2 SAMUELA 3:39 - Jinghpaw Common Language Bible 2009

³⁹ Ngai gaw Karai Kasang e lata san da sai hkawhkam rai nga tim pyi, dai ni ngai gawng kya nga nngai. Ndai Zeruia a kasha ni gaw nye a matu nau wa ja la nga masai. Ndai ru hka amu galaw shapraw ai majaw shanhte hkam la ging ai hte maren dai Madu ari jaw ya u ga law!,” ngu nna tsun wu ai.

Jinghpaw Hanson Version Bible

³⁹ Ngai gaw namman jaw hkam nna hkawhkam tai hkra rai timung, dai ni ngai gawng kya nngai. Ndai Zeruia kasha ni mahtang myit nau ja masai. N hkru n hkra ai hku galaw ai wa hpe tinang a mara hte maren, Yehowa htang ya u ga law,” ngu nna tsun mu ai.

2 SAMUELA 3:39 ပူးပေါင်းရင်းမြစ်များ

2 SAMUELA 16:10

Hkawhkam wa gaw Abishai hte shi a kahpu Yoab yan hpe, “Ndai gaw nan a bungli n rai nga ai: dai Madu shi hpe tsun shangun nga ai majaw shi ngai hpe matsa ai rai jang mung, shi shing nga ai hpe kadai wa san lu na ahkang lu nga a ta?,” ngu nna tsun wu ai.

2 SAMUELA 19:13

Dawi gaw Amasa hpe mung sa tsun dan na matu shan hpe, “Nang gaw nye a amyu hpu nau wa rai nga ndai. Dai re ai majaw ya kaw nna Yoab a shara hta hpyen luksuk a du aya hta ngai nang hpe tawn da nga nngai. Dai hku ngai n shatai lu ai rai yang mung, Karai Kasang gaw ngai hpe si hkra adup nu ga law!,” ngu nna tsun dat wu ai.

2 SAMUELA 19:22

Rai ti mung Dawi gaw Abishai hte shi a kahpu Yoab yan hpe, “Nan a myit nshat hpe kadai san yu a ta? Nan gaw ngai hpe ru yak shoichyum ai lam jaw na ngu myit ni? Ngai gaw Israela a hkawhkam wa rai nga nngai majaw dai ni e, Israela masha ni kadai mung sat kau hkrum lu na ma ai n rai,” ngu nna tsun wu ai.

2 SAMUELA 3:38

Shaloi hkawhkam wa gaw shi a du salang ni hpe, “Dai Israela mung hta ningbaw kaba langai si mat sai hpe nanhte dum chye nga myit ni?

1 HKAWHKAM 2:32

Yoab gaw shi hta grau kaja nna mara n kap ai masha lahkawng rai nga ai Israela hpyen luksuk hpe up hkang ai Abna hte Yuda hpyen luksuk hpe up hkang ai Amasa yan hpe, nye wa Dawi n chye ai sha sat kau nna shut kau ai ru hka amu a majaw dai Madu gaw shi hpe ari jaw na rai wu ai.

1 HKAWHKAM 2:9

Rai ti mung shi hpe ari n jaw gaw hkum rai et. Kaning rai galaw na gaw nang chye nga ndai majaw shi si lu na rai nga ai, dai lam hpe nang lajang lu na rai ndai.

1 HKAWHKAM LABAU 22:5

Dawi gaw, “Ngai sha Shawlumon galaw na ra ai Nawku Htingnu gaw galu kaba hkik hkam nhtawm mungkan hta gumhkawng na ra ai. Rai ti mung shi gaw naw kaji ai hte mahkrum madup hpa mung n nga nga ai majaw de a matu ra mara ngai shachyip da na we ai,” ngu nna myit da wu ai. Dai rai nna Dawi gaw shi garai n si yang arung arai law law shajin shachyip da wu ai.

1 HKAWHKAM LABAU 29:1

Hkawhkam Dawi gaw shawa hpawng ting hpe ning ngu nna ndau tsun wu ai: “Ngai sha Shawlumon gaw Karai Kasang e lata la hkrum ai wa rai nga ti mung, shi gaw naw kaji nga ai hte mahkrum madup garai n nga ai wa rai nga ai. Dai amu gaw masha a matu hkawhkam htingnu galaw ai n rai; Madu Karai Kasang a matu Nawku Htingnu galaw ai rai nga ai majaw galaw na amu grai kaba nga ai.

2 HKAWHKAM LABAU 13:7

Dai hpang shi gaw akyu n rawng ai masha gumbyak hpung mi hpe shinggyin mahkawng la wu ai rai nna shanhte hpe hkap daw na matu asak nau naw kaji nna mahkrum madup hpa mung garai n nga ai Shawlumon a kasha Rehoboam hpe shanhte myit ra ai hku di kau manu ai.

