2 SAMUELA 24:20 - Jinghpaw Common Language Bible 2009

²⁰ Ya Arauna mada yu wu yang, hkawhkam wa hte shi a du salang ni shi hpang de sa wa nga ma ai hpe mu wu ai. Shaloi shi gaw Dawi a man e ga de gum dagup nhtawm,

Jinghpaw Hanson Version Bible

²⁰ Ya Arauna mada yu yang, hkawhkam wa shi a ali ama ni hte rau shi hpang de sa du ai gaw mu wu ai; Arauna mung shinggan de pru nna, hkawhkam wa a man e ga de gum dagup let,

2 SAMUELA 24:20 ပူးပေါင်းရင်းမြစ်များ

NINGPAWT NINGHPANG 18:2

shi a sum chyinghka lam kaw dung let mada yu dat yang, dai shara hta masha marai masum tsap nga ma ai hpe mu wu ai. Shanhte hpe mu ai hte rau, sa tau la na nga shi rawt sa wa wu ai.

2 SAMUELA 1:2

Hpang shani e, shabrang langai mi gaw Shawlu a dap kaw na du wa nhtawm shi a bu hpun palawng ni gang je kau let shi a baw ntsa e ga nhpu hte bun nna yawn hkyen ai lam madun dan nga wu ai. Shaloi Dawi hpang de shi sa nna ga de dingnyawm dagup let hkungga jaw wu ai.

2 SAMUELA 24:19

Dawi mung dai Madu a hkang da ai ga hpe madat wu ai rai nna shi hpe Gad tsun ai hte maren sa wa wu ai.

2 SAMUELA 24:21

“Madu hkawhkam e, hpa majaw nang e nga nga n ta?,” ngu nna san wu ai. Shaloi Dawi gaw, “Ana zinli kaba jasim kau na matu na a chyarang pa hpe ngai mari la nhtawm, dai yang e dai Madu a matu tawn hkungri langai galaw na nngai,” ngu nna htan wu ai.

2 SAMUELA 9:8

Mehpiboshet lang mi bai gum dagup nhtawm, “Madu e, ngai gaw gwi chyasi langai hta pyi grau nna asung n shang mat nga nngai; dai rai yang, nang ngai hpe hpa majaw grai yu matsan dum la nga n ni?,” ngu nna tsun wu ai.

RUHTA 2:10

Ruhta gaw shi a myi man hpe ga de gum dagup da nna Bua hpe, “Nang ngai hpe hpa majaw dai daram gawn yu nga n ta? Nang gaw maigan masha wa hpe hpa majaw grai matsan yu dum nga n ni?,” ngu nna tsun wu ai.