2 SAMUELA 24:5 - Jinghpaw Common Language Bible 2009

⁵ Shanhte gaw Yawdan hka rap nhtawm Gad a lamu ga, kadit ka-ang e de da ai Aroera mare a dingda maga hta dap jung nga ma ai. Dai shara kaw nna mahtang dingdung maga Yazera mare de mung,

Jinghpaw Hanson Version Bible

⁵ Ya shanhte gaw Yawdan hka rap nna, Gad hkaraw na Aroera mare sinpraw maga Yezera mare du hkra, dap jung nga ma ai:

2 SAMUELA 24:5 ပူးပေါင်းရင်းမြစ်များ

2 SAMUELA 24:4

Rai ti mung hkawhkam wa mahtang Yoab hte shi a du salang ni shi hkang da ai ga hpe madat mara shangun wu ai rai nna shi a man kaw nna shanhte pru mat wa nhtawm, Israela amyu masha ni hpe hti yu na nga, hkawm mat wa ma ai.

ESAIA 17:2

Suri mung na mare ni gaw htani htana katsi katsang shara tai mat na ra ai. Dai mare ni gaw sagu dumsu uhpung ni a udat shara tai mat na ra ai, kadai mung shanhte hpe gawt shapraw kau na n rai.

BU HKAWM 21:32

Yazera mare hpe htim gasat la na matu, kaja htum ai mahkrun hkan sawk tam na masha ni hpe Mawshe shangun dat wu ai. Dai hpang Israela masha ni mung dai mare hte de a grup yin na kahtawng ni hpe gasat la nhtawm dai mung e nga nga ai Amori masha ni hpe shaden kau ma ai.

BU HKAWM 32:1

Rubin hte Gad yan a amyu bawsang ni yam nga hpung law law lu ma ai. Dai rai nna Yazera mung hte Gilead mung hta yam nga a matu udat shara kade wa kaja nga ai hpe shanhte mu ma yang,

BU HKAWM 32:3

“Dai Madu gaw Israela amyu masha ni hpe karum nna shang madu la lu ai ndai ginwang na Atarot, Dibon, Yazera, Nimra, Heshbon, Eleale, Sibma, Nebo hte Beon kahtawng ni gaw yam nga rem sha na matu kaja ai lamu ga ni rai nga ai; anhte hta mung yam nga grai law nga mali ai.

BU HKAWM 32:35

Atrot Shohpan, Yazera, Yogbeha,

TARA JAHPRANG 2:36

Dai Madu anhte a Karai Kasang gaw Arnon Kadit makau na Aroera hte dai Kadit ka-ang e nga ai mare kaw na Gilead mung lam dingyang hkan nga ai mare ni yawng hpe dang la shangun mi ai. Anhte a matu nau wa ja la ai ngu na bunghku hte kum da ai mare langai mi mung n nga nga ai.

YAWSHU 13:16

Shanhte a lamu ga gaw (Arnon Kadit mahka) e de ai Aroera mare hte dai kadit ka-ang e nga ai mare kaw nna Medeba grup grup na bum layang ga yawng lawm nga ai.

YAWSHU 13:25

Shanhte a lamu ga gaw Yezera mare hte Gilead mung ting na mare ni yawng hte Raba sinpraw ang de na Aroera du hkra,

YAWSHU 13:9

Shanhte a lamu ga gaw (Arnon Kadit mahka e nga ai) Aroera mare hte dai kadit ka-ang e nga ai mare hte Medeba kaw nna Dibon du hkra bum layang ga ting lawm nga ai.

1 SAMUELA 30:28

Aroera, Sipmot, Eshtemoa;