SHAKAWN KUNGDAWN 101:8

Anhte a lamu ga hta shanu nga nna, tara n lang ai ni hpe, lani hte lani ngai jahten sharun kau na we ai; n hkru ai masha ni yawng hpe mung, Madu a mare kaw nna gawt shapraw kau na we ai.

SHAKAWN KUNGDAWN 28:4

Shanhte hpa galaw sai lam hte shanhte shut hpyit kau sai n hkru n shawp ai amu a matu, shanhte hpe ari jaw u; shanhte a sat lawat yawng a matu shanhte hpe ari jaw u; shanhte hpe ang ai hte maren tai ya u!

SHAKAWN KUNGDAWN 62:12

O Madu e, nang na masha shagu hte hpe tinang galaw ai amu hte maren, shagrau kumhpa jaw ya nga u law.

SHAKAWN KUNGDAWN 7:16

Shing rai shanhte gaw shanhte galaw ai n hkru ai amu hta ari hkrum sha nna, shanhte a kashun kashe re ai amu hta machyi hkrum nga ma ai.

SHAKAWN KUNGDAWN 75:10

Tara n lang ai ni a n-gun atsam hpe shi shadaw kau ya na ra ai; rai ti mung, ding hpring ai ni a daru magam n-gun hpe chyawm gaw shi rawt jat kaba shangun na ra ai law.

PRU MAT 21:12

Masha langai mi hpe adup kayat nhtawm sat kau ai wa kadai mung si ai hkrum na rai wu ai.

GA SHAGAWP 20:8

Tara tingnyang hta dung nga ai hkawhkam wa gaw n hkru ai lam hpe shi mu ai shaloi, dai lam yawng mayawng hpe shi chye nga ai.

GA SHAGAWP 25:5

Hkawhkam wa hte shi a mung up rap daw magam dap kaw nna n hkru n shawp ai hpaji jaw kasa ni hpe shapraw kau jang, shi a up hkang ai lam gaw teng man ai tara re nga nna, kajai gumhkawng wa na ra ai.

ESAIA 3:11

Rai ti mung n hkru ai masha ni gaw dingnye hkrum nga sai; shanhte gaw kaga ni hpe galaw kau mu ai hte maren, shanhte hta mung ya jang dai hku hkrum hkra na mara ai.

ESAIA 7:4

Sadi maja na matu mung, myit asim sha nga na matu mung, hkrit kajawng ai hte sharu shatsang hpa n hkrum hkra ra na matu mung shi hpe tsun dan u. Hkawhkam Rezin hte shi a Suri masha ni hte Hkawhkam Peka ni a masin kahtet ai gaw wan nhtaw lahkawng kaw na wan hkut hta grau hkrit tsang shara nga ai n rai.

YEREMIA 38:5

Hkawhkam Zedekia gaw, “Ara rai sa, grai kaja sai, shing nga jang gaw, nanhte shi hpe galaw mayu ai hku galaw mu, ngai nanhte hpe n hkum lu ni ai,” ngu nna htan wu ai.

Daniela 6:16

Dai re ai majaw hkawhkam wa mung Daniela hpe rim la na matu ahkang jaw dat wu ai; shi gaw hkanghkyi ni hte hpring nga ai nhkun de kabai bang ai hkrum nga nu ai. Shi gaw Daniela hpe, “Nang grai sadi dung let daw jau nga ai na a Karai Kasang gaw nang hpe hkye mawai la u ga law,” ngu nna tsun wu ai.

BU HKAWM 32:23

Rai ti mung nanhte a ga sadi hpe n hkan shatup myit dai rai yang chyawm gaw dai Madu hpe nanhte shut kau na rai myit dai, ngu nna ngai ga sadi jaw nngai. Dai lam gaw shut ai lam n rai, nga nna galaw hkrup myit yang gaw nanhte shut kau ai yubak a majaw ari jaw hkrum na rai myit dai.

ROMA 13:4

Hpa majaw nga yang, shi gaw na a akyu ara a matu mara, Karai Kasang a shangun ma rai nga ai. Rai ti mung nang n hkru n kaja ai amu galaw n yang gaw, shi hpe hkrit kang nga u, hpa majaw nga yang, shi gaw ari jaw lu ai magam atsam ahkang aya, kaja wa hkrak lu ai wa rai nga ai. Shi gaw Karai Kasang a shangun ma rai nna n hkru n kaja ai bungli galaw ai ni hpe Karai Kasang a jeyang daw dan ai ari jaw na rai nga ai.

2 TIMOHTI 4:14

Janghkam Alexandru gaw ngai hpe n kaja ai law law wa galaw ni ai; shi galaw ai hte maren dai Madu gaw shi hpe bai tai htang jaw na ru ai.

TARA AGYI 9:57

Gidon a kasha Yohtam gaw shanhte hpe matsa ai hte maren Shehkem masha ni shanhte nan galaw ai n hkru n shawp ai a matu Karai Kasang gaw shanhte hpe nni nkri jahkrum mu ai.