2 SAMUELA 3:1 - Jinghpaw Common Language Bible 2009

¹ Shawlu a dinghku hpe karum shadaw ai ni hte Dawi hpe karum ai ni a lapran e na na wa majan gasat nga ma ai. Dawi mahtang grau grau nna n-gun ja wa nhtawm shi hpe ninghkap ai ni mahtang grau grau nna yawm mat wa nga ma ai.

Jinghpaw Hanson Version Bible

¹ Shing rai Shawlu a amyu hte Dawi a amyu gaw, na na wa majan gasat nga nna, Dawi mahtang n-gun ja wa nna, Shawlu amyu gaw le le yawm mat ma ai.

2 SAMUELA 3:1 ပူးပေါင်းရင်းမြစ်များ

NINGPAWT NINGHPANG 3:15

Ngai gaw nang hte shinggyim numsha a lapran hta mung, na a amyu matu hte shi a myu matu hpe mung n ju n dawng shangun nna galoi mung gumlau hpyen atai shangun nga na nngai. Shi a amyu matu gaw na a baw hpe abrep nna nang mung shanhte a lahtin hpe achye na ra ai,” ngu nna tsun wu ai.

2 SAMUELA 2:17

Dai hpang shanhte gaw laja lana rai bai gasat hkat ma yang, Abna hte Israela masha ni mahtang Dawi a masha ni hpe sum mat ma ai.

2 SAMUELA 2:28

Yoab mung shi a masha ni Israela masha ni hpe n hkan shachyut na matu pahtau dum let masat kumla madun dat wu yang, dai gasat gala ai gaw hkring mat nga ai.

2 SAMUELA 22:44

Nang gaw ngai hpe gumlau masha ni a lata kaw na hkye mawai la nit dai; masha amyu baw ni hpe up hkang na ahkang ngai hpe lajang ya nga ndai. Ngai n chye ai masha ni mung nye a up hkang ai npu hta taw nga ma ai.

2 SAMUELA 3:6

Dawi a masha ni hte Shawlu a dinghku hta sadi dung ai masha ni a lapran e gasat gala lam naw byin nga ai rai nna, Shawlu kaw hkan nang ai masha ni hta Abna gaw grau grau nna n-gun rawng wa nga ai.

2 SAMUELA 5:10

Chyahtum Chyalai N-gun Rawng ai Madu Karai Kasang gaw shi hte rau nga nga ai majaw shi gaw aten shagu grau grau nna n-gun ja wa nga ai.

1 HKAWHKAM 14:30

Dai aprat laman hte yang, Rehoboam hte Yeroboam yan gaw shada da majan ayan gasat hkat ma ai.

1 HKAWHKAM 15:16

Yuda Hkawhkam Asa hte Israela hkawhkam Basha yan shan hkaw dung nga dingsa shada da majan ayan gasat hkat nga ma ai.

1 HKAWHKAM 15:32

Yuda Hkawhkam Asa hte Israela Hkawhkam Basha yan hkaw dung nga dingsa shan shada da majan ayan gasat hkat nga ma ai.

1 HKAWHKAM LABAU 11:9

Chyahtum Chyalai n-gun rawng ai dai Madu gaw Dawi hte rau rai nga ai majaw shi gaw grau grau nna n-gun ja wa nga ai.

1 HKAWHKAM LABAU 3:1

Da ndai gaw Hebron mare e Dawi nga nga yang, asak hku hkan nna shangai wa ai shi a shadang sha ni rai nga ai: Amnon, shi a kanu gaw Yezrela mare na Ahinoam rai nga ai. Daniela, shi a kanu gaw Hkarmela mare na Abigala rai nga ai. Absalom, shi a kanu gaw Geshura Hkawhkam Talamai a shayi sha Mahka rai nga ai. Adoniya, shi a kanu gaw Hagit rai nga ai. Shehpati, shi a kanu gaw Abitala rai nga ai. Itream, shi a kanu gaw Egla rai nga ai.

ESHTA 6:13

Shi gaw shi hta byin mabyin lam mahkra hpe shi a madu jan hte shi a manaw manang ni yawng hpe wa tsun dan wu ai. Shaloi madu jan hte hpaji rawng ai shi a manang ni gaw shi hpe, “Nang gaw Yuda masha Mordehkai a man e n-gun sum hpang wa nga ndai majaw shi hpe dang lu na n rai. Shi chyawm gaw nang hpe teng teng dang kau na ra ai,” ngu nna tsun mu ai.

ESHTA 9:4

Mordehkai gaw hkawhkam htingnu hta daru magam n-gun rawng wa ai hte grau grau nna jat kaba wa nga ai gaw hkawseng mungdan ting hta kajai gumhkawng nga sai.

YOBA 17:9

Hkungga lara wa na matu tsun hkrum ai ni gaw shanhte ding man nga ma ai hpe grau grau nna chye na wa ma ai.

YOBA 8:7

Karai Kasang nang hpe jaw ya na ra ai sut gan gaw nang shamat kau sai sut gan ni yawng ngu na hpa hte mung shadawn lu na n rai.

SHAKAWN KUNGDAWN 18:43

Nang gaw ngai hpe gumlau masha ni a lata kaw nna hkrang shaw la nit dai, amyu baw ni a ntsa e, up hkang ai wa, nang ngai hpe shatai nit dai; Ya chyawm gaw, ngai n chye ai amyu masha ni nye a mungdan masha ni tai wa nga masai.

SHAKAWN KUNGDAWN 46:9

Shi gaw mungkan ga na majan ni yawng hpe shazim kau nna; ndan ni hpe shi shadaw kau let, ri ni hpe jahten kau nhtawm, hpyen ninggang ni hpe wan hta nat kau nga ai.

SHAKAWN KUNGDAWN 84:7

Shanhte hkawm sa mat wa magang n-gun atsam grau nna jat la lu nga ma ai; Ziun Bum ntsa e, karai ni a Karai hpe shanhte wa mu lu na mara ai.

GALATI 5:17

Hpa majaw nga yang, hkum shan a marin ai lam gaw, Wenyi a ra ai lam hte nhtan shai nga ai, Wenyi a ra ai lam mung hkum shan a marin ai lam hte nhtan shai nga ai. Hkum shan a marin ai lam hte Wenyi a ra ai lam ndai yan lahkawng gaw hpyen rai nga ma ai. Dai rai nna nanhte gaw tinang galaw mayu ai hte maren n galaw lu myit dai.

EHPESU 6:12

Hpa majaw nga yang, anhte shinggyim masha ni hte gasat hkat nga ai n rai; sumsing lamu lahta tang e nga ai n hkru n hkra ai nat luksuk ni hte mung, ndai sin mak ai mungkan hpe up hkang nga ai du ni, ahkang aya lu ai ni hte gasat gala hkat nga ga ai.

SHINGRAN 6:2

Ngai yu dat yang, gumra ahpraw langai mi hpe ngai mu nngai. Dai hta jawn ai wa gaw ndan langai mi lang nga ai; shi hpe janmau langai mi shagup ya wu ai rai nna, shi gaw awng padang lu ai wa rai nga ai hte maren, padang dip la na matu ninglaw pru sa wa ai.