2 SAMUELA 3:25 - Jinghpaw Common Language Bible 2009

²⁵ Shi ndai shara de sa ai gaw nang hpe hkalem kau nna nang galaw ai lam magup hte nang hkawm sa ai shara shagu hpe hkan chye kau na matu rai nga wu ai. Dai lam hpe nang hkrak sha chye da ang ai gaw re mi!,” ngu nna tsun wu ai.

Jinghpaw Hanson Version Bible

²⁵ Nira a kasha Abna dai, nang hpe masu hkalem nna, na a pru wa shang wa ai lam ni hte, na a hpajang ai lam mahkra hpe chye kau lu na matu sha nang kaw sa ai gaw, nang chye na ndai le,” ngu nna tsun kau wu ai.

2 SAMUELA 3:25 ပူးပေါင်းရင်းမြစ်များ

NINGPAWT NINGHPANG 42:12

Yosep gaw shanhte hpe, “N rai law, nanhte gaw anhte a mungdan n-gun kya ai hpe sa yu ai ni she rai nga myit dai,” ngu nna tsun wu ai.

NINGPAWT NINGHPANG 42:16

Nanhte tsun ai ga teng ai n teng ai hpe chyam yu lu hkra, nanhte hta na marai langai mi wa nna shi hpe wa woi la mu; ngam ai ni hpe chyawm gaw htawng hta sharen da na mawe ai. Dai hku n rai yang, hkawhkam wa teng teng hkrung nga ai hte maren, nanhte kin-yu ni rai nga myit dai,” ngu nna tsun wu ai.

NINGPAWT NINGHPANG 42:9

Yosep gaw shanhte a lam hte shi mu ai yup mang ni hpe myit dum let, “Nanhte kin-yu ni rai nga myit dai; anhte a mungdan n-gun kya ai hpe sa yu ai ni she rai nga myit dai,” ngu nna shanhte hpe tsun mu ai.

2 SAMUELA 10:3

Amon ningbaw ni gaw hkawhkam wa hpe, “Nang hpe matsan dum ai lam madun dan na matu, ndai masha ni hpe Dawi shangun dat ai gaw, na nwa hpe shagrau sha-a nna galaw ai zawn nang myit nawn da wu ni? Kaja wa teng teng dai hku n rai law! Shanhte gaw anhte hpe gasat dang kau lu hkra nga, ndai mare hpe kin-yu yu na matu shi shanhte hpe ndai de shangun dat nga nu ai,” ngu nna tsun ma ai.

2 SAMUELA 3:24

Dai rai nna Yoab gaw hkawhkam wa kaw shang nna shi hpe, “Nang hpa galaw kau sata? Abna mung nang kaw sa ai da aw! Shi hpe hpa majaw dai zawn sha dat dat kau wu ni?

2 SAMUELA 3:26

Dawi kaw nna pru mat wa ai hpang, Yoab gaw Abna hpe shaga wa na matu kasa ni hpe shangun dat wu ai. Shanhte gaw shi hpe Sira hka htung kaw nna woi nhtang wa ma ai; rai ti mung Dawi chyawm gaw dai lam hpa mung n chye da wu ai.

2 SAMUELA 3:27

Abna gaw Hebron mare de bai du jang, shi hpe shaga mayu ai majaw dinghkrai la nna mare chyinghka lam makau de woi sa nhtawm dai yang e shi a kan hpe nhkyi hte galun ya wu ai. Abna gaw Yoab a kanau Asahela hpe sat kau wu ai majaw shi mung sat kau ai hkrum nga wu ai.

SHAKAWN KUNGDAWN 121:8

dai Madu gaw ya kaw nna htani htana prat dingsa nang hkawm sa ai shara shagu hkan e, nang hpe makawp maga nga na ra ai.

ESAIA 37:28

“Rai ti mung ngai gaw nang hte seng ai nang hpa galaw nna gara de hkawm sa ai lam magup hpe chye nngai. Nang ngai hpe kade daram n-yun bu ai hpe mung ngai chye nngai.

BU HKAWM 27:17

shanhte hpe majan gasat yang woi hkang lu ai masha langai mi san da ya u law; shaloi na a shawa hpung gaw rem ai wa n nga ai sagu zawn n rai mat mu ga,” ngu nna hpyi tsun wu ai.

YAWHAN 7:12

Shawa masha ni hta mung shi a lam gadum gahte nga ai lam grai law ai hte, nkau mi gaw, “Shi gaw masha kaja rai nga ai,” nga ma ai. Bai nkau mi gaw, “N rai, mung masha ni hpe lam shadam nga ai,” nga shajang ma ai.

YAWHAN 7:47

Shaloi Hparishe ni gaw, “Nanhte wa mung dai wa e gunglau mana kau ai hkrum manit hka i?

ROMA 2:1

Jinghku wa e, nang gaw masha kaga wa hpe jeyang daw dan nga n ni? Nang gaw kadai wa mi rai nga ti mung, na a mara raw lu hkra jahpai na lam mi n nga mat salit dai. Hpa majaw nga yang, nang gaw masha kaga wa hte maren sha yubak galaw ai wa rai nga da ninglen masha kaga wa hpe jeyang daw dan n yang gaw na hkum hpe mahtang nang daw dan kau da wu ai.

TARA JAHPRANG 28:6

“Dai Madu gaw nanhte galaw ai lam magup hpe shaman chyeju jaw ya na ra ai.