2 SAMUELA 4:7 - Jinghpaw Common Language Bible 2009

⁷ Dai hpang nhku kata de kalang mi bai sit shang wa nhtawm Ishboshet yup nga ai gawk kata de shang nna shi hpe sat kau ma ai. Shan mung shi a baw hpe daw la nhtawm dai hpe lang let shana tup dai Yawdan Kadit hku lai sa wa ma ai.

Jinghpaw Hanson Version Bible

⁷ Ya shan lahkawng gaw, dai nta de shang nna Ish-boshet shi a yup gawk e yup nga yang, shan gaw shi hpe adup sat kau nna, shi a baw daw la ya nhtawm, shana tup dai pa hku, gat sa wa ma ai.

2 SAMUELA 4:7 ပူးပေါင်းရင်းမြစ်များ

2 SAMUELA 2:29

Abna hte shi a masha ni chyawm gaw dai shana tup Yawdan Kadit hku ga lai mat wa ma ai. Yawdan hka rap di nna rawt hkawm mat wa ma yang, Mahanim de hpang jahpawt e bai du wa ma ai.

PRU MAT 8:3

Nila hka nu gaw shu ni hte hpring chyat wa nhtawm dai ni kanawng pru wa nna na a hkawhkam htingnu kata de mung, na a yup gawk hte yup ra de mung, na a du salang ni hte mung masha ni a dum nta ni hta mung, na a wan htung ni hte muk kabaw ai di dam ni hta du hkra pyi lung wa na mara ai.

MAHTE 14:11

Shi a baw hpe mung ban hta e la pru nna, dai mahkawn hpe ap ya nu ai: numsha mung shi a kanu hpang de la wa wu ai.

1 SAMUELA 17:51

Dawi gaw shi kaw kagat sa nhtawm shi a makau e tsap let, n-ga na Goliat a nhtu shaw la nhtawm shi a baw hpe kahtam di nna shi hpe sat kau da wu ai. Hpilisti masha ni mung shanhte a share ninghkrin wa si mat sai hpe mu ma ai shaloi, hprawng htaw mat wa ma ai.

1 SAMUELA 17:54

Dawi chyawm gaw Goliat a baw hpe Yerusalem mare de la wa wu ai; rai ti mung Goliat a laknak arai ni hpe chyawm gaw shi a sum hta nan mazing tawn da wu ai.

1 SAMUELA 31:9

Shanhte gaw Shawlu a baw daw la nhtawm, shi a hpyen palawng ni raw la nna shanhte a hpara sumla ni hpe mung, shanhte a mung masha ni hpe mung dai awng padang shiga a lam tsun dan na matu dai arai ni hte hpawn Hpilisti mung ting de kasa ni hpe shangun dat ma ai.