2 SAMUELA 3:35 - Jinghpaw Common Language Bible 2009

³⁵ Amyu masha ni gaw Dawi hpe lama ma sha na matu, shani tup shagwi shakut ma ai, rai ti mung shi gaw, “Jan garai n shang yang, lama ma ngai sha kau hkrup ai rai yang, Karai Kasang ngai hpe adup sat kau u ga!,” ngu nna dagam shaka wu ai.

Jinghpaw Hanson Version Bible

³⁵ Jan garai n du yang, Dawi hpe, Shat sha ga nga, nga nna masha nlang sit sa shagwi mu timung, Dawi gaw, “Jan garai n shang yang shat n re ai shahpa lama mi sha a chyim we yang gaw, dai hta grau nna Karai Kasang ngai hpe deng ru ga,” ngu nna dagam wu ai.

2 SAMUELA 3:35 ပူးပေါင်းရင်းမြစ်များ

2 SAMUELA 1:12

Shanhte gaw Shawlu hte Yonahtan yan wa mung, Israela ni mung, dai Madu a amyu masha ni mung majan pa e law law wa sat kau ai hkrum nga ma ai majaw shana de du hkra yawn hkyen ai hte sharung shayawt let lusha gam nga ma ai.

2 SAMUELA 12:17

Shi a hkawhkam wang na du salang ni shi kaw sa nna sa sharawt yu mu ti mung, shi ningdang kau nhtawm shanhte hte rau hpa mung n lu n sha rai nga nga ai.

2 SAMUELA 3:34

Shi a lata ni hpe gyit da ai n rai; Shi a lagaw ni hpe sumri hte hkang da ai n rai. N hkru ai wa a lata hte sat kau hkrum ai wa zawn shi si mat nga sahka!.” Amyu masha ni mung shi a matu kalang mi bai hkrap ngu hkrap ngoi nga ma ai.

2 SAMUELA 3:36

Dai amu masha nlang mu matsing nna yu sharawng ma ai; kaja wa hkawhkam wa galaw ai lam magup hpe amyu masha ni yu sharawng nga ma ai.

2 SAMUELA 3:9

Dawi gaw Shawlu hte shi a amyu matu mara ni a lata na mungdan hpe la kau nhtawm mungdan htum ai shara mi kaw nna maga mi de hkren dam ai Israela hte Yuda mungdan lahkawng yan a hkawhkam tai shangun na lam, dai Madu Dawi hpe ga sadi jaw tawn nu ai. Ya chyawm gaw ndai lam teng wa hkra n shabyin taw gaw, Karai Kasang ngai hpe adup sat kau nu ga law!,” ngu nna jahtau tsun wu ai.

1 HKAWHKAM LABAU 10:12

Magrau grang htum ai masha ni sa nna Shawlu hte shi a shadang sha ni a moi mang ni hpe shayu la nhtawm Yabesha mare de la wa ma ai. Shanhte gaw dai yang na wamyi hpun npu e shanhte hpe lup makoi nhtawm sanit ya tup lusha gam nga ma ai.

YEREMIA 16:7

Tinang tsaw ra ai wa si mat ai shaloi, shi hpe shalan shabran na matu kadai mung lu sha na ra ai n rai; shi a kanu yan kawa si mat tim pyi, kadai mung shi a matu matsan dum ai myit madun dan na ra ai n rai.

EZEKELA 24:17

Na a hkrap sharung ai nsen hpe hkum na shangun nga et. Sharung shayawt ai kumla zawn bunghkaw n hkaw ai hte lagaw kaman hte hkum hkawm et. Na a myi man hkum magap et; sharung shayawt ai ni sha ai lusha hkum sha et,” ngu nna tsun wu ai.

EZEKELA 24:22

Dai hpang, ngai galaw ni ai zawn nanhte galaw na marin dai. Nanhte gaw myi man magap lu na myit dai n rai, sharung shayawt ai ni a lusha hpe mung sha lu na myit dai n rai.

TARA AGYI 20:26

Dai hpang amyu masha ni yawng Behtela mare de lung wa nhtawm sharung shayawt nga ma ai. Shanhte gaw dai yang na dai Madu a man e dung nga let shana de du hkra n lu n sha rai ma ai. Shanhte gaw dai Madu a man e mahku hkungga ni hte hkum ting nat nawng ai shagu hkungga nkau mi nawng jau ma ai.

RUHTA 1:17

Nang si ai shara hta ngai si na nngai, dai yang e ngai mung makoi mayang hkam na nngai. Nang hte ngai si hka ai sha n rai yang, kaga lam hku nna hka wa ai rai yang mung dai Madu a sawng htum ai ari nye a ntsa de du wa u ga!,” ngu nna htan wu ai.

1 SAMUELA 3:17

Eli mahtang, “Dai Madu nang hpe hpa lam tsun a ta? Ngai hpe tsun dan na hpa mung hkum ip da et. Shi tsun matsun nang ngai hpe n tsun dan ai rai yang, Karai Kasang nang hpe laja lana re ai ari jaw na ra ai,” ngu nna san wu ai.