2 SAMUELA 3:14 - Jinghpaw Common Language Bible 2009

¹⁴ Dawi mung Ishboshet hpang de kasa shangun dat nhtawm, “Nye a madu jan Mihkala hpe ap ya mi. Shi hpe hkungran la na matu Hpilisti masha ni a hpyi matu latsa hte ngai mari la ni ai,” ngu nna tsun shangun dat wu ai.

Jinghpaw Hanson Version Bible

¹⁴ Dawi mung Ish-boshet hpang de kasa dat dat nna, “Hpilisti masha ni a hpyi matu latsa hte ngai mari la ai, nye a madu jan Mihkala hpe ap ya dat rit,” ngu nna htet dat wu ai.

2 SAMUELA 3:14 ပူးပေါင်းရင်းမြစ်များ

2 SAMUELA 2:10

Israela hkawhkam galaw ai aten hta shi a asak mali shi ning rai nga ai; shi gaw lahkawng ning sha mungdan up hkang nga ai. Rai ti mung Yuda amyu bawsang ni chyawm gaw Dawi hta sadi dung nga ma ai rai nna,

2 SAMUELA 3:15

Dai rai nna Ishboshet gaw Mihkala hpe shi a madu wa rai nga ai Laisha a kasha Patiela kaw na woi mat wa ya wu ai.

2 SAMUELA 6:16

Dai Sumpu hpe mare kata de la shang wa nga ma yang, Shawlu a shayi sha Mihkala gaw hkuwawt hku mada yu wu ai, shaloi Hkawhkam Dawi gaw chyoi pra ka manawt hte gumlawt wa nga ai hpe mu wu ai rai nna hkyet yu sharung da wu ai.

MAHTE 1:18

Ya, Yesu Hkristu kaning rai shangai chyinghkai wa ai lam ning rai nga ai; Shi a kanu Mari gaw Yosep hte mahtan da nga ai rai nna, shan garai n hkungran ai majaw garai n kanawn yang, Mari gaw dai Chyoi Pra ai Wenyi a majaw na-um nasin rai wa sai.

1 SAMUELA 18:25

Shawlu gaw Dawi hpe ning ngu tsun na matu shanhte hpe hkang dat wu ai: “Hkawhkam wa nang kaw na ra sharawng ai lam yawng gaw shi a gumlau hpyen ni hpe matai htang la lu hkra, si mat sai Hpilisti masha ni a hpyi matu latsa hpu ja bang ai hku sawn la ya na ra ai da.” (Ndai mung Hpilisti masha ni a lata hta Dawi sat kau ai hkrum u ga, ngu Shawlu maw mawn ai lam rai nga ai.)

1 SAMUELA 18:27

Dawi hte shi a masha ni pru sa nhtawm Hpilisti masha lahkawng tsa hpe sat kau ma ai. Shi gaw shanhte a hpyi matu ni hpe hkawhkam wa hpang de la wa nhtawm dai ni yawng hpe shi a man e hti yu wu ai rai nna, hkawhkam wa a kahkri tai wa mai nu ai. Dai rai nna, Shawlu gaw shi a shayi sha Mihkala hpe Dawi hte hkungran na matu ap ya wu ai.

1 SAMUELA 25:44

Dai aten hta Shawlu chyawm gaw Dawi a madu jan tai yu sai shi a shayi sha Mihkala hpe Galim mare na Laisha a kasha Palati hpe jaw sha kau wu ai.