2 SAMUELA 5:7 - Jinghpaw Common Language Bible 2009

⁷ (Rai ti mung Dawi gaw shanhte a Ziun hpyen dap hpe gasat dang la kau nna, dai hpe Dawi a Mare ngu nna shamying da nga sai.”)

Jinghpaw Hanson Version Bible

⁷ Dawi chyawm gaw Ziun ngu ai hpyen dap hpe gasat la lu ai; dai gaw Dawi a mare ngu ai, rai nga ai.

2 SAMUELA 5:7 ပူးပေါင်းရင်းမြစ်များ

2 SAMUELA 5:8

Dai shani e Dawi gaw shi a masha ni hpe, “Ngai zawn zawn Yebusi masha ni hpe n dawng ai masha nang e kadai wa nga nga a ni?, nga nga ai rai yang, shanhte hpe sat kau ram nga ai n rai ni? Dai rai nna hka hkawng hku lung wa nhtawm dai matsan mayan re ai myi kyaw ni hte lagaw hten ai ni hpe htim gasat mu,” ngu nna tsun wu ai. (Dai re ai majaw dai gaw, “Myi kyaw ai ni hte lagaw hten htu ai ni gaw dai Madu a nta de n shang lu na ma ai,” ngu ai ga malai tsun ma ai.)

2 SAMUELA 5:9

Dai hpyen dap hpe gasat dang kau ngut ai hpang, dai shara e Dawi dung nna dai hpe, “Dawi a Mare,” ngu nna shamying wu ai. Shi gaw dai mare grup grup hte kawng a sinpraw maga de na lamu ga shara ni hta gaw gap galaw lajang da wu ai.

2 SAMUELA 6:10

Shaloi dai hpe Yerusalem de shi hte rau n la wa na matu daw dan wu ai, shing rai la wa na malai hkrun lam jashai kau nhtawm Gat mare e nga ai Obed Edom a nta de la bang wa ma ai.

2 SAMUELA 6:12

Dai Madu a Ga Shaka Sumpu a majaw Obed Edom a dinghku masha ni hte shi lu malu mahkra hte hpe shaman ya nu ai lam Dawi na jang, Dawi gaw poi kaba galaw let dai Ga Shaka Sumpu hpe Obed Edom a nta kaw nna Yerusalem mare de shawn la wu ai.

2 SAMUELA 6:16

Dai Sumpu hpe mare kata de la shang wa nga ma yang, Shawlu a shayi sha Mihkala gaw hkuwawt hku mada yu wu ai, shaloi Hkawhkam Dawi gaw chyoi pra ka manawt hte gumlawt wa nga ai hpe mu wu ai rai nna hkyet yu sharung da wu ai.

1 HKAWHKAM 2:10

Ya Dawi si sai rai nna Dawi a mare hta lup makoi da nga ma ai.

1 HKAWHKAM 3:1

Shawlumon gaw Egutu hkawhkam wa a shayi sha hpe hkungran la let jinghku galaw da wu ai. Hkawhkam wa gaw shi hpe Dawi a mare e shi a hkawhkam hkaw hpe mung, Nawku Htingnu hpe mung, Yerusalem mare hpe kum gawan da ai mare bunghku ni yawng gaw gap ngut ai shani du hkra, shi hpe nga shangun nga ai.

1 HKAWHKAM 8:1

Dai hpang hkawhkam Shawlumon gaw Israela amyu bawsang ni hte lakung lama ni yawng a ningbaw ni hpe dai Madu a Ga Shaka Sumpu hpe Ziun ngu ai Dawi a Mare kaw nna Nawku Htingnu de jashawn da na matu, shi nga ai Yerusalem mare de sa wa na hkang dat wu ai.

1 HKAWHKAM 9:24

Shawlumon gaw mare a sinpraw maga hta lamu ga hpe lajang ngut jang, shi a madu jan rai nga ai Egutu hkawhkam a shayi sha gaw shi a matu Shawlumon gap da ya ai hkawhkam htingnu de Dawi a Mare kaw nna htawt lung wa wu ai.

1 HKAWHKAM LABAU 11:7

Dawi gaw hpyen dap kata e sa nga nga ai majaw dai mare hpe “Dawi a Mare” ngu nna shamying ma ai.

2 HKAWHKAM LABAU 24:16

Israela amyu masha ni a matu mung, Karai Kasang a matu mung, Nawku Htingnu a matu mung shi galaw nu ai amu hpe matsing masat ya na matu shi hpe Dawi a Mare hkawhkam lupwa hta lup makoi da nga ma ai.

2 HKAWHKAM LABAU 5:2

Dai hpang Hkawhkam Shawlumon gaw Israela amyu bawsang ni hte lakung lama ni yawng a ningbaw ni hpe Yerusalem mare de sa zup hpawng nhtawm dai Madu a Ga Shaka Sumpu hpe Ziun ngu ai Dawi a Mare kaw nna Nawku Htingnu kata de jashawn da na matu hkang dat wu ai.

NEHEMIA 3:15

Hkolahoze a kasha Mizpa ginwang up ai Shalum gaw Hka Hpawk Chyinghka hpe galaw wu ai. Shi gaw chyinghka lam hpe galup nna, chyinghka ni hpe shara hte shara tawn da nna shingla ni hte htinggrang ni hpe shakap da nga ai. Hkawhkam sun makau na Shela Hka Lawng bunghku hpe Dawi a Mare kaw nna yu wa ai lakang du hkra galaw da nga ai.

SHAKAWN KUNGDAWN 132:13

Dai Madu gaw Ziun hpe lata la nu ai; dai mare hpe shi a shanu shara shi galaw mayu nga ai rai nna,

SHAKAWN KUNGDAWN 2:6

Shi gaw, “Nye a chyoi pra ai kawng Ziun ntsa e nye a hkawhkam wa hpe arawng aya ngai ap ya ni ai,” nga nna tsun ai.

SHAKAWN KUNGDAWN 48:12

Karai Kasang a amyu masha ni e, Ziun hpe shinggrup hkawm ai hte de a langchyi ni hpe hti yu mu;

SHAKAWN KUNGDAWN 48:3

Dai mare a hpyen dap kata ni hta shi hte rau shim lum nga ai hpe Karai Kasang madun dan nu ai.

SHAKAWN KUNGDAWN 51:18

Karai Kasang e, Ziun hpe matsan dum nna shi hpe karum u; Yerusalem mare a bunghku ni hpe bai gaw gap da u.

SHAKAWN KUNGDAWN 87:2

shi gaw Yerusalem mare hpe Israela mung e nga ai kaga mare ni yawng hta grau nna tsaw ra nga ai.

SHAKAWN KUNGDAWN 9:11

Ziun e up nga ai Madu hpe mahkawn shakawn mu! Shi hpa galaw sai amu, amyu baw shagu hte hpe htawn tsun dan mu!

ESAIA 12:6

Ziun e nga ai masha shagu hte gaw marawn jahtau ai hte mahkawn mangoi nga mu ga! Israela a chyoi pra ai Karai Kasang gaw galu kaba nga ai, shi gaw shi a amyu masha ni a lapran e nga nga ai,” ngu nna mahkawn mangoi ai nhtoi du wa nga sai.

ESAIA 59:20

Dai Madu gaw shi a amyu masha ni hpe, “Ngai gaw nanhte hpe makawp maga na matu mung, yubak kaw na kayin wa ai nanhte yawng hpe hkye la na matu mung Yerusalem de sa wa na nngai.

YEREMIA 21:13

Yerusalem e, nang gaw pa layang e dung nga ai lunghkrung zawn kadit ni a ntsa e dung nga ndai. Rai ti mung, ngai nang hpe hkap gasat na nngai. Anhte hpe kadai htim gasat lu na n rai, na a bunghku ni hpe kadai agrawp kau ya lu na n rai, nga nna nang tsun ndai.

MIHKA 4:2

shanhte a amyu masha ni gaw, “Anhte gaw dai Madu a kawng, Israela a Karai Kasang a Nawku Htingnu de lung wa saga. Shi gaw anhte hpe galaw shangun mayu ai lam sharin ya na ra ai; anhte gaw shi lata da sai lam hta hkawm sa na rai ga ai. Hpa majaw nga yang, dai Madu a sharin shaga ai ga gaw Yerusalem kaw nna rai nga ai; shi a amyu masha ni hpe shi tsun ai ga gaw Ziun kaw na rai nga ai,” ngu nna tsun na mara ai.

ROMA 9:33

Dai hpe Chyum Laika hta, “Yu u, masha ni ahtu kataw na nlung langai mi hte myit kataw shangun na lunghkrung langai mi hpe Ziun hta e ngai tawn da se ai. Rai ti mung nlung ngu ai Hkristu hpe kam sham ai wa gaw galoi mung myit daw hten na lam nga na n rai,” nga nna ka da nga ai.

HEBRE 12:22

Nanhte chyawm gaw Sina Bum a malai Ziun Bum hte lamu kasa mun sen nga ai ahkrung nga ai Karai Kasang a mare ngu ai sumsing lamu na Yerusalem mare de du nga manit dai.

SHINGRAN 14:1

Dai hpang ngai yu dat yang, Ziun bum ntsa e dai Sagu Kasha tsap nga ai hpe ngai mu nngai. Shi a mying hte shi a Kawa a mying hpe shanhte a lahtan ni hta shakap da ai masha 144,000 hte gaw Sagu Kasha hte rau rai nga ma ai.