2 SAMUELA 24:4 - Jinghpaw Common Language Bible 2009

⁴ Rai ti mung hkawhkam wa mahtang Yoab hte shi a du salang ni shi hkang da ai ga hpe madat mara shangun wu ai rai nna shi a man kaw nna shanhte pru mat wa nhtawm, Israela amyu masha ni hpe hti yu na nga, hkawm mat wa ma ai.

Jinghpaw Hanson Version Bible

⁴ Rai timung hkawhkam wa a ga mahtang Yoab hte bu ni a ga hpe dang nna, Yoab hte bu ni gaw Israela masha ni hpe hti yu na nga, hkawhkam kaw na pru wa ma ai.

2 SAMUELA 24:4 ပူးပေါင်းရင်းမြစ်များ

2 SAMUELA 24:3

Rai ti mung Yoab mahtang hkawhkam wa hpe, “Madu hkawhkam e, dai Madu na a Karai Kasang gaw Israela amyu masha ni hpe ya shanhte nga nga ai hta htam latsa n-ga hkra shalaw jahtam ya nna nang hkrung nga ai hte mu lu hkra rai u ga law. Rai ti mung, ndai amu hpe madu hkawhkam hpa majaw galaw mayu nga n ta?,” ngu nna htan wu ai.

2 SAMUELA 24:5

Shanhte gaw Yawdan hka rap nhtawm Gad a lamu ga, kadit ka-ang e de da ai Aroera mare a dingda maga hta dap jung nga ma ai. Dai shara kaw nna mahtang dingdung maga Yazera mare de mung,

1 HKAWHKAM LABAU 21:4

Rai ti mung hkawhkam wa mahtang Yoab hpe dai hkang da ai ga hpe madat mara shangun wu ai rai nna, Yoab mung Israela mungdan ting de dinghkren hkawm mat wa nhtawm Yerusalem mare de bai nhtang wa wu ai.

PRU MAT 1:17

Rai ti mung shangai karum ai yan mahtang Karai Kasang hpe hkrit hkungga ai yan rai nna hkawhkam wa a hkang da ai ga hpe n madat ai sha, shing rai hkan galaw na malai, shan gaw lasha ni hpe jahkrung da ya nga ma ai.

PRU MAT 30:12

“Israela amyu masha ni hpe jahpan la ai shaloi ru yak tsin-yam tsindam hpa mung n du lu mu ga, lasha shagu gaw tinang a asak a matu ngai hpe manu jahpu jaw lu na rai ma ai.

HPAJI NINGLI 8:4

Hkawhkam wa gaw daru magam ahkang aya hte galaw ai rai nna shi galaw ai amu hpe kadai mung dakat lu ai n rai.

KASA 5:29

Petru hte kaga kasa ni gaw, “Anhte gaw masha a ga madat na hta Karai Kasang a ga hpe mahtang madat lu na ga ai.