2 SAMUELA 4:11 - Jinghpaw Common Language Bible 2009

¹¹ Shi a nta kata e yup nga ai dai ding man ai masha wa hpe n hkru ai masha ni sat kau ai gaw gade wa grau n kaja nga sahka! Shi hpe sat kau nga manit dai majaw ya ngai matai dawp na nngai; nan hpe ndai ginding aga kaw nna seng kau na mawe ai!,” ngu nna htan wu ai.

Jinghpaw Hanson Version Bible

¹¹ Ya dai hta n-ga, n hkru ai masha ni dingman ai wa hpe shi a nhku kata yup ra e naw sat ai rai yang, grau nna sat mai ai n rai ni? ya jang shi a sai nan kaw ngai hpyi nna, nan hpe mungkan ga na seng kau mai sai, n rai ni?” ngu nna daru mu ai.

2 SAMUELA 4:11 ပူးပေါင်းရင်းမြစ်များ

NINGPAWT NINGHPANG 4:11

Nang shi hpe sat ai shaloi, shi a asai hpe hkap la na matu, lamu ga gaw shi a n-gup mahka ai hte na kanau a asai lu kau nu ai. Nang gaw dagam dala hkrum nna yi hkauna galaw ti mung mi na shadang du lu na ndai n rai.

NINGPAWT NINGHPANG 6:13

Karai Kasang gaw Noa hpe, “Ndai shinggyim masha ni yawng hpe jahtum kau na matu, ngai daw dan da se ai. Shanhte a kashun kashe du daw sai hkaw amu ni gaw ndai mungkan hta hpring chyat nga ai majaw, shanhte hpe ngai atsai awai shamyit kau na nngai.

NINGPAWT NINGHPANG 7:23

Dai Madu gaw ga ningtsa na hkrung mahkrung mahkra ngu na shinggyim masha, yam nga hte ntsa malen u ni hpe atsai awai jahten kau wu ai. Noa hte dai sanghpaw li kata na shi hte rau rawng ai ni chyu sha ngam nga ma ai.

2 SAMUELA 16:8

Nang gaw Shawlu a mungdan hpe kashun la nga ndai; ya chyawm gaw dai Madu mung Shawlu a dinghku na masha law law hpe sat kau ai amu a majaw nang hpe ari jaw nga sai. Nang gaw hten run mat nna masha sat ai wa rai nga ndai majaw dai Madu gaw na a kasha Absalom hpe mungdan ap kau nu ai!,” ngu nna tsun wu ai.

2 SAMUELA 3:27

Abna gaw Hebron mare de bai du jang, shi hpe shaga mayu ai majaw dinghkrai la nna mare chyinghka lam makau de woi sa nhtawm dai yang e shi a kan hpe nhkyi hte galun ya wu ai. Abna gaw Yoab a kanau Asahela hpe sat kau wu ai majaw shi mung sat kau ai hkrum nga wu ai.

2 SAMUELA 3:39

Ngai gaw Karai Kasang e lata san da sai hkawhkam rai nga tim pyi, dai ni ngai gawng kya nga nngai. Ndai Zeruia a kasha ni gaw nye a matu nau wa ja la nga masai. Ndai ru hka amu galaw shapraw ai majaw shanhte hkam la ging ai hte maren dai Madu ari jaw ya u ga law!,” ngu nna tsun wu ai.

1 HKAWHKAM 2:32

Yoab gaw shi hta grau kaja nna mara n kap ai masha lahkawng rai nga ai Israela hpyen luksuk hpe up hkang ai Abna hte Yuda hpyen luksuk hpe up hkang ai Amasa yan hpe, nye wa Dawi n chye ai sha sat kau nna shut kau ai ru hka amu a majaw dai Madu gaw shi hpe ari jaw na rai wu ai.

SHAKAWN KUNGDAWN 109:15

Dai Madu gaw shanhte a yubak ni hpe, tut nawng e adum ya nga u ga; rai ti mung, shanhte hkum nan tsep kawp malap kau ai hkrum nga mu ga.

SHAKAWN KUNGDAWN 9:12

Karai Kasang gaw nni nkri hkrum sha ai ni hpe dum nga nna; shanhte a hpyi jahtau ai nsen hpe shi malap kau nga ai n rai, shi gaw shanhte hpe shut hpyit ai ni hpe, ari jaw nga ai.

PRU MAT 21:12

Masha langai mi hpe adup kayat nhtawm sat kau ai wa kadai mung si ai hkrum na rai wu ai.

PRU MAT 9:15

Nang hpe adup abyen na matu mung, na a masha ni hpe ana ahkya hte zingri na matu mung, nye a lata sharawt tawn taw gaw, nang gaw tsep kawp shamyit kau ai hkrum na rai ndai.

GA SHAGAWP 2:22

Rai ti mung, Karai Kasang gaw tara n lang ai masha ni hpe dai lamu ga kaw nna dun shapraw kau nhtawm, yubak lu ai masha ni hpe mung, tsing ni hpe zawn gang baw kau na ra ai.

GA SHAGAWP 25:26

Mai kaja ai masha n hkru ai wa a myit ra hkan ya ai gaw, n san seng ai hka hpawk hte gung rawng ai hka htung hpe myit dum shangun nga ai.

YEREMIA 10:11

(Sumsing lamu hte ginding aga hpe n hpan da ai hpara sumla ni gaw shamyit kau ai hkrum na mara ai. Shanhte gaw ginding aga ntsa, gara shara hta rai tim, loi hkring mi pyi nga lu na ra ai n rai, ngu nna nang shanhte hpe sa tsun lu na rai ndai.)

HABAKU 1:12

Madu e, nang gaw moi chyaloi nhkoi prat kaw nna Karai Kasang rai nga ndai. Nang gaw nye a Karai Kasang rai nna, chyoi pra ai hte htani htana agrin nga ndai. Dai Madu nye a Karai Kasang hte ngai hpe makawp maga ai wa e, nang gaw Babelon masha ni hpe lata la nna shanhte hpe n-gun shaja ya nga ndai, shing rai shanhte gaw anhte hpe ari jaw lu nga ma ai.

HABAKU 1:4

Tara gaw n-gun kya mat nna akyu n jaw lu nga ai, teng man rap ra ai tara agyi ni kaw nna galoi mung n pru nga ai. N hkru ai masha ni gaw ding hpring ai masha ni hpe dang kau ma ai majaw teng man ai lam n dan dawng lu nga ai.

1 YAWHAN 3:12

Anhte gaw Ka-in zawn n mai rai ga ai. Shi gaw Nat a maga na masha tai nna shi a kanau Abela hpe sat kau nu ai. Ka-in gaw Abela hpe hpa majaw sat kau a ta?. Shi nan galaw ai amu bungli ni shut nga ai. Shi a kanau galaw ai lam ni mahtang jaw nga ai majaw rai nga ai.