2 SAMUELA 24:2 - Jinghpaw Common Language Bible 2009

² Dai re ai majaw Dawi gaw shi a hpyen luksuk hpe up hkang ai Yoab hpe ning ngu hkang dat wu ai: “Na a du salang ni hte rau mungdan a jahtum jut shara mi kaw nna kaga shara mi de du hkra nga ai Israela amyu bawsang ni yawng hpang de sa wa nhtawm amyu masha ni hpe hti yu su. Dai hkan e gade wa law nga ma ai hpe ngai chye mayu nngai.”

Jinghpaw Hanson Version Bible

² Hkawhkam wa mung, shi kaw nga ai luksuk ni a jaubu Yoab hpe, Masha gade nga ai ngai chye lu hkra, Dan mare kaw nna Berasheba mare du hkra, Israela amyu ting ga sa wa nna, mung masha ni hpe hti yu mu, ngu nna hkang dat wu ai.

2 SAMUELA 24:2 ပူးပေါင်းရင်းမြစ်များ

NINGPAWT NINGHPANG 21:14

Hpang jahpawt manap jau jau aten hta, Abraham gaw Hagara hpe lusha loi mi hte shanhpyi htingpa hta lu hka ntsin hpring hkra bang nna kasha hte rau dat dat wu ai. Dai hpang ma hpe mung shi a shingma ntsa hta shaba dat ya nhtawm dat dat wu ai. Shi pru mat wa nhtawm Berasheba nam mali hkan kayin hkawm nga ai.

2 SAMUELA 17:11

Ngai hpaji jaw mayu ai lam gaw panglai hkin-gau ntsa e taw ai zaibru daram law htam nga nna mungdan jahtum shara mi kaw nna shara mi de du hkra nga nga ai Israela masha ni yawng hpe woi nhtawm majan pa de nang nan shanhte hpe woi awn sa wa su.

2 SAMUELA 2:13

Kanu Zeruia a kasha Yoab hte Dawi a du salang ni gaw shanhte hte hka lawng e sa hkrum nga ma ai rai nna hka lawng a maga mi de hpung mi, bai kaga maga mi de hpung mi rai, shanhte yawng dung jawng nga ma ai.

2 SAMUELA 20:23

Yoab gaw Israela hpyen luksuk hpe up hkang ai du rai nga ai; Yehoiada a kasha Benaia gaw Dawi a asak sin ai amu woi hpareng ai wa rai nga ai.

2 SAMUELA 24:15

Dai rai nna dai Madu gaw dai jahpawt kaw nna shi masat da ai aten du hkra, Israela a ntsa e ana zinli kaba dat dat wu ai. Dai majaw mungdan jahtum shara mi kaw nna maga mi de du hkra na Israela masha mun sanit si mat ma ai.

2 SAMUELA 8:16

Kanu Zeruia a kasha Yoab gaw hpyen luksuk up hkang du kaba rai nga ai; Ahiluda a kasha Yehoshahpat gaw labau ka matsing ai ni a hpareng rai nga ai.

1 HKAWHKAM LABAU 21:2

Dawi gaw Yoab hte kaga du salang ni hpe, “Mungdan a jahtum jut shara mi kaw nna kaga shara mi de du hkra nga ai amyu masha ni hpang de sa nhtawm amyu masha ni hpe hti yu su. Dai hkan e gade wa law nga ma ai hpe ngai chye mayu nngai,” ngu nna hkang dat wu ai.

2 HKAWHKAM LABAU 32:31

Babelon dat kasa ni dai lamu ga kata byin ai laklai mabyin masa hte seng ai hpe sa sagawn yu ai shaloi pyi shi a arawn alai chyam yu na nga, Karai Kasang gaw Hezekia hpe shi a lam hku sha sa shangun nga ai.

GA SHAGAWP 29:23

Myit tsaw myit dap ai gaw nang hpe hkrat sum shangun ti mung, nang mahtang shagrit shanem nga ai wa rai yang chyawm gaw hkungga ai hpe nang hkam la lu na ra ai.

YEREMIA 17:5

Dai Madu gaw, “Ngai kaw na kayin mat wa ai masha ni hte shinggyim masha ni hte si chye ai masha a n-gun hta kam hpa nga ai ni hpe ngai daw dan na we ai.

2 KORINHTU 12:7

Ngai mu lu ai jahtum chyalai mau hpa shingran a majaw ngai hta myit kaba gumrawng ai lam n nga u ga, nye a hkum shan hta ju machyi ai lam langai mi hkam sha nga nngai. Dai machyi ai lam gaw Satan wa e shangun dat ai kasa wa zawn ngai hpe abyen nna nye a gumrawng ai kawng hpe daw kau ya nga ai.

TARA AGYI 20:1

Dingdung maga Dan mare kaw nna dingda maga Berasheba du hkra nga ai Israela amyu masha ni yawng hte, sinpraw hkran Gilead mung na ni mung saw shaga ai ga htan ya ma ai. Shanhte gaw Mizpa mare e hkum langai hku dai Madu a man e zup hpawng ma ai.