai hpyen dap hpe gasat dang kau ngut ai hpang, dai shara e Dawi dung nna dai hpe, “Dawi a Mare,” ngu nna shamying wu ai. Shi gaw dai mare grup grup hte kawng a sinpraw maga de na lamu ga shara ni hta gaw gap galaw lajang da wu ai.

Jinghpaw Hanson Version Bible

⁹ Dawi mung dai hpyen dap hta dung nna, Dawi a mare ngu nna shamying wu ai. Bai Dawi gaw Milo dap kaw nna, grup yin e, kata maga de, nta gap galaw lajang wu ai.

2 SAMUELA 5:9 ပူးပေါင်းရင်းမြစ်များ

2 SAMUELA 5:7

(Rai ti mung Dawi gaw shanhte a Ziun hpyen dap hpe gasat dang la kau nna, dai hpe Dawi a Mare ngu nna shamying da nga sai.”)

2 SAMUELA 5:8

Dai shani e Dawi gaw shi a masha ni hpe, “Ngai zawn zawn Yebusi masha ni hpe n dawng ai masha nang e kadai wa nga nga a ni?, nga nga ai rai yang, shanhte hpe sat kau ram nga ai n rai ni? Dai rai nna hka hkawng hku lung wa nhtawm dai matsan mayan re ai myi kyaw ni hte lagaw hten ai ni hpe htim gasat mu,” ngu nna tsun wu ai. (Dai re ai majaw dai gaw, “Myi kyaw ai ni hte lagaw hten htu ai ni gaw dai Madu a nta de n shang lu na ma ai,” ngu ai ga malai tsun ma ai.)

2 SAMUELA 6:10

Shaloi dai hpe Yerusalem de shi hte rau n la wa na matu daw dan wu ai, shing rai la wa na malai hkrun lam jashai kau nhtawm Gat mare e nga ai Obed Edom a nta de la bang wa ma ai.

1 HKAWHKAM 11:27

Ndai gaw kasu kabrawng rai gumlau rawt hpang wa ai a maumwi rai nga ai. Shawlumon gaw Yerusalem mare a sinpraw maga na lamu ga hpe jahpring nhtawm mare bunghku ni hpe gram lajang wu ai.

1 HKAWHKAM 2:10

Ya Dawi si sai rai nna Dawi a mare hta lup makoi da nga ma ai.

1 HKAWHKAM 9:15

Hkawhkam Shawlumon gaw Nawku Htingnu hte hkawhkam htingnu ni hpe gaw gap na matu mung, mare a sinpraw maga hta ga jahpring na matu mung, mare bunghku gaw na matu mung, bungli galaw shangun na matu hkang dat wu ai. Shi gaw Hazora, Megido hte Gezera mare ni hpe bai gaw gap ai hta mung dai ni hpe lang nga ai.

1 HKAWHKAM 9:24

Shawlumon gaw mare a sinpraw maga hta lamu ga hpe lajang ngut jang, shi a madu jan rai nga ai Egutu hkawhkam a shayi sha gaw shi a matu Shawlumon gap da ya ai hkawhkam htingnu de Dawi a Mare kaw nna htawt lung wa wu ai.

2 HKAWHKAM 12:20

Hkawhkam Yosha a du salang ni shi hpe gumlau nga ma ai rai nna Shimit a kasha Yozahka hte Shoma a kasha Yehozaba yan gaw Sila de yu wa ai lam ntsa na ga jahpring bang da ai Yerusalem mare a sinpraw maga na lamu ga hta gap da ai nta e shi hpe sat kau mu ai. Yosha hpe Dawi a Mare na hkawhkam lupwa hta lup makoi da mu ai. Shi a kasha Amazia gaw shi a hkang hta hkaw galai dung ai hte hkawhkam tai wa sai.

1 HKAWHKAM LABAU 11:8

Shi gaw kawng a sinpraw maga na lamu ga jahpring bang ai shara kaw nna dai mare hpe shawng de da nga ai; Yoab gaw dai mare a kaga daw mi hpe bai gram lajang da wu ai.

2 HKAWHKAM LABAU 32:5

Hkawhkam wa gaw bungli gram lajang nna de a ntsa e langchyi ni gap ai hte shinggan bunghku ni galaw let mare a dahpran shara ni hpe shangang shakang da wu ai. Dai sha n-ga, shi gaw Yerusalem mare dingsa daw a sinpraw maga ga jahpring bang da ai ntsa e galaw da ai dahpran shara ni hpe mung gram lajang da wu ai. Shi hta galaw tawn da sai nri ni hte ninggang ni law law nga nga ai.

NEHEMIA 3:15

Hkolahoze a kasha Mizpa ginwang up ai Shalum gaw Hka Hpawk Chyinghka hpe galaw wu ai. Shi gaw chyinghka lam hpe galup nna, chyinghka ni hpe shara hte shara tawn da nna shingla ni hte htinggrang ni hpe shakap da nga ai. Hkawhkam sun makau na Shela Hka Lawng bunghku hpe Dawi a Mare kaw nna yu wa ai lakang du hkra galaw da nga ai.

SHAKAWN KUNGDAWN 122:3

Yerusalem mare gaw shi shara hte shara htuk manu, tsawm htap ai hku, bai gaw gap da ai mare rai nga ai.

ESAIA 29:1

Karai Kasang a tawn hkungri ngu ai Yerusalem nan dingnye hkrum nga sai! Dawi dabang but ai mare gaw dingnye hkrum nga sai! Lusha poi hte poi shingra ladaw ni hpe laning mi hta laning mi kahtap nna galaw nga mu.

TARA AGYI 9:20

Rai ti mung, dai hku n re ai sha, Abimelek kaw na wan grung pru wa nhtawm, Shehkem masha ni hte Betmilo ni hpe hkru kau u ga; dai hte maren, Shehkem hte Betmilo masha ni kaw na wan grung pru wa nhtawm Abimelek hpe hkru kau u ga,” ngu nna matut tsun wu ai.

TARA AGYI 9:6

Dai hpang Shehkem masha ni yawng hte Betmilo mare na masha ni jawm zup hpawng nhtawm, Shehkem mare e nga ai chyoi pra ai wamyi hpun de sa nhtawm Abimelek hpe hkawhkam aya dang ya ma ai.