2 SAMUELA 4:2 - Jinghpaw Common Language Bible 2009

² Ishboshet hta majan e htim hpya ai hpung ni a ningbaw ni rai nga ai du lahkawng nga nga ai; dai yan gaw Benyamin amyu bawsang ni nga ai Berot shara hta nga ai Rimon a kasha Bana hte Rehkab yan rai nga ai. (Berot gaw Benyamin lamu ga hta lawm nga ai.

Jinghpaw Hanson Version Bible

² Ya Shawlu a kasha kaw hpyen du lahkawng naw nga ma ai: langai mi a amying gaw Bana, langai mi Renkab, rai ma ai; shan gaw Ben-yamin amyu, Berot shara na Rimon a kasha yan rai ma ai; --Berot mare chyawm gaw Ben-yamin lamu ga hta lawm nga ai;

2 SAMUELA 4:2 ပူးပေါင်းရင်းမြစ်များ

2 SAMUELA 3:22

Dai hpang Yoab hte kaga Dawi a du salang ni gaw masha hpyen dawwa hpe hkan shachyut ai kaw na nhtang wa ma ai rai nna, lanep law law magawn wa ma ai. Abna chyawm gaw Dawi e shim lam pahkam hkam ya ai hte shangun dat ai majaw Dawi hte rau Hebron mare hta shi n nga nga ai.

2 SAMUELA 4:5

Rehkab yan Bana gaw Ishboshet a nta de sa wa ma ai rai nna dai de shani ka-ang shi hkring sa la nga ai aten, jan pungding madi ai aten daram hta du shang wa ma ai.

2 SAMUELA 4:9

Dawi gaw shan hpe, “Ru yak shoihpa lam shagu hta na ngai hpe hkye hkrang la ai dai ahkrung nga ai Madu hta ngai dagam shaka da nngai!

2 HKAWHKAM 5:2

Lang mi na Israela ni hpe shang gasat ai shaloi Suri masha ni gaw Israela mahkawn ma langai mi hpe woi wa ma ai; shi gaw Naman a madu jan a shangun ma langai tai wa nga ai.

2 HKAWHKAM 6:23

Dai rai nna Israela hkawhkam wa gaw shanhte a matu lusha poi kaba galaw ya nna jaw sha wu ai; dai hpe lu sha ngut jang, Suri hkawhkam wa hpang de shanhte hpe wa kau shangun dat mu ai. Dai aten kaw nna Suri masha ni Israela mungdan hpe shang gasat ai lam jahkring kau manu ai.

YAWSHU 18:25

Bai Gibeon, Rama, Berot,

YAWSHU 18:26

Mizpa, Hkehpira, Moza,

YAWSHU 9:17

Dai rai nna, Israela amyu masha ni pru sa wa nhtawm masum ya sat yang, dai masha ni nga ai Gibeon, Hkehpira, Berot hte Kiriat Yarim mare ni de du ma ai.