2 SAMUELA 4:1 - Jinghpaw Common Language Bible 2009

¹ Shawlu a kasha Ishboshet gaw Hebron mare e Abna sat kau hkrum sai lam hpe na ai shaloi, shi hkrit nga ai; Israela amyu masha ni yawng mung hkrit kajawng nga ma ai.

Jinghpaw Hanson Version Bible

¹ Hebron mare e Abna sa si mat ai lam, Shawlu a kasha na jang, shi a myit daw mat sai. Israela masha ni nlang hte mung, myit ru nga ma ai.

2 SAMUELA 4:1 ပူးပေါင်းရင်းမြစ်များ

2 SAMUELA 17:2

Shi ba kalawp let gawng kya nga yang, shi hpe ngai htim gasat dat na we ai. Shaloi shi rawt kajawng mat wa nna shi a masha ni mung hprawng htaw mat wa na mara ai. Shaloi hkawhkam wa hpe chyu sha ngai sat kau nna,

2 SAMUELA 2:8

Nera a kasha, Shawlu a luksuk na up hkang du Abna gaw Shawlu a kasha Ishboshet hte rau Yawdan hka rap nna Mahanim mare de hprawng mat wa ma ai.

2 SAMUELA 3:27

Abna gaw Hebron mare de bai du jang, shi hpe shaga mayu ai majaw dinghkrai la nna mare chyinghka lam makau de woi sa nhtawm dai yang e shi a kan hpe nhkyi hte galun ya wu ai. Abna gaw Yoab a kanau Asahela hpe sat kau wu ai majaw shi mung sat kau ai hkrum nga wu ai.

EZRA 4:4

Dai hpang, dai mung hta nga nga masai masha ni gaw dai hpe n gap lu hkra nga, Yuda masha ni hpe n-gun shadaw ya ai hte jahkrit shatsang nga ma ai.

NEHEMIA 6:9

Shanhte chyawm gaw bungli jahkring kau ya na matu anhte hpe jahkrit maw nga ma ai. Ngai gaw, “Karai Kasang e, ya rai tim, ngai hpe n-gun shaja ya e law!,” ngu nna hpyi we ai.

ESAIA 13:7

Masha shagu a lata ni kya gumba mat na mara ai, masha shagu a nden marai n rawng mat na ra ai.

ESAIA 35:3

Atsu atsa nga ai lata ni hte n-gun kya nna gari gawa rai nga ai lahput ni hpe n-gun jaw mu.

YEREMIA 50:43

Babelon hkawhkam gaw shiga na nga ai, shi a lata ni kya noi mat nu ai. Shi gaw makyin madut hte wang da hkrum nna, shinggyim machyi ai num zawn nchyi nmu ngu nga wu ai.

YEREMIA 6:24

Yerusalem amyu masha ni gaw, “Anhte dai shiga na saga ai; anhte a lata ni kya noi mat sai; anhte gaw shinggyim machyi hkrum ai numsha zawn ru yak kyindut hte nchyi nmu hkrum sha nga saga ai.

ZEHPANI 3:16

Shanhte gaw Yerusalem hpe ning ngu tsun na aten aten du wa nga sai, “Ziun mare e, hkum hkrit nga et! Na a lata hkum shakya kau nga et!