2 SAMUELA 5:20 - Jinghpaw Common Language Bible 2009

²⁰ Dawi gaw Bala Perazim de lung wa nhtawm dai yang e Hpilisti masha ni hpe gasat dang kau wu ai. Shi gaw, “Dai Madu gaw nye a gumlau hpyen ni hpe hka mawru shaza kau ai zawn galun htinggrang kau nu ai,” ngu nna tsun wu ai. Dai rai nna shara dai hpe Bala Perazim ngu nna shamying wu ai.

Jinghpaw Hanson Version Bible

²⁰ Shaloi Dawi gaw Bala-perazim shara e du nna, shanhte hpe hkap sat kau dat mu ai: dai rai nna shi gaw, “Hka mawru hte shaza kau ai zawn, nye a hpyen ni hpe Yehowa nye a man na agrawp kau ya ni ai,” ngu nna, dai shara hpe, Bala-perazim shamying wu ai.

2 SAMUELA 5:20 ပူးပေါင်းရင်းမြစ်များ

2 SAMUELA 19:9

Shanhte gaw mungdan ting hta shada da a lapran e ga li ga law nga nna, “Hkawhkam Dawi gaw anhte hpe gumlau hpyen ni a lata kaw nna hkye la mani ai. Hpilisti masha ni a lata kaw na mung anhte hpe hkye la mani ai, rai ti mung ya chyawm gaw Absalom a majaw mungdan kaw nna hprawng hkawm nga ai.

1 HKAWHKAM LABAU 14:11

Dai rai nna Dawi gaw Bala Perazim de lung wa nhtawm dai yang e Hpilisti masha ni hpe gasat dang kau wu ai. Shing rai shi gaw, “Karai Kasang gaw ngai hpe jai lang nna nye a gumlau hpyen ni hpe hka mawru e shaza kau ai zawn galun htinggrang kau nu ai,” ngu nna tsun wu ai. Dai rai nna shara dai hpe Bala Perazim ngu nna shamying wu ai.

SHAKAWN KUNGDAWN 60:1

Karai Kasang e, nang gaw anhte hpe ningdang kau nna; anhte hpe sum shangun kau nit dai. Nang gaw anhte hpe masin pawt kau ti mung, ya chyawm gaw, anhte hpang de bai kayin mada la mi.

ESAIA 28:21

Dai Madu gaw shi galaw na matu yaw shada ai amu galaw lu hkra nga, laklai ai shi a amu ni shangut lu hkra, Perazim Bum hte Gibeon kadit hta shi galaw nu ai zawn gasat na ra ai. Shi gaw shi a amu, mauhpa amu hpe shangut na ra ai.

HABAKU 3:13

Nang gaw na a amyu masha ni hpe hkye la na matu mung, nang lata da sai hkawhkam wa hpe hkye la na matu mung pru sa wa nga ndai. Nang gaw n hkru ai ni a ningbaw wa hpe adup kadang kau nna shi a hpang hkan masha ni hpe tsep kawp shamyit kau nit dai.