2 SAMUELA 4:8 - Jinghpaw Common Language Bible 2009

⁸ Shan gaw Hebron e hkaw dung ai Dawi hpang de dai baw sak jaw nhtawm shi hpe, “Ndai gaw nang hpe sat na maw ai na a hpyen Shawlu a kasha Ishboshet a baw rai nga ai. Shawlu hte shi a amyu matu mara ni hpe matai dawp na matu dai Madu gaw dai ni nang Madu hkawhkam hpe ahkang jaw nit dai,” ngu nna tsun ma ai.

Jinghpaw Hanson Version Bible

⁸ Shing rai, Ish-boshet a baw hpe, Hebron mare e Dawi kaw la sa nna, “Nang madu a asak hpe gyam ai, na a hpyen wa Shawlu a kasha Ish-boshet a baw re ai, yu yu u: nang madu hkawhkam wa hkrum ai matai gaw, Shawlu hta mung, shi a amyu matu ni hta mung, Yehowa dai ni htang jaw manu ai,” ngu nna shi kaw sa sak mu ai.

2 SAMUELA 4:8 ပူးပေါင်းရင်းမြစ်များ

2 SAMUELA 18:19

Zadok a kasha Ahimaza gaw Yoab hpe, “Dai Madu gaw shi hpe shi a gumlau hpyen ni a lata kaw na hkye hkrang la nu ai shiga kaja hkawhkam wa hpe wa kagat tsun dan se ga,” ngu nna tsun wu ai.

2 SAMUELA 18:31

Dai hpang Ehtiopi masha mayam wa mung du wa ai rai nna hkawhkam wa hpe, “Madu hkawhkam a matu shiga kaja lu tawn nngai; Nang hpe gumlau ai ni yawng hpe dang kau lu ai awng padang ninglaw dai Madu nang hpe dai ni jaw ya nit dai!,” ngu nna tsun dan wu ai.

2 SAMUELA 2:8

Nera a kasha, Shawlu a luksuk na up hkang du Abna gaw Shawlu a kasha Ishboshet hte rau Yawdan hka rap nna Mahanim mare de hprawng mat wa ma ai.

2 SAMUELA 22:48

Shi gaw ngai hpe nye a gumlau hpyen ni hpe dang kau lu na awng padang ngai hpe jaw ya nga ai; masha amyu baw ni hpe nye a up hkang ai npu hta shi tawn da nga ai;

SHAKAWN KUNGDAWN 71:24

Ngai hpe machyi shangun na matu shakut ai ni gaw sum mat ai hkrum nna kaya kahpa hkrum nga ma ai majaw, na a ding man ai lam hpe ngai shani tup tsun dan na nngai.

MAHTE 2:20

“Rawt u, dai ma kaji hte kanu hpe woi la nna, Israela mung de wa su, hpa majaw nga yang, dai ma kaji a asak hpe tam ai ni si mat masai,” nga ai.

SHINGRAN 18:20

Sumsing na ni e, dai mare hten mat ai majaw kabu mu! Karai Kasang a masha ni e, kasa ni hte myihtoi ni e, kabu gara nga mu! Hpa majaw nga yang, nang hpe di ai lam yawng a matu Karai Kasang gaw dai mare hpe tara daw dan nu ai! nga nna tsun ai ngai na nngai.

SHINGRAN 6:10

Dai Wenyi ni gaw, “Chyahtum chyalai n-gun atsam rawng nna chyoi pra ai hte teng man ai Madu e! Anhte hpe sat kau ai mara a matu ga ntsa na masha ni hpe gaten du hkra nang n jeyang ai, ari n jaw ai nga na n ta?,” nga nna nsen kaba hte jahtau nga ma ai.

1 SAMUELA 18:11

“Ngai shi hpe shakum e jinghkyen shakap kau we ga,” ngu nna shi a kraw e tsun let, Dawi hpe lahkawng lang nri jinghkyen bun wu ai; rai ti mung lang shagu yen kau kau di wu ai.

1 SAMUELA 19:1

Shawlu gaw Dawi hpe sat kau na matu shi maw mawn da sai lam, shi a kasha Yonahtan hte shi a du salang ni yawng hpe tsun dan wu ai. Rai ti mung Yonahtan mahtang Dawi hpe grai tsaw ra nga ai rai nna,

1 SAMUELA 19:15

Rai ti mung, Shawlu gaw Dawi hpe bai sa yu na masha shangun dat nhtawm shi shanhte hpe, “Shi a yup ku hte hpawn ndai yang e hpai wa marit, ngai shi hpe sat kau na we ai,” ngu nna hkang dat wu ai.

1 SAMUELA 20:1

Dawi gaw Rama ginwang Nayut mare kaw nna hprawng mat wa nhtawm Yonahtan hpang de wa wu ai. Shi gaw, “Ngai hpa galaw shut kau sata? Ngai gaw kaning re ai ru hka amu galaw shut kau sata? Shi ngai hpe sat kau mayu hkra na nwa hpe ngai hpa galaw shut kau sata?,” ngu nna san wu ai.

1 SAMUELA 23:15

Dawi gaw shi hpe sat na nga Shawlu pru hkawm nga ai hpe mu wu ai. Dawi mahtang Zihpa makau na nam mali e nga ai Horesha e nga nga wu ai.

1 SAMUELA 24:4

Shanhte gaw shi hpe, “Ndai gaw na a matu ahkaw ahkang rai nga lit dai! Dai Madu gaw na a gumlau hpyen wa hpe na a lata e ap ya na wu ai rai nna nang ra ai hku shi hpe galaw lu na ndai, nga nna mung nang hpe tsun da nga ai,” ngu nna tsun dan ma ai. Dawi gaw gumrawt sa nhtawm Shawlu n chye ai sha, shi a palawng galu daw mi hpe kadoi di la ya wu ai.

1 SAMUELA 25:29

Nang hpe htim gasat ai hte sat kau na matu shakut ai wa nga dam ti mung, masha gaw manu dan ai sut rai hpe makawp da ai zawn dai Madu na a Karai Kasang mung nang hpe shim hkra makawp da na ra ai. Na a gumlau hpyen ni hpe chyawm gaw, masha wa e shi a lahpaw hte nlung shinggyin ni hte gap kau ai zawn shi shanhte hpe kabai kau na ra ai.