2 SAMUELA 4:4 - Jinghpaw Common Language Bible 2009

⁴ Shawlu a amyu matu hta na kaga langai mi gaw Shawlu yan Yonahtan sat kau hkrum ai shaloi asak manga ning kaba sai Yonahtan a kasha Mehpiboshet rai nga ai. Yezrela mare kaw na shan sat kau hkrum sai shiga du jang, ma hpe yu gawn ai jan mung shi hpe hta pawn la nna woi hprawng mat wa wu ai. Rai ti mung hprawng wa yang nau tin kau ai majaw shi hpe tat jahkrat kau ai hte ma mung lagaw hten mat wu ai.

Jinghpaw Hanson Version Bible

⁴ Bai Shawlu a kasha Yonahtan kaw, lagaw hten ai kasha langai mi ngam nga ai. Yezrela shara na Shawlu yan Yonahtan a ashi du jang, ma dai gaw manga ning du sai; shi a nbat jan mung shi hpe woi pawn hprawng wu ai; hprawng wa yang shi nau lamang kau nna, ma dai di hkrat ai majaw, shi a lagaw daw mat ai rai lu ai. Ma de a amying gaw Mehpiboshet rai lu ai.

2 SAMUELA 4:4 ပူးပေါင်းရင်းမြစ်များ

2 SAMUELA 21:7

Rai ti mung shi hte Yonahtan a lapran chyoi pra ai ga sadi hpe shada da shagrin da nga manu ai majaw, Shawlu a kashu, Yonahtan a kasha Mehpiboshet hpe shalawt da ya wu ai.

2 SAMUELA 9:13

Dai rai nna lagaw lahkawng maga hten ai Mehpiboshet gaw Yerusalem mare hta nga nna hkawhkam wa a sha ku hta shi a lusha sha nga ai.

2 SAMUELA 9:3

Hkawhkam wa gaw shi hpe, “Ngai galaw na we ai ngu nna Karai Kasang hpe ga sadi jaw da ni ai hte maren, sadi sahka hte matsan dum ai lam ngai madun lu we ga, Shawlu a dinghku hta marai langai ngai naw ngam nga a ni?,” ngu nna san wu ai. Ziba gaw, “Yonahtan a kasha ni hta na langai mi naw nga ai. Shi gaw lagaw hten nga ai,” ngu nna htan wu ai.

2 SAMUELA 9:6

Shawlu a kashu, Yonahtan a kasha Mehpiboshet du jang, Dawi a man e shi gum dagup let hkungga jaw wu ai. Dawi gaw, “Mehpiboshet,” ngu nna tsun wu yang, shi mung, “Madu e, ngai na a shangun ma rai nga nngai,” ngu nna htan wu ai.

1 HKAWHKAM 11:17

Hadad hte Egutu mung de hprawng lawt mat wa ai shi kawa a shangun ma ni rai nga ai Edom masha nkau mi hta kaga Edom mung na lasha nlang ni hpe shanhte sat kau mu ai. (Dai aten hta Hadad gaw ma kaji sha naw rai nga ai.)

1 HKAWHKAM LABAU 8:34

Yonahtan gaw Meribala a kawa, Meribala gaw Mihka a kawa rai nga ai.

1 HKAWHKAM LABAU 9:40

Yonahtan gaw Meribala a kawa rai nna shi gaw Mihka a kawa rai nga ai.

1 SAMUELA 29:1

Israela amyu masha ni Yezrela Kadit na hka hpawk makau e dap jung nga ma yang, Hpilisti masha ni mung shanhte a hpyen hpung ni yawng hpe Ahpek shara e woi hpawng tawn da ma ai.

1 SAMUELA 29:11

Dai rai nna Dawi hte shi a masha ni mung hpang jahpawt jau jau rawt nna Hpilisti mung de nhtang mat wa ma ai; Hpilisti masha ni chyawm gaw Yezrela shara de matut hkawm mat wa ma ai